လၢသၢနံၣ်အတီၢ်ပူၤ ယဖိခွါသိၣ်လိအသးလၢ တနၢ်ပှီၢ်စုလီၤႉ ဖဲနံၣ်လၢခံကတၢၢ် တနံၣ်န့ၣ်‚ ယခိးကွၢ် အတၢ်ပာ်လီၤတနၢ်ပှီၢ်စုဒီး ဒ့ထီၣ်၀ဲလီၤႉ တုၤဒ့ထီၣ် တၢ်သး၀ံၣ် ခံယုၢ်၀ံၤ ဒီးပာ်ကတီၢ်အတၢ်ဒ့၀ံၤ ဒီးဆ့ၣ်နီၤ၀ဲလၢယကပၤ ဒီးစံး၀ဲတနၢ်ပှီၢ်စုတခိၣ်အံၤ ဆံးလီၤ၀ဲဒၣ်န့ၣ်လီၤႉ ယစံးဘၣ်အီၤ ဖိခွါဧၢ တနၢ်အံၤတဆံးလီၤဘၣ်ႉ မ့မ့ၢ်တခီ နဒိၣ် ထီၣ်နဲဒီး‚ တနၢ်အံၤ နဆိကမိၣ်လၢ အဆံးလီၤ၀ဲတခီလီၤႉ
နီၢ်သးအတၢ်ဒိၣ်ထီၣ်န့ၣ် ဒ်နီၢ်ခိအတၢ်ဒိၣ်ထီၣ် အသိး တဘျီဘျီဒိၣ်ထီၣ်၀ဲကယီကယီဒီး လၢာ်ဆၢလၢာ် ကတီၢ်လီၤႉ တၢ်အံၤ မ့ၢ်၀ဲဒၣ် တၢ်အကျိၤအကျဲတခါလၢ အကဲထီၣ်၀ဲ ကယီကယီ‚ ဒီးလီၤဂာ်အါထီၣ်ဒီး ယ့ၣ်။းခရၠာစးံာ်‚ ဒီးဖဲဒၣ် ပတၢ်လဲလိာ်က့ၤပက့ၢ်ပဂီၤ လၢတၢ်မၤက့ၤပသး အသီ န့ၣ်လီၤႉ (ရၠာစးိမ့ၤ ၁၂း၂) ႉ
ဖဲသးစီဆှံ မၤတၢ်လၢပပူၤ အဆၢကတီၢ်န့ၣ်‚ ပသ့ၣ်ညါ ထံထံဆးဆးလၢ တၢ်ဒဲးဘးအိၣ်၀ဲလၢပသးပူၤ‚ ဒီးပလိၣ်ဘၣ်လၢ ပကဆီတလဲက့ၤပသးလီၤႉ တဘျီဘျီန့ၣ် ပလဲၤခီဖျိဘၣ်လၢ တၢ်မၤနၢၤအပူၤလီၤႉ ဘၣ်ဆၣ်‚ တဘျီဘျီန့ၣ် ပဂုာ်ကျဲးစၢးဘၣ်ဆၣ်‚ ပတမၤနၢၤဘၣ်ႉ မၤသးဒ် ပလဲလိာ်ပသးတန့ၢ်ဒီး‚ ပသးဟးဂီၤ၀ဲလီၤႉ တဘျီဘျီ ဖဲပသ့ၣ်ညါလၢ ပတုၤလၢတၢ်လဲလိာ်အံၤ အကျိၤအကျဲအပူၤန့ၣ်‚ ပကဘၣ် ဆိကမိၣ် တၢ်လီၤမၢ်ဒီး တၢ်လဲၤထီၣ်ထီအသးဆူညါ ဒ်သိးသိးလိာ်အသးလီၤႉ
သးအတၢ်ဒိၣ်ထီၣ်န့ၣ်‚ ပာ်ဃုာ်၀ဲဒီး သးစီဆှံ‚ ပတၢ်သးအိၣ်ကလဲလိာ်ပသး‚ ဒီးတၢ်ဆၢကတီၢ်လီၤႉ လၢပတၢ်အိၣ်မူအပူၤ တဘျီဘၣ်တဘျီ‚ ပကွၢ်ကဒါက့ၤဒီး ထံၣ်လၢပဒိၣ်ထီၣ်လၢသူၣ်လၢသးအပူၤလီၤႉ မ်ကစၢ်ယွၤ ကဟ့ၣ်ပှၤ တၢ်နာ် ဒ်သိးပကနာ် ဒီးကျဲးစၢးမၤပ၀ဲ ဒ် ဖံလံးပံၤ ၁း၆ စံး၀ဲ ‘ယနာ်တၢ်အံၤဒၣ်လဲာ်လၢ‚ ပှၤလၢ အမၤထီၣ်သီ‚ တၢ်မၤအဂ့ၤတမံၤလၢသုပူၤတဂၤ‚ ကမၤလၢထီၣ်ပှဲၤထီၣ်၀ဲ‚ တုၤလီၤလၢ ယ့ၣ်။းခရၠာစးံာ် အမုၢ်နံၤန့ၣ်လီၤႉ’ တက့ၢ်ႉ