တၢ်ကတိၤတဘီလၢ မိၢ်ပၢ်အဂီၢ်မ့ၢ်၀ဲ‚‘‘ကတဲာ်ကတီၤပာ်စၢၤဖိသၣ် လၢကျဲအဂီၢ်‚ တမ့ၢ်ကျဲလၢဖိသၣ်အဂီၢ်’’နှၣ်လီၤႉ တမ့ၢ်လၢ ပကဘၣ်မၤဆှဲ တၢ်ကီတၢ်ခဲလၢ ပဖိသ့ၣ်တဖၣ်အဂီၢ်နှၣ်ဘၣ်ႉ ပကဘၣ်နဲၣ်လိပာ်စၢၤ ပဖိသ့ၣ်တဖၣ် ဒ်သိးလဲၤပူၤကွံာ် တၢ်ကီတၢ်ခဲကသ့၀ဲအဂီၢ်/
ပှၤကွဲးလံာ်ထါစံးထီၣ်ပ့တၢၤတဂၤ ကွဲး၀ဲ‚ ‘‘ပကစံၣ်တဲၤတဲလီၤ ပှၤလၢခံတစိၤ လၢယွၤအတၢ် စံးထီၣ်ပ့တၢၤ‚ အဂံၢ်အဘါဒီး အတၢ်မၤလီၤလးလၢ အမၤ၀ဲ တဖၣ်/ ႉႉႉ လၢအမၤလိာ်ပပၢ်တဖၣ်လၢ အက ဘိးဘၣ်သ့ၣ်ညါအဖိတဖၣ် ဒ်သိးပှၤလၢခံတစိၤ ကသ့ၣ် ညါ ႉႉႉ ဒီးကစံးဘၣ်တဲဘၣ်အဖိတဖၣ်/’’ (စံး ၇၈း ၄-၆) ႉ တၢ်အံၤမ့ၢ်၀ဲဒၣ်လၢ‚ ‘‘ဒ်သိးအကပာ် အတၢ်မုၢ်လၢ် လၢယွၤအပူၤ‚ ဒီးအသုတသးပ့ၤနီၣ် ယွၤအတၢ်မၤတဂ့ၤ ဒီးကတိၢ်နှၢ် အတၢ်မၤလိာ်တဖၣ်အဂီၢ်နှၣ်လီၤႉ’’ (စံး ၇၈း၇)
ဆိကမိၣ်ထီၣ်က့ၤ ပှၤဂၤအတၢ်စံးကတိၤ‚ ပှၤဂၤ အတၢ်အိၣ်မူလၢ အသဟီၣ်လီၤဘၢဆူနနီၢ်သးအဂ့ၢ်နှၣ် တက့ၢ်ႉ အ၀ဲသ့ၣ်အတၢ်စံးတၢ်ကတိၤ ထုးနှၢ်ပသး ဒီးမၤကပီၤထီၣ်ပသး ဒ်သိး ပကပိာ်ခရၠာစးံာ် ဒ်အ၀ဲသ့ၣ်လူၤပိာ်ထွဲအသိး/
တၢ်ဘိးဘၣ်သ့ၣ်ညါ ကစၢ်ယွၤအကလုၢ်ကထါ ဒီးအတၢ်တိာ်လၢပဂီၢ် ဆူဖိစိၤလံၤစိၤအံၤ မ့ၢ်တၢ်လၢအ့ကၢးအဘၣ် ဒီးမ့ၢ်ပမူဒါဖးဒိၣ်တမံၤ/ခါဆူညါ ကျဲသ့ၣ်တဖၣ် မ့ၢ်ကီခဲထဲလဲၣ်ဘၣ်ဆၣ်ဒီး ဖိစိၤလံၤစိၤသ့ၣ်တဖၣ်အံၤ ကကွၢ်ဆၢၣ်မဲာ် တၢ်ကီတၢ်ခဲသ့ၣ်တဖၣ် လၢယွၤအဂံၢ်အဘါနှၣ် မ့ၢ်ပတၢ်မုၢ်လၢ် န့ၣ်လီၤႉ