ဖဲနမၤတၢ်အဆၢကတီၢ် ကစၢ်ယွၤမ့ၢ်လီၣ်ဖျါထီၣ်အသး ဃုာ်ဒီးတၢ်ကစီၣ်ဆူနအိၣ် နှၣ်ဒီး နကမၤဒ်လဲၣ်ႉ စီၤကံးဒဧိၣ် ကွၢ်ဆၢၣ်မဲာ်ဘၣ် တၢ်အံၤန့ၣ်လီၤႉ ယွၤအကလူးနှၣ် လီၣ်ဖျါထီၣ်အသး လၢအမဲာ်ညါဒီးစံးဘၣ်အီၤ‚ ‘‘ယွၤအိၣ်ဒီးနၤ‚ ပှၤသုးဖိအဆူၣ် တဂၤဧၢ’’ လီၤႉ စီၤကံးဒဧိၣ်ကဘၣ်ဖျးလီၤအခိၣ်‚ ယူၢ်လီၤအခၣ်ထံဒီး တဘၣ်စံးဆၢ တၢ်ကတိၤနီတဘီသနာ်က့ အ၀ဲစံးဆၢ၀ဲလၢ တၢ်သံကွၢ်‚ ‘‘ယကစၢ်ဧၢ‚ ယွၤမ့ၢ်အိၣ်ဒီးပှၤဒီး တၢ်ခဲလၢာ်အံၤ ဘၣ်ပှၤမ့ၢ် အဘၣ်မနုၤလဲၣ်’’ (စံၣ်ညီၣ် ၆း၁၂-၁၃) လီၤႉ စီၤကံးဒဧိၣ် သးအိၣ်သ့ၣ်ညါ ဘၣ်မနုၤအဃိ တၢ်မၤအသး ဒ်ကစၢ်ယွၤ တဂၤအံၤ ပာ်တ့ၢ်အပှၤဂီၢ်မုၢ်နှၣ်လဲၣ်လီၤႉ
ကစၢ်ယွၤ တစံးဆၢ တၢ်သံကွၢ်အံၤဘၣ်ႉ စီၤကံးဒဧိၣ် ဘၣ်သဂၢၢ်ဒုၣ်ဒါ‚ တၢ်သၣ်၀ံၤလီၤဒိ‚ ဘၣ်ဃ့ၢ်အိၣ်ခူသူၣ် လၢလၢၢ်ကအိပူၤ နွံနံၣ်ဒၣ်လဲၣ်‚ ဘၣ်ဆၣ်ယွၤတစံးဆၢ၀ဲ ဘၣ်မနုၤအဃိ တမၤစၢၤအပှၤဂီၢ်မုၢ်လဲၣ်ႉ ဘၣ်သ့ၣ်သ့ၣ် ကမ့ၢ် လၢပှၤအံၣ်စရၠာစး့လးဖိသ့ၣ်တဖၣ် အတၢ်ကမၣ်လၢအပူၤကွံာ်သနာ်က့ ကစၢ်ယွၤ ဟ့ၣ်စီၤကံးဒဧိၣ်တၢ်မုၢ်လၢ် လၢခါဆူညါအဂီၢ်/ ယွၤစံး၀ဲ‚ ‘‘လဲၤတၢ်လၢ နဂံၢ်ဆူၣ် နဘါဆူၣ်အံၤတက့ၢ်ႉ ႉႉႉမ့ၢ်မးယကအိၣ်ဒီးနၤ‚ ဒီးနကကျီကွံာ် ပှၤမံးဒယၣ်ဖိ ဒ်ပှၤတဂၤ ဧိၤ အသိး/’’
မ့ၢ်နကမၢကမၣ် လၢယွၤဟ့ၣ်တၢ်ပျဲ ဒ်သိးတၢ်ကီတၢ်ခဲ ဟဲဆူနအိၣ်နှၣ်ဧါႉ ယွၤတစံးဆၢတၢ်အံၤ ဘၣ်ဆၣ်အ၀ဲကမၤမုာ်နသး လၢအတၢ်အိၣ်ဒီးနၤ လၢတနံၤအံၤ ဒီးနသနှၤနသးဆူ အ၀ဲဒၣ်အအိၣ်သ့ ဖဲနဂံၢ်နဘါစၢ်အခါ/ ဖဲစီၤကံးဒဧိၣ် သ့ၣ်ညါ၀ဲလၢ ယွၤအိၣ်ဒီးအီၤ‚ ယွၤကမၤစၢၤအီၤနှၣ်ဒီး အ၀ဲဘှီထီၣ်တၢ်လုၢ်လီၢ်ဒီး ဟ့ၣ်၀ဲအမံၤလၢ‚ ‘‘ယွၤ ့ှှၤလိၣ်လီၤ’’ (း၂၄) ႉ
ပသ့ၣ်ညါဘၣ်လၢ ယွၤတလဲၤသဒၣ်ပှၤ‚ ဖဲပမၤတၢ်တမံၤမံၤ ဖဲပလဲၤတၢ် တပူၤလၢ်လၢ်နှၣ်ဒီး ပအိၣ်ဒီးတၢ်မုာ်တၢ်ခုၣ်/