မုၢ်နၤယိာ်လံ‚ ဖဲပလဲၤတုၤလၢပှၤတမှံၤအဟံၣ် လၢအအိၣ်သူၣ်လီၤအသး လၢ၀့ၢ်မၠူးနှးအချၢ‚ ဒ်သိးပကမံ၀ဲဖဲန့ၣ်လၢတနၤအတီၢ်အပူၤလီၤႉ ပအိၣ်ဒီး တၢ်ဘၣ်သူၣ်ဘၣ်သး‚ လၢပဒၢးဖိလၢအလၢၤန့ၣ် အိၣ်၀ဲဒီးဘျီၣ်ဖိလၢအခိၣ်ဒုးတအိၣ် န့ၣ်လီၤႉ ဆၢကတီၢ်ဖဲန့ၣ် ဘရၣ်တဖၣ် ဟဲထီၣ်ဒီသဒၢတၢ်အဃိ ပထံၣ်ခီဖျိတၢ်ဆူ တၢ်ခံးအပူၤတသ့၀ဲဘၣ်ႉ ဘၣ်ဆၣ် ဖဲမုၢ်ဟဲထီၣ် အဆၢကတီၢ်တစိၢ်ဖိန့ၣ် ဘရၣ်သ့ၣ်တဖၣ် ဒံကွံာ်၀ဲဒၣ်လီၤႉ အဃိ တၢ်လၢအအိၣ်တဒၢလၢမုၢ်နၤကတီၢ်တဖၣ် ပထံၣ်ဘၣ်ပ၀ဲလီၤႉ တၢ်သ့ၣ်တဖၣ် မ့ၢ်၀ဲ တၢ်ထံၣ်ပျီ လၢအဃံအလၤ‚ ပျီလါဟ့လၢအဃံအလၤ‚ သ့ၣ်လၢအအိၣ်ဒီး အလွဲၢ်ဖိသ့ၣ်တဖၣ် ဒီးတၢ်အၢၣ်၀ါဖးဒိၣ် လၢအအိၣ် လၢမူကပိာ်လိာ်ဒီး လီၤဂာ်ဒ်သိဖိတဖၣ်လီၤႉ
တဘျီဘျီ လၢပတၢ်အိၣ်မူအပူၤ ပတဒိးန့ၢ်ဘၣ် တၢ်ကပီၤ‚ မ့ၢ်လၢ ဘရၣ်လီၤအါအါဂီၢ်ဂီၢ် ကးဘၢဃာ် မူကပိာ်လိၤအဃိလီၤႉ ပတၢ်အိၣ်မူအံၤ ခံးလီၤ၀ဲနးမ‚ တုၤဒၣ်လဲၣ်လၢပတၢ်မုၢ်လၢ် ဟးမၢ်၀ဲလီၤႉ ဘၣ်ဆၣ် ဖဲမုၢ်အတၢ်ကိၢ်အီၣ်ကွံာ် ဘရၣ်သ့ၣ်တဖၣ်အကတီၢ်န့ၣ် ပတၢ်နာ် လၢခရၠာစးံာ်အပူၤ ကအီၣ်ကွံာ်၀ဲ‚ တၢ်ခံးလၢပတအဲၣ်ဒိးဘၣ်န့ၣ်လီၤႉ လံာ်ဧ့ၤ့ဘံၤ ပာ်ဖျါထီၣ်၀ဲ တၢ်လီၤတံၢ်လီၤဆဲးလၢ တၢ်နာ်မ့ၢ်၀ဲဒ် ‘‘တၢ်စူၢ်တၢ်နာ်မ့ၢ် တၢ်မုၢ်လၢ်န့ၣ် အတၢ်သန့ၤပသး‚ ဒီးတၢ်လၢပထံၣ်ဘၣ်တဖၣ် အတၢ်သ့ၣ်ညါလီၤ’’ (ဧ့ၤ့ဘံၤ ၁၁း၁) ႉ ဒီးကွဲးကဒီး၀ဲဆူညါ ဒ်သိးကဒုးသ့ၣ်နီၣ်ထီၣ်က့ၤ စီၤနိအၤအတၢ်နာ် လၢတၢ်ဟ့ၣ်ပလီၢ်အီၤ လၢတၢ်တအိၣ်ဖျိဖျါထီၣ်ဒံးဘၣ်အဂ့ၢ်အကျိၤ‚ ဒီးအိၣ်၀ဲဒီး တၢ်ပျံၤတၢ်ဖုးဘၣ်ဃးဒီးယွၤလီၤ (ဧ့ၤ ၁၁း၇) ႉ ဒီးစီၤအၣ့်ဘၤ ဖဲကစၢ်ယွၤဆှၢအီၤ တပူၤလၢ်လၢ်န့ၣ် လဲၤ၀ဲဒၣ်‚ အ၀ဲဘၣ်လဲၤ၀ဲဆူလဲၣ်ဆူလဲၣ်န့ၣ် တသ့ၣ်ညါ၀ဲဘၣ်ဆၣ် လဲၤ၀ဲလီၤ (ဧ့ၤ ၁၁း၈)
ပတထံၣ်ဒီး ပလၢၢ်ဘၣ်အတၢ်အိၣ်ဒီးပှၤထီဘီဘၣ်ဆၣ်‚ ကစၢ်ယွၤန့ၣ် အိၣ်ဒီးပှၤ ထီဘိ‚ ဒီးကမၤစၢၤ၀ဲပှၤထီဘိ ဒ်သိးလၢပကလဲၤခီဖျိဘၣ် မုၢ်နံၤလၢခံ ကတၢၢ် အပူၤလီၤႉ