တၢ်ဂီၤလၢအဘၣ်ဃးတၢ်သမၢယွၤတဖၣ် ဘၣ်တၢ်ကးထီၣ်အီၤ လၢသိလ့ၣ်အဖီခိၣ် တဖၣ်အံၤ ထုးန့ၢ်ဘၣ် သရၠာစးၣ်ဖးဒိၣ်လၢဖၠၣ်စိမိၤတဂၤအသးန့ၣ်လီၤႉ ဒ်အ၀ဲမ့ၢ်ပှၤတဂၤ လၢညါအတစူၢ်တနာ်ယွၤတဂၤလီၤႉ အ၀ဲဆိကမိၣ်ထီၣ်၀ဲ လၢသိလ့ၣ်ကစၢ်အံၤ အဲၣ်ဒိး၀ဲ လၢပှၤခရၠာစးံာ်ဖိတဖၣ် ကသးထီၣ်အီၤအဂီၢ်လီၤႉ ဒီးအ၀ဲစံး၀ဲ‚ ‘‘တၢ်သးထီၣ်ဟ့ၣ်ဂံၢ်ဟ့ၣ်ဘါပှၤလၢအသမၢယွၤတဖၣ် ဒ်သိးအကဒုးနဲၣ် တီ၀ဲ အ၀ဲသ့ၣ်အတၢ်လၢ ‘‘ယွၤန့ၣ်တအိၣ်ဘၣ်’’ အဂ့ၢ်န့ၣ်လီၤႉ ဒီးအ၀ဲသ့ၣ် ပလီၢ်သးစ့ၢ်ကီး၀ဲ ဒီးစံး၀ဲ‚ ‘‘ဒ်ပှၤလၢအသမၢယွၤ သ့ၣ်တဖၣ်န့ၣ် တနာ်ဘၣ်၀ဲလၢ ယွၤအိၣ်အသိးန့ၣ် တၢ်ကဲ ထီၣ်လၢအ၀ဲသ့ၣ် ဒ်န့ၣ်အသိးလီၤ’’န့ၣ်လီၤႉ
လၢတၢ်သ့ၣ်နီၣ်ထီၣ်က့ၤ အတၢ်လဲၤခီဖျိ ဖဲအမ့ၢ် ပှၤလၢအသမၢယွၤအခါ သရၠာစးၣ်ဒိၣ်စိအံၤ သ့ၣ်နီၣ်ထီၣ်၀ဲ အတံၤသကိးခရၠာစးံာ်ဖိတဂၤ ကွဲအီၤ ဒ်သိးအကဆိကမိၣ် ခရၠာစးံာ်အတၢ်မ့ၢ်တၢ်တီန့ၣ်လီၤႉ အ၀ဲသကိးခရၠာစးံာ်ဖိအံၤ အသးဟ့ၣ်ဆၢမၤဆၢက့ၤတၢ် လၢအတအိၣ်ဘၣ်ဒီးတၢ်သးဒိၣ် တၢ်သးအိၣ်ဘၣ်အံၤန့ၣ် အ၀ဲတသးပ့ၤ နီၣ်ဘၣ်၀ဲဘၣ် အမဲာ်ညါ အ၀ဲဒိးန့ၢ်ဘၣ်တၢ်ဘျုးတၢ်ဖှိၣ်တဘျီဃီ ဖဲနံၤအ၀ဲန့ၢ်န့ၣ်လီၤႉ
ပှၤခရၠာစးံာ်ဖိတဖၣ် တဘျီဘၣ်တဘျီ အ၀ဲသ့ၣ် ဟ့ၣ်ဆၢက့ၤတၢ်ဖဲလၢပှၤသမၢကွံာ် ကစၢ်ယ့ၣ်။းအခါန့ၣ်လီၤႉ ဘၣ်ဆၣ် ဒီးကစၢ်ယ့ၣ်။းဒိးဘၣ် သးတၢ်မနုၤတမံၤ ဖဲလၢ ပှၤသမၢကွံာ်အီၤအခါန့ၣ်လဲၣ်ႉ ကစၢ်ယ့ၣ်။းကွၢ်ဆၢၣ်မဲာ် တၢ်မၤပျံၤမၤဖုးအီၤတဖၣ်‚ တၢ်ဟးဟ့တဖၣ်န့ၣ်လီၤႉ ဘၣ်ဆၣ် အ၀ဲအသးတဒ့ဒီဘၣ် လၢအမ့ၢ်ယွၤနီၢ်နီၢ်တဂၤ ဘၣ်န့ၣ်လီၤႉ ဘၣ်တဘျီ ဖဲသ၀ီတဖျၢၣ် သမၢ၀ဲလၢအကတူၢ်လိာ် အ၀ဲသ့ၣ်အခါန့ၣ် စီၤယၤကိာ်ဒီးစီၤယိၤဟၣ် အဲၣ်ဒိးမၤဆၢက့ၤတၢ်လၢအဆိအခ@ ဒီးစံး၀ဲ‚ ‘‘ကစၢ်ဧၢ‚ ဒ်စီၤအ့လံၤယၤ မၤ၀ဲအသိးန့ၣ်‚ ပမၤလိာ်မ့ၣ်အူဟဲလီၤလၢမူခိၣ်‚ ဒီးအီၣ်ကွံာ်ပှၤတဖၣ်န့ၣ် နသးအိၣ်စ့ၢ်ကီးဧါ’’ (လူၤ ၉း၅၄) ႉ ကစၢ် အသးတအိၣ်တၢ်ဒ်န့ၣ်ဘၣ်ႉ ဒီးဃၣ်ကဒါအသး ဒီးစံး၀ဲ‚ ‘‘အဂ့ၢ်ဒ်အံၤ‚ ပှၤကညီဖိခွါအံၤ တမ့ၢ်ဘၣ်ကဟဲမၤဟးဂီၤ ပှၤကညီအသးဘၣ်‚ မ့ၢ်အဟဲအုၣ်က့ၤခီၣ်က့ၤအီၤလီၤ’’ (ယိၤ ၃း၁၇) ႉ
တၢ်အံၤ မၤလီၤကမၢကမၣ်ပှၤ လၢကစၢ်ယွၤတသးအိၣ်ဘၣ် လၢပကပၢၢ်ဆၢ တၢ်လၢအဂီၢ်ဘၣ်န့ၣ်လီၤႉ အ၀ဲအသးအိၣ်လၢပကနဲၣ်ဖျါထီၣ်အီၤလီၤႉ ထဲလၢပကဘၣ် ဟ့ၣ်တၢ်ဆၢကတီၢ်‚ မၤတၢ်‚ ကီၤပသး‚ ဒီးအဲၣ်တၢ်ကွံတၢ်လီၤႉ