သးပှၢ်မုၢ်တဂၤအမံၤလၢ နီၢ်ဘၤအိလဲးဆ့ၣ်နီၤ၀ဲဒၣ်လၢအလီၢ်မံခိၣ်ဒီး နံၤကမှံထီၣ် ဖဲပှၤလိၣ်ဘိတဖၣ် ဟဲတုၤလၢအကပၤ/ မုၢ်ဆါခီကလံၤကိၢ် ဟဲအူထီၣ်ဒီးနုာ်လီၤ၀ဲဆူဒၢးပူၤ ဘၣ်ဆၣ် နီၢ်ဘၤအိလဲးတကဒူးကဒ့ၣ်တၢ်ဘၣ်ႉ အ၀ဲ ဆိကမိၣ် တၢ်သး၀ံၣ်တယုၢ်လၢအသးပူၤဒီး သး၀ံၣ်ထီၣ်၀ဲတကီၢ်ခါ လၢတၢ်နံၤကမှံၤဖးဒိၣ် ‘‘ယဃ့ၢ်၀့ၤ၀ီၤ‚ စံၣ်၀့ၤ၀ီၤ ဒီးစံးထီၣ်ပ့တၢၤယွၤလီၤ’’ သး၀ံၣ်တၢ်ဒီးမၤ၀ံး၀းအစုခံခီ ဒ်ဃ့ၢ်လိၣ်ကွဲ၀ဲအသိး / ပှၤလၢအကပၤတဖၣ် ထံၣ်ဘၣ်တၢ်အံၤဒီး အမဲာ်ထံလီၤ၀ဲ မ့ၢ်လၢနီၢ်ဘၤအိလဲးအခီၣ်တအိၣ်အဃိ န့ၣ်လီၤႉ အ၀ဲစံးလၢ‚ ‘‘#အဲၣ်ယၤ ႉႉႉ လၢမူခိၣ်နှၣ် ယကဃ့ၢ်၀့ၤ၀ီၤဘၣ်လၢယခီၣ်လီၤႉ’’
နီၢ်ဘၤအိလဲး အတၢ်သးခုဒီးအတၢ်မုၢ်လၢ်ကွၢ်စိ မူခိၣ်ဘီမုၢ်အံၤ ဟ့ၣ်ပှၤတၢ်ဆိကမိၣ်အသီလၢ စီၤပီလူး အတၢ်ကွဲး လံာ်ဖံလံးပံၤ ၁ ဘၣ်ဃးဒီးတၢ်သံတၢ်မူအဂ့ၢ် / စီၤပီလူးစံး၀ဲ‚ ‘‘ဒီးယမ့ၢ်မူလၢတၢ်ဖံးတၢ်ညၣ်အပူၤ ဒီး‚ တၢ်နှၣ်မ့ၢ်ယမၤတၢ်အတၤသၣ် ႉႉႉႉ အဂ့ၢ်ဒ်အံၤ တၢ်သနံးထီၣ်ယၤ လၢတၢ်ခံမံၤအဘၢၣ်စၢၤလီၤႉ တၢ်မိၣ်က့ၤယသးဒီးအိၣ်ဒီးခရၠာစးံာ်လီၤႉ အနှၣ်မ့ၢ်အဂ့ၤဒၣ် တၢ်ဒိၣ်ဒိၣ်ကလဲာ်လီၤႉ’’ (း၂၂-၂၃)
ပ၀ဲဒၣ်တဂၤစုာ်စုာ် ပဘၣ်ကွၢ်ဆၢၣ်မဲာ် တၢ်ကီတၢ်ခဲ ဒီးပဆၢမုၢ်လၢ် မူခိၣ်ဘီမုၢ်အတၢ်မၤမုာ်/ ဘၣ်ဆၣ်ဒီး ဒ် နီၢ်ဘၤအိလဲး အိၣ်ဒီးတၢ်သးခု ဖဲတၢ်ကီတၢ်ခဲအပူၤအသိး ပ၀ဲစ့ၢ်ကီးပကဘၣ် စံးထီၣ်ပ့တၢၤယွၤ လၢအတၢ်ဆိၣ်ဂ့ၤအါအါဂီၢ်ဂီၢ် လၢဟီၣ်ခိၣ်အံၤဒီး ခါဆူညါ အတၢ်သးခုဖးဒိၣ် လၢအိၣ်ခိးပှၤအဂီၢ်နှၣ်တက့ၢ်ႉ