ယၤဒီးယ၀ၤ ဖဲပလဲၤဟးဆူပှၢ်ပူၤအခါ ပလဲၤစိာ်တၢ်ဒိတၢ်ဂီၤဒၢဒီး ဒိတၢ်မုၢ်တၢ်ဘိဖိ သ့ၣ်တဖၣ်အဂီၤလီၤႉ တၢ်လၢပထံၣ်ဘၣ်တဖၣ် လီၤကမၢကမၣ်/ ကုၤသ့ၣ်တဖၣ် လၢအဟဲမဲထီၣ်၀ဲ လၢတနၤအတီၢ်ပူၤဒၣ်လဲၣ် ပာ်ဖျါထီၣ်အလွဲၢ် အဘီ‚ အဂီၤ‚ ဂီၤဘီ ဒီးမၤဂ့ၤမၤ၀ါတၢ်/
တၢ်သ့ၣ်တဖၣ်အံၤ ဒုးကွၢ်ထီၣ်ယမဲာ်ဆူ ကစၢ်လၢ အတ့လီၤ ကုၤသ့ၣ်တဖၣ်‚ တကးဒံးဘၣ် ဆၣ်လၢမူကပိာ်လိၤ သ့ၣ်တဖၣ်အအိၣ်/ ကစၢ်ယွၤတ့လီၤတၢ်သ့ၣ်တဖၣ် အိၣ်အကလုာ်ကလုာ်/ အ၀ဲတ့လီၤ နၤ‚ ယၤ‚ ပ၀ဲဒီး ဟ့ၣ်ပှၤတၢ်ခွဲးတၢ်ယာ်လၢ ပကသူၣ်ခုသးခုလၢအပူၤ ဒီးပၢ တၢ်သ့ၣ်တဖၣ်အံၤ/
ယဆိကမိၣ်ထီၣ်က့ၤ ပဟံၣ်ဖိဃီဖိ ‘‘မ့ၣ်ဖှိၣ်မူးလံာ်စံးထီၣ်ပ့တၢၤ’’ သ့ၣ်တဖၣ် / ဖဲပအိၣ်လၢ မ့ၣ်အူဖှိၣ်ကပၤအခါ ပဖးထီၣ် လံာ်ထါစံးထီၣ်ပ့တၢၤ ၈း၁-၄‚ ‘‘ယွၤပကစၢ်ဧၢ‚ နမံၤလၢဟီၣ်ခိၣ်ဒီဘ့ၣ်ညါနှၣ် ဂ့ၤဆံးဒိၣ်လဲၣ်ႉ နပာ်နလၤကပီၤ လၢမူခိၣ်အလိၤလီၤႉ ႉႉႉ တုၤယကွၢ်နမူခိၣ်နစုမုၢ်စုနၢအတၢ်မၤ‚ လါဒီးဆၣ်ဧိၤဖီဧီၤ လၢနပာ်လီၤဒီးပှၤကညီ လၢနကသ့ၣ်နီၣ်ထီၣ်က့ၤအီၤ ဒီးပှၤကညီဖိလၢ နကအိၣ်သကိးအီၤနှၣ် မ့ၢ်မနုၤလဲၣ်’’ န့ၣ်လီၤႉ
ယွၤလၢအတ့လီၤဟီၣ်ခိၣ်တဂၤ ကဟုကယာ်နၤဒီးယၤ မ့ၢ်တၢ်လီၤကမၢကမၣ်ထဲလဲၣ်ႉ