ကျဲအိၣ်ဖဲန့ၣ်တဘိလၢအမံၤမ့ၢ်၀ဲ တၢ်ခူသူၣ်အမံၤ လၢ၀့ၢ်စၣ်တၣ်ဘၢ်ဘၢ်နၣ် လၢခဲလ့ၣ်ဖိနံယါကီၢ်ဆၣ်ညါပူၤန့ၣ်လီၤႉ တၢ်အံၤဘၣ် တၢ်ကိးအီၤလၢစဲလ်စံၣ်ဖူးဒ် လၢအခီပညီမ့ၢ်၀ဲ‚ ‘‘ဟးဆှဲးကွံာ်မ့ၢ်သ့န့ၣ်’’ န့ၣ်လီၤႉ ဖဲကျဲအ၀ဲအံၤ တၢ်ယုၢ်အမံၤအံၤ အခါန့ၣ် တၢ်လီၢ်ဖဲအံၤအိၣ်ဒၣ်ထဲ ကပံာ်ဘးဘီ‚ စုၣ်စီၣ်ဒီးထံလုၢ်ဘၢအီၤန့ၣ်လီၤႉ ဒီးပှၤလၢကတိၤ ‘‘စပ့ၣ်ကျိာ်’’ဖိသ့ၣ်တဖၣ် စံး၀ဲလၢကျဲအံၤ တလီၤသးအါအါဘၣ်ဒီး့ကၢးလၢ ပှၤအိၣ်ယံၤဒီးတၢ်လီၢ်အံၤ န့ၣ်လီၤႉ
ကစၢ်ယွၤကလုၢ်ကထါ ဟ့ၣ်ပလီၢ်ပှၤလၢ ပကအိၣ်ယံၤ ဒီး‘‘ကျဲကမၣ်’’ လၢအမ့ၢ်၀ဲတၢ်ဒဲးဘးအကျဲဒီး တၢ်လ့ပစီအကျဲန့ၣ်စံး၀ဲ‚ ‘‘ဟးဆှဲးအီၤတက့ၢ်ႉ လဲၤ့တူာ်အီၤတဂ့ၤႉ ဃၣ်ကွံာ်နသးလၢအီၤ‚ ဒီးလဲၤတၢ်တက့ၢ်’’ (ကတိၤ ၄း၁၅) ႉ ကစၢ်ယွၤကလုၢ်ကထါန့ၣ်တစံး၀ဲထဲလၢ ‘‘ဟးဆှဲးကွံာ်‚ မ့ၢ်သ့’’ န့ၣ်ဘၣ်လီၤႉ မ့မ့ၢ်ကစၢ်ယွၤ ကလုၢ်ကထါန့ၣ်စံးဘၣ်ပှၤလၢ တၢ်လၢပကဘၣ်ဃၣ်ကွံာ် ပသးတခီမ့ၢ်၀ဲ‚ ‘‘တမ့ၢ်ဘၣ်သုဘၣ် တၢ်လ့ပစီလၢအတဘၣ် ဒံးဘၣ် ပှၤကညီဘၣ်ႉ ဒီးယွၤမၤ၀ဲ ကလုၢ်တီသတးဒီး တၢ်လ့ပစီလၢအဆူၣ်ကဲၣ်ဆိး‚ လၢသုဒိးတကဲဘၣ်နှၣ် တဒုးဒိးဘၣ်သုဘၣ်ႉ မ့မ့ၢ်လၢတၢ်လ့ပစီအပူၤ‚ ကမၤထီၣ်ကျဲ ဒ်သိးသုကပူၤဖျဲးလၢအီၤလီၤ’’ (၁ ကရၠာစးံၣ် ၁၀း၁၃) ႉ
ယွၤအတၢ်အၢၣ်လီၤ လၢအတဒုးလီၤနုာ်ဘၣ်ပှၤ ဆူတၢ်လ့ပစီအပူၤဘၣ်အံၤန့ၣ်‚ မ့ၢ်၀ဲတၢ်ဟ့ၣ်ဂံၢ်ဟ့ၣ်ဘါ ဒီးဟ့ၣ်ပလီၢ်ပှၤန့ၣ်လီၤႉ ဖဲလၢပဃၣ်ဃီၤပသး ဆူယွၤအအိၣ်အခါန့ၣ်‚ ပနၢ်ပၢၢ်လၢအ၀ဲမ့ၢ် ပှၤလၢအမၤစၢၤပှၤ ဒိၣ်န့ၢ်ဒံး ပ့ကၢးဟးဆှဲးတၢ်အၢအကျဲအံၤန့ၣ်လီၤႉ
လံာ်စီဆှံ မၤလီၤတံၢ်ပှၤဒီးစံး၀ဲ ယ့ၣ်။းန့ၢ်မၤတၢ်သ့၀ဲ‚ ‘‘အဂ့ၢ်ဒ်အံၤ‚ ပအိၣ်ဒီး ပှၤလုၢ်တၢ်အခိၣ်လၢအသးကညီၤ ပဂံၢ်စၢ်ဘါစၢ်‚ တသ့ဘၣ်န့ၣ်တမ့ၢ်ဘၣ်’’ (ဧ့ၤ့ဘံၤ ၄း၁၅) ႉ ကစၢ်ယ့ၣ်။းသ့ၣ်ညါ၀ဲ ကျဲလၢကဟးဆှဲး၀ဲ တၢ်ဒဲးဘးကိးမံၤဒဲးန့ၣ်လီၤႉ ပမ့ၢ် ဃၣ်ဃီၤပသးဆူယွၤအအိၣ်န့ၣ် အ၀ဲကဒုးနဲၣ်ပှၤကျဲန့ၣ်လီၤႉ