အ၀ဲသ့ၣ်ကိး၀ဲ လၢ ‘‘မုၣ်ကီၤလံၢ်အခီၣ်လီၢ်’’ လီၤႉတၢ်အံၤမ့ၢ် တၢ်အခီၣ်လီၢ်အပနီၣ်လၢ လၢၢ်အဖီခိၣ် အိၣ်လၢသရၠာစးိာ်လၢအိၣ်သူၣ်လီၤအသးလၢ ၀့ၢ်အ့းစ်၀့းခၠ်‚ ကီၢ်စဲၢ်မဲၣ်စံၣ်ခၠူစဲး အကပၤ တၢ်လူၢ်ခိၣ်န့ၣ်လီၤႉ တၢ်စံၣ်ဃဲၤတဲဃဲၤတဲ၀ဲ ‘‘တၢ်အခီၣ်လီၢ်’’ ဟဲကဲထီၣ်အသး ဖဲတၢ်ဂိၢ်ထီၣ်သီအမုၢ်တနံၤဖဲ ၁၇၄၀နံၣ်‚ ဖဲပှၤစိာ်တၢ်သးခုကစီၣ် သရၠာစးၣ်ကၠီး၀့းဖံ စံၣ်တဲၤတဲလီၤတၢ်လၢ အသဟီၣ် အလၢအပှဲၤ ဒီးမုၣ်ကီၤလံၢ်ဃ့ၢ်စံၣ်ဟးထီၣ် လၢသရၠာစးိာ်အပိျာ် ဒီးစီၢ်လီၤလၢလၢၢ်ခိၣ် ဒီးဃ့ၢ်ဟးထီၣ်ဆူ ၀့ၢ်ချၢန့ၣ်လီၤႉ
တၢ်အံၤမ့ၢ်ဒၣ်တၢ်စံၣ်ဃဲၤလၢပျၢၤသနာ်က့‚ တၢ်ဂ့ၢ် အံၤတဲဘၣ်ပှၤ တၢ်မ့ၢ်တၢ်တီ လၢအဟ့ၣ်ဂံၢ်ဟ့ၣ်ဘါပှၤ လၢကစၢ်ယွၤအကလုၢ်ကထါအပူၤန့ၣ်လီၤႉ လံာ်ယၤကိာ် ၄း၇ ဒုးသ့ၣ်နီၣ်ပှၤ‚ ‘‘မ်ဒ်န့ၣ်ဒီး ပာ်သုသး လၢယွၤအဖီလာ် တက့ၢ်ႉ ထီဒါမုၣ်ကီၤလံၢ်တက့ၢ်ႉ ဒီးကဃ့ၢ်ထီၣ်ကွံာ် လၢ သုအိၣ်လီၤႉ’’
ယွၤဟ့ၣ်ပှၤဂံၢ်ဘါလၢပလိၣ် လၢပကဆၢထၢၣ်ထီဒါ တၢ်ကီတၢ်ခဲဒီး တၢ်လ့ပစီလၢ ပတၢ်အိၣ်မူပူၤတဖၣ်န့ၣ်လီၤႉ လံာ်စီဆှံတဲဘၣ်ပှၤလၢ‚ ‘‘တၢ်ဒဲးဘးတကဲလၢၤဘၣ် သုကစၢ်ဘၣ်’’ (ရၠာစးိ ၆း၁၄) ႉ မ့ၢ်လၢ ယွၤအတၢ်အဲၣ် အဘျုးဖှိၣ်လၢပဂီၢ် ခီဖျိကစၢ်ယ့ၣ်။းခရၠာစးံာ်န့ၣ်လီၤႉ ဖဲတၢ်လ့ပစီဘၣ်ပှၤ ဒီးပဃ့ၢ်ဆူယ့ၣ်။းအအိၣ်န့ၣ်‚ အ၀ဲဒုးဆၢထၢၣ်ပှၤလၢအဂံၢ်အဘါန့ၣ်လီၤႉ ပတၢ်အိၣ်မူပူၤ တၢ်လၢပကွၢ်ဆၢၣ်မဲာ်ဘၣ်မနုၤတခါမး မၤနၢၤအီၤတသ့ဘၣ်ႉ အဂ့ၢ်ဒ်အံၤ‚ အ၀ဲ ‘‘မၤနၢၤလံ ဟီၣ်ခိၣ်လံ’’ (ယိၤ ၁၆း၃၃) ႉ
ဖဲပအၢၣ်လီၤပသးဆူ ပတၢ်အုၣ်က့ၤခီၣ်က့ၤကစၢ်အအိၣ်‚ ဟ့ၣ်လီၤပတၢ်ဘၣ် ပသးတဖၣ်ဆူ အအိၣ်အဆၢကတီၢ် ဒီးလဲၤတၢ်လၢတၢ်ဒိကနၣ်ယွၤအကလုၢ်ကထါ န့ၣ်‚ အ၀ဲမၤစၢၤပှၤန့ၣ်လီၤႉ ဖဲပဟ့ၣ်လီၤပသးဆူတၢ်လ့ပစီအလီၢ်န့ၣ် ပမ့ၢ်ဟ့ၣ်လီၤ ပသးဆူယ့ၣ်။းအအိၣ်န့ၣ်‚ အ၀ဲကဒုးန့ၢ်ပှၤပတၢ်ဒုးတၢ်ယၤတဖၣ်န့ၣ်လီၤႉ လၢအပူၤန့ၣ် ပမၤနၢၤတၢ်သ့၀ဲန့ၣ်လီၤႉ