ပဟံၣ်ဖိဃီဖိသ့ၣ်တဖၣ် ပလဲၤဟးကသုၣ်ဆူ အိၣ်ရၠာစးံၣ်ကိၣ်ကီၢ်စဲၣ်လီၢ်ခၢၣ်သး လၢ ပှၤကညီတလဲၤညီနုၢ် တၢ်လီၢ်တၢ်ကျဲသ့ၣ်တဖၣ်/ မုၢ်ခံးလီၤပူၤကွံာ် ၂ နၣ်ရၠာစးံၣ် အလီၢ်ခံ ပသိလ့ၣ်အံၤ လဲၤခီဖျိလၢၢ်Bတီၤယိာ်‚ မဲးမုၢ်ခိၣ်ဖးလဲၢ်သ့ၣ်တဖၣ်နှၣ်လီၤႉ သိလ့ၣ်မ့ၣ်အူ ဆဲးဖျိ၀ဲဒၣ်တၢ်ခံးသူ/ ဖဲသိလ့ၣ်ထီၣ်ဆူကစၢၢ်ခိၣ်န့ၣ်ပထံၣ်ဘၣ် လါအတၢ်ကပီၤ‚ ဘၣ်ဆၣ် သိလ့ၣ်မ့ၢ်လဲၤတုၤလၢ လၢၢ်Bတီၤယိာ်နှၣ်ဒီး လါအတၢ်ကပီၤ အိၣ်သဒၢအသး / ယဖိမုၣ်စံး၀ဲ‚ ‘‘လါအတၢ်ကပီၤအံၤ မ့ၢ်တၢ် ဒုးသ့ၣ်နီၣ်ထီၣ်ပှၤလၢ ကစၢ်ယွၤအိၣ်ဒီးပှၤ/’’ ယသံကွၢ်က့ၤအီၤ လၢနမ့ၢ်တထံၣ်လါတၢ်ကပီၤအံၤဒီး နကစံးလၢကစၢ်ယွၤတအိၣ်ဒီးပှၤနှၣ်ဧါႉ အ၀ဲစံးဆၢက့ၤ၀ဲ‚ ‘‘တမ့ၢ်ဒ်နှၣ်ဘၣ်ႉ ဘၣ်ဆၣ် ပမ့ၢ်ထံၣ်တၢ်ပနီၣ်တမံၤမံၤ ပသ့ၣ်ညါပလၢၢ်အါထီၣ် သ့၀ဲ/’’
ဖဲစီၤမိၤဒီးသံ၀ံၤအလီၢ်ခံ‚ စီၤယိၤ။ဘၣ်ဟံးနှၢ်မူဒါဖးဒိၣ် လၢကဆှၢထီၣ် ယွၤအပှၤဂီၢ်မုၢ် ဆူကီၢ်တၢ်စံးပာ်/ မူဒါအံၤမ့ၢ်ယွၤမၢအီၤသနာ်က့ အ၀ဲ ကဘၣ်ယိၣ်တၢ် ဒီးကပလၢၢ်ဘၣ်တၢ်ကီတၢ်ခဲဖးဒိၣ်/ ဘၣ်ဆၣ်ဒီး ကစၢ်ယွၤ ပာ်ဖျါထီၣ်၀ဲလၢ ကအိၣ်ဒီးစီၤယိၤ။ လၢခါဆူညါအတၢ်လဲၤအပူၤ/ (၁း၉)
ပတၢ်အိၣ်မူအကျဲသ့ၣ်တဖၣ်စ့ၢ်ကီး တဘျီတဘျီဆှၢပှၤဆူတၢ်လီၢ်လၢ ပတသ့ၣ်ညါအပူၤ/ ကျဲလၢပမဲာ်ညါသ့ၣ်တဖၣ် ပတထံၣ်ဆှံဆှံနှၣ်ဘၣ်ႉ ယွၤဆှၢပှၤဆူ ကျဲလၢပတထံၣ်ဆှံဆှံသနာ်က့ ယွၤအိၣ်ဒီးအတၢ်အၢၣ်လီၤလၢ အ၀ဲကအိၣ်ဒီးပှၤ ကိးမုၢ်နံၤမုၢ်နၤဒဲးတုၤတၢ်အစိၤကတၢၢ်နှၣ်လီၤ (မး ၂၈-၂၀) ႉခါဆူညါတၢ်ကွၢ်ဆၢၣ်မဲာ်တဖၣ် မ့ၢ်ဘၣ်ကီဘၣ်ခဲဘၣ်ဆၣ် ယွၤအတၢ်အၢၣ်လီၤအံၤ လၢပှဲၤဒိၣ်နှၢ်ဒံးအလီၢ်/ တၢ်ကပီၤအံၤ ကအိၣ်ဒီးပှၤ တုၤပကျဲကတၢၢ်န့ၣ်လီၤႉ