ယဘၣ်တၢ်ပာ်ဒိၣ်တၢ် ခီဖျိလၢပှၤမၤတၢ်လီၤတံၢ်ဃံလၤ၀ဲ မ့ၢ်လၢပှၤဆီတလဲကွံာ် ပှၤခိးတၢ်သွၣ်ခိၣ်လၢ အၣ်လ့ၣ်တၢၣ်ပှၤကလုာ်တၢ်သွၣ်ခိၣ် အဃိန့ၣ်လီၤႉ မူးပွဲ လီၤတံၢ်ဃံလၤ လၢဘၣ်တၢ်ကျဲၤလီၤမၤအီၤဂ့ၤဂ့ၤဘၣ်ဘၣ်အံၤ မ့ၢ်၀ဲသုးဖိတဖၣ် လၢအဟ့ၣ်လီၤအသး လၢထံကီၢ်အဂီၢ်တဖၣ် ဘၣ်ထွဲကွဲးလီၤအမံၤ ဒီးမ့ၢ်၀ဲ ‘‘ဘၣ် တၢ်သ့ၣ်ညါအီၤ ဆူကစၢ်ယွၤအအိၣ်လီၤ’’ တၢ်ဟူးတၢ်ဂဲၤ ဒ်သိးလိာ်သးတဖၣ်အံၤ မ့ၢ်၀ဲနီၢ်တဂၤဘၣ်တဂၤ လၢ တၢ်ဆၢကတီၢ်ဖုၣ်ကိာ်ဖဲန့ၣ် လဲၤတၢ်ဟဲက့ၤလီၤတၢ် တနံၤဘၣ်တနံၤ လၢမူခိၣ်ကလံၤသီၣ်ဂီၤ လၢအအၢအသီ အဆၢကတီၢ်ပူၤဒၣ်လဲာ်န့ၣ်လီၤႉ
ဖဲလါစဲးပတ့ဘၢၣ် ၂၀၀၃ နံၣ် ကလံၤမုၢ် အံးစဘ့းလး လီၤဘၣ် လၢ ၀ၣ်ဒီးၤတၣ်ဒံၢ်စံၢ် အခါန့ၣ် ပှၤခိးကွၢ်တၢ်ဆိတဖၣ် ဘၣ်တၢ်စံးအီၤ လၢအ၀ဲသ့ၣ် ထံၣ် န့ၢ် တၢ်အိၣ်ကဒုအလီၢ် လၢကလံၤမုၢ်ဟဲအဖၢမုၢ်န့ၣ်လီၤႉ လၢတၢ်ကမၢကမၣ်အပူၤ ပှၤခိးတၢ်ဖိတဖၣ် သမၢ၀ဲ လၢအတထံၣ်၀ဲ နီတဂၤဘၣ်န့ၣ်လီၤႉ အ၀ဲသ့ၣ်တဖၣ် ဂဲၤဆၢထၢၣ်၀ဲ လၢတၢ်သမၢလီၤအသးပူၤ ဒ်သိးကဟ့ၣ်ထီၣ်၀ဲ တၢ်ယူးယီၣ် တၢ်လၤကပီၤ ဆူပှၤလၢအသကိးတဖၣ် လၢအဟ့ၣ်လီၤအသး လၢကလံၤမုၢ်လီၤဘၣ် အခါန့ၣ်လီၤႉ ပမ့ၢ်ကွၢ်က့ၤ ကစၢ်ယ့ၣ်။းခရၠာစးံာ်အတၢ်သိၣ်လိပှၤ ဖဲ မးသဲ ၆း၁-၆ န့ၣ် ယနာ်ယဲ လၢအ၀ဲအတၢ်ဘၣ်အသးလၢပဂီၢ်အံၤ ဒ်သိးပကအိၣ်မူသန့ၤသးလၢအီၤ ဒီးဘူၣ်ထီၣ်ဘါထီၣ်အီၤ လၢအတအိၣ်ဘၣ်ဒီးတၢ်မၤ လၢအဂ့ၤဒီးတၢ်အိၣ်မူ လၢအစီအဆှံန့ၣ်လီၤႉ တၢ်အံၤ မ့ၢ်၀ဲဒၣ် ဒ်သိးပကဘူၣ်ထီၣ်ဘါထီၣ်ယွၤ ဒီးဒိကနၣ် ကစၢ်ယွၤန့ၣ်လီၤႉ (း၄-၆) ႉ ဒီးတၢ်အံၤ တမ့ၢ်လၢပဆဲၣ်ဃံဆဲၣ်လၤပသး လၢပလၤ ကပီၤအဂီၢ်ဒၣ်၀ဲဘၣ် (း၂) ႉ ပှၤတၢ်မၢဖိစီၤပီလူး မၤလီၤတံၢ်ပှၤလၢ ပတၢ်အိၣ်မူခဲလၢာ် ဘၣ်အိၣ်ဒီး တၢ်သးတီဖဲ လၢအ၀ဲဃ့ပှၤ လၢပနီၢ်ခိနီၢ်ကစၢ်အံၤ ကဘၣ်အိၣ်မူအီၤ ‘‘ဒ်သိး သုကပာ်သုနီၢ်ခိ လၢတၢ်လုၢ်မူစီဆံှ’’ (ရၠာစးိမ့ၤ ၁၂း၁) ႉ
မ်ပ၀ဲတဂၤဘၣ်တဂၤ ပတၢ်စံးတၢ်ကတိၤ ဆူပှၤဂၤအအိၣ် ဒီးပတၢ်ဟ့ၣ်လီၤပသး ဒီးပတၢ်ဘူၣ်ထီၣ်ဘါထီၣ်နၤအံၤန့ၣ် မ်ကမ့ၢ်ပသးဒီဖျၢၣ်ညါ အတၢ်ဟ့ၣ် တက့ၢ်ႉ