လၢတၢ်သးခုအပူၤ ဘၣ်ယသးလၢယကကွၢ်ထွဲယလံၤဖိတဖၣ် ဖဲလၢအမိၢ်အပၢ် ဟးထီၣ်၀ဲ လၢတၢ်ချၢလၢမုၢ်ဟါလီၤအခါန့ၣ်လီၤႉ ယဖိးဟုအ၀ဲသ့ၣ်၀ံၤ ဒီးယသံကွၢ် အ၀ဲသ့ၣ်လၢတနွံအံၤ အတီၢ်ပူၤ မ့ၢ်သုမၤတၢ်၀ံၤမနုၤတမံၤလဲၣ်န့ၣ်လီၤႉ (အ၀ဲသ့ၣ် ခံဂၤအိၣ် ဒီးအတၢ်ဂုာ်ကျဲးစၢးဒၣ်၀ဲစုာ်စုာ်န့ၣ်လီၤ) ႉ ဘရၠာစး့းဂၢၢ်လၢအအိၣ်၀ဲ သၢနံၣ်ဖိတဂၤ အံၤ စံး၀ဲ လၢအတၢ်လဲၤခီဖျိဃုာ်ဒီး မုၢ်ဂၢ်‚ ဖါတံၢ်လၢမုၢ်နၤခါ‚ အ၀ဲအိၣ်ဒီးအကိၣ်ထံလီၤသကၤတဖၣ်‚ ဒီးအိၣ်ဒီးအတၢ် လိာ်ကွဲတဖၣ် ဒီးကွၢ်ဘၣ်၀ဲတၢ်ဂီၤမူအဂ့ၢ်န့ၣ်လီၤႉ ဒီးလၢခံ စဲၣ်မၠူယၢၣ်ကဘၣ်တဲ၀ဲ အတၢ်လဲၤခီဖျိအကတီၢ်န့ၣ် ယသံကွၢ်အီၤ ‘‘နၤတခီလဲၣ်‚ စဲၣ်မၠူၣ်ယၢၣ်’’ ဒီးအ၀ဲစံးဆၢ၀ဲ‚ ‘‘လဲၤဟးလိာ်ကွဲသကိး‚’’ န့ၣ်လီၤႉ ဒီးယသံကွၢ်အီၤ‚ နလဲၤဟးလိာ်ကွဲသကိး တၢ်မုာ်ဘၣ်နသးဧါ’’ ဒီးအ၀ဲစံးဆၢ၀ဲ‚ ‘‘တမ့ၢ်ထဲန့ၣ်ညါဘၣ်နဲၣ်’’ န့ၣ်လီၤႉ
စဲၣ်မၠူၣ်ယၢၣ် အသးအနံၣ်အလါ၀ဲအံၤ မ့ၢ်၀ဲ အသးကါတၢ်သ့ အနံၣ်အလါန့ၣ်လီၤႉ အ၀ဲသးပ့ၤနီၣ်ကွံာ်၀ဲ အတၢ်သးခုသးမုာ်မး ဖဲလၢအဟးလိာ်ကွဲ၀ဲဒီးအပၢ်အခါန့ၣ် မ့ၢ်လၢအ၀ဲနၢ်ဟူ၀ဲအပုၢ်ဒ့ခွါတဲ အတၢ်လဲၤခီဖျိ လၢတၢ်သူၣ်ဆူၣ်သးဂဲၤဖးဒိၣ် လၢအမဲာ်ညါအဃိလီၤႉ
ပ၀ဲကိးဂဲၤဒဲးစ့ၢ်ကီး ပအိၣ်ဒီး တၢ်သးကါသ့၀ဲဒၣ်တဘျီဘျီန့ၣ်လီၤႉ စီၤပၤ စီၤစီလူးအိၣ်ဒီးတၢ်သးကါ ဖဲလၢအနၢ်ဟူထံၣ်ဘၣ်၀ဲ ပှၤဂီၢ်မုၢ်စံးထီၣ်ပ့တၢၤစီၤဒၤ၀ံး ဒိၣ်န့ၢ်အါန့ၢ်အီၤ‚ ‘‘စီၤစီလူး မၤသံလံပှၤ ကထိတဖၣ်‚ ဒီးစီၤဒၤ၀ံးန့ၣ် အပှၤကလးတဖၣ် လံ’’ (၁ ့ှှမူၤ ၁၈း၇) န့ၣ်လီၤႉ စးထီၣ်ဖဲန့ၣ် စီၤပၤစီၤစီလူး အိၣ်ဒီးတၢ်သးကါ လၢစီၤဒၤ၀ံး န့ၣ်လီၤ (း၉) ႉ အ၀ဲဒၣ်သးဟူးဂဲၤကူၣ်ထီၣ်၀ဲထီဘိ လၢကမၤသံစီၤဒၤ၀ံးအဂီၢ်န့ၣ်လီၤႉ
တၢ်ထိၣ်သBတီၤသး ဒီးပှၤဂၤအံၤ မ့ၢ်ပှၤလၢအပျူၢ် ဒီးမ့ၢ်တၢ်လၢအမၤဟးဂီၤ ပှၤနီၢ်ကစၢ်ဒၣ်လဲာ်န့ၣ်လီၤႉ ပှၤတဂၤဂၤ ကအိၣ်၀ဲဒီးအတၢ်လဲၤခီဖျိ လၢအတလီၤဂာ် လိာ်သး ဒီးပှၤဘၣ်‚ ဒီးသးခုသးမုာ်ဘၣ်၀ဲ လၢအလီၤဆီဒၣ်၀ဲ ကအိၣ်၀ဲလီၤႉ ဘၣ်ဆၣ်ဒီး ယွၤဟ့ၣ်ပှၤတၢ်ဆိၣ်ဂ့ၤအါမးလၢ ပတၢ်အိၣ်မူအပူၤ‚ ဃုာ်ဒီးတၢ်ခဲကိာ်တဃၣ် တၢ်မူအထူအယိာ် အတၢ်အုၣ်လီၤဃုာ်ဒီး ပှၤလၢအစူၢ်က့ၤနာ်က့ၤအီၤတဖၣ်အဂီၢ် န့ၣ်လီၤႉ တၢ်သန့ၤပသးလၢအီၤ ဒီးလၢအ၀ဲအတၢ်မၤစၢၤပှၤအပူၤန့ၣ် ပစံးဘျုးဘၣ်အီၤ လၢပမၤနၢၤကွံာ်တၢ်သးကါ လၢပှၤဂၤအဖီခိၣ်အဃိန့ၣ်လီၤႉ