ခံၣ်လ့တူၢ်လိာ်အၢၣ်လီၤ၀ဲဒၣ်လၢ ကလဲၤ၀ဲဆူတၢ်လီၢ် လၢအယံၤတတီၤ လၢအအိၣ် လၢကီၢ်အၣ်ဖရၠာစးံးကၤမုၢ်ထီၣ်တခီ ဒ်သိးကမၤစၢၤ၀ဲဒၣ် ပှၤမၤတၢ်သးခု ကစီၣ် ခီဖျိတၢ်ကူစါယါဘျါတဖုအဂီၢ်နှၣ်လီၤႉ ဘၣ်ဆၣ် အ၀ဲသူၣ်ကိၢ်သးဂီၤ၀ဲဒၣ် မ့ၢ်လၢ အ၀ဲတအိၣ်ဒီးတၢ်လဲၤခီဖျိ လၢကသံၣ်ကသီတကပၤအဃိလီၤႉ ဘၣ်ဆၣ် အ၀ဲဟ့ၣ်၀ဲဒၣ် တၢ်ကဟုကယာ် မုၢ်ဆ့ၣ်မုၢ်ဂီၤတဖၣ် သ့၀ဲနှၣ်လီၤႉ
ဖဲအ၀ဲလဲၤ ဖဲတၢ်လီၢ်အံၤအခါနှၣ် ထံၣ်လိာ်သးဒီး ပိာ်မုၣ်တဂၤ လၢအတၢ်ဆါနး‚ ဘၣ်ဆၣ်အတၢ်ဆါနှၣ် ဘၣ်တၢ်ယါဘျါသ့ဒံးနှၣ်လီၤႉ ပိာ်မုၣ်တဂၤအံၤ အခီၣ်လၢအက့ၢ်အဂီၤက့ၣ်ကူအံၤ အဃိ ခံၣ်လ့အဲၣ်ဒိး ဟးထီၣ်ကွံာ်ဘၣ်ဆၣ် အ၀ဲသ့ၣ်ညါ၀ဲဒၣ်လၢ ကဘၣ်မၤတၢ် တမံၤမံၤနှၣ်လီၤႉ အ၀ဲမၤကဆှဲကဆှီဒီး ဘိၣ်ဘံနှၢ် ပှၤဆါတဂၤအံၤအခီၣ်အခါ ပှၤဆါအံၤ စးထီၣ်ဟီၣ်၀ဲဒၣ်နှၣ်လီၤႉ ခံၣ်လ့ သံကွၢ်အီၤလၢ မ့ၢ်အမၤဘၣ်ဒိဘၣ်အီၤ အဃိ ဟီၣ်၀ဲဒၣ်ဧါနှၣ် ပှၤဆါတဂၤအံၤ တဲဘၣ်အီၤလၢ ‘‘တမ့ၢ်ဒ်နှၣ်ဘၣ်ႉ လၢခွံနံၣ် အတီၢ်ပူၤနှၣ် ပှၤဟဲထိးဘၣ်ယခီၣ်အံၤနှၣ် မ့ၢ်အခီၣ်ထံးကတၢၢ်တဘျီအဃိလီၤ’’ႉ
တၢ်လိၤတဂ့ၤတၢ်ဆါနှၣ် မ့ၢ်တၢ်ဆါအၢတခါလၢ အဒုးကဲထီၣ် ပှၤလၢ အတူၢ်ဘၣ်တၢ်ဆါတဂၤ လၢကဘၣ်တၢ်ကွၢ်ကပာ်ကွံာ်အီၤနှၣ်လီၤႉ ပှၤယူဒၤဖိ လၢပျၢၤတဖၣ်နှၣ် အိၣ်ဒီးတၢ်သိၣ်တၢ်သီလၢအဃံး လၢကဒီသဒၢတၢ်ဆါအံၤ အတၢ်ဘၣ်ကူဘၣ်ဂာ်အဂီၢ်နှၣ်လီၤႉ အတၢ်သိၣ်တၢ်သီစံး၀ဲလၢ ‘‘ပှၤဆါတဖၣ်အံၤ ကဘၣ်အိၣ်၀ဲဆိး၀ဲ ထဲတဂၤဧိၤလီၤႉ အအိၣ်အဆိးအလီၢ်နှၣ် ကဘၣ်အိၣ်လၢ ပှၤသူၣ်ဒဲတဖၣ်အလီၢ်အချၢနှၣ်လီၤ’’ (၃ မိၤ ၁၃း၄၆) ႉ
လၢတၢ်နှၣ်အဃိ မ့ၢ်တၢ်လီၤဆီတမံၤ ဖဲပှၤဘၣ်တၢ်ဆါအၢတဂၤ ဟဲဆူ ယ့ၣ်။းအအိၣ်ဒီး စံး၀ဲဒၣ် ‘‘ကစၢ်ဧၢ‚ နသးမ့ၢ်အိၣ်ထ နမၤကဆှီထီၣ်ယၤသ့လီၤ’’ (မး ၈း၂) ႉ ‘‘ဒီးယ့ၣ်။းယူာ်ဃီၤအစု‚ ဒီးထိးဘၣ်အီၤဒီးစံး၀ဲဒၣ်‚ ယသးအိၣ်‚ မ်နကဆှီထီၣ်က့ၤတက့ၢ်’’ (မး ၈း၃) နှၣ်လီၤႉ
ဖဲအထိးဘၣ် ပိာ်မုၣ်လၢအအိၣ်သယုၢ်တဂၤအံၤအခီၣ်အခါ ခံၣ်လ့စးထီၣ် ပာ်ဖျါထီၣ်ဘၣ် သးလၢတအိၣ်ဒီးတၢ်ပျံၤတၢ်ဖုး‚ ကစၢ်ခရၠာစးံာ်အတၢ်အဲၣ် လၢအဒုး အိၣ်ထီၣ် တိၤတဘိနှၣ်လီၤႉ ထဲတၢ်ထိးဘၣ်တဘီနှၣ် ဒုးအိၣ်ထီၣ် တၢ်လီၤဆီ နှၣ်လီၤႉ