ယပၢ်မ့ၢ် ပှၤလၢအအိၣ်ဒီး တၢ်ကတိၤအစှၤတဂၤလီၤႉ အ၀ဲအတၢ်နၢ်ဟူ ဟးဂီၤ၀ဲလၢတၢ်ဒုးတၢ်ယၤအဃိဒီး ဘၣ်သိးထီၣ်၀ဲ တၢ်နၢ်ဟူတၢ်အပီးအလီန့ၣ်လီၤႉ ဘၣ်တဟါ‚ ယၤဒီးယမိၢ်ခံဂၤ ပကတိၤတၢ်ထီန့ၢ်ဒံး ယပၢ်ဆိကမိၣ်၀ဲအသိးအဃိ‚ ဒ်တၢ်စံးလိာ်ကွဲ အသိး ကတိၤကဒါက့ၤပှၤဒီးစံး၀ဲ ‘‘တဘျီလၢ်လၢ် ဖဲယသးလီ တၢ်မုာ်တၢ်ခုၣ် ဒီး တၢ်ဘရၣ်တၢ်ဘှီၣ်န့ၣ် ယမၤယဲဒံးအံၤလီၤ’’ ဒီး ယူာ်ထီၣ် အစုခံခီလိာ် ဒ်သိးကဘ့ၣ်လီၤကွံာ် တၢ်နၢ်ဟူအပီးအလီ‚ ပာ်အစုဒုၣ်ခံခီလိာ် လၢအခိၣ်အလီၢ်ခံ ဒီးဘံၣ်လီၤအမဲာ် လၢတၢ်နံၤကမှံ လၢအတၢ်အိၣ်ဂၢၢ်တပၢၢ်အပူၤလီၤႉ
တုၤပနၢ်ဟူဘၣ် အတၢ်ကတိၤန့ၣ် ပနံၤသကိးအါအါ ကလဲာ်‚ ဒီးပဆိကတီၢ်ကွံာ် ပတၢ်ကတိၤလီၤႉ
ယပၢ်အတၢ်ကတိၤအံၤ ဒုးသ့ၣ်နီၣ်ထီၣ်က့ၤယၤလၢ ပ၀ဲဒၣ်တဂၤဒီးတဂၤအဂီၢ် ကစၢ်ယွၤ မၤတၢ်လီၤဆီလီၤလး အါမးလီၤႉ ထီဘိန့ၣ် ကစၢ်ယွၤလိၣ်ဘၣ်၀ဲလၢ ကဒိကနၣ်ဘၣ် အဖိသ့ၣ်တဖၣ် အတၢ်ကတိၤလီၤႉ ဖျါထီၣ်၀ဲလၢ တၢ်ထုကဖၣ် အဖုၣ်ကိာ်တယုၢ်အပူၤ လၢလံာ်စီဆှံအပူၤန့ၣ်လီၤႉ တနံၤန့ၣ် စီၤနဃ့မယၤ ထံၣ်ဘၣ်တၢ်သးအုးတမံၤ‚ ဖဲစီၤပၤစီၤအၢ်တၤ့ှှါ့ှှတၤ အိၣ်လၢအဃၢၤအဆၢကတီၢ်လီၤႉ တုၤစီၤပၤသ့ၣ်ညါဘၣ်၀ဲ အတၢ်သးအုးန့ၣ်‚ သံကွၢ်အီၤ ဘၣ်မနုၤအဃိလဲၣ်လီၤႉ လၢတၢ်ပျံၤတၢ်ဖုးအပူၤ အ၀ဲစံးဆၢ၀ဲ‚ မ့ၢ်လၢ ၀့ၢ်ယ့ှူၤရၠာစးှလ့ၣ် လၢမိၢ်ပၢ်ဖံဖုလၢပျၢၤ သူၣ်ထီၣ်၀ဲန့ၣ် လီၤပီှၢ်ကွံာ်၀ဲ အဃိလီၤႉ ဒီးစီၤပၤစံးဘၣ်အီၤ နအဲၣ်ဒိးမၤဒ်လဲၣ်ႉ ၀ံၤဒီး စီၤနဃ့မယၤ ဘါထုကထဖၣ် ဆူမူခိၣ်အကစၢ် ဒီးစံးဆၢစီၤပၤလီၤ (နဃ့ ၂း၄-၅) ႉ
စီၤနဃ့မယၤ အတၢ်ထုကဖၣ်အံၤ ကတၢၢ်၀ဲလၢ ဆၢကတီၢ်တစိာ်ဖိအပူၤ ဘၣ်ဆၣ် ကစၢ်ယွၤနၢ်ဟူ အတၢ်ဃ့ကညးလီၤႉ ဒီးကစၢ်ယွၤစံးဆၢ အတၢ်ဃ့ကညး ခဲလၢာ်ဒီး‚ စီၤပၤစီၤအၢ်တၤ့ှှါ့ှှတၤ ဟ့ၣ်လီၤ စီၤနဃ့မယၤ လၢတၢ်အခွဲးအယာ် လၢကဘှီထီၣ်က့ၤ ၀့ၢ်ယ့ှူၤရၠာစးှလ့ၣ်န့ၣ်လီၤႉ
ပတၢ်ဃ့ဘါထုကဖၣ်တၢ်လၢယွၤန့ၣ်‚ ဖုၣ်၀ဲဒၣ်မ့ၢ်ဂ့ၤ‚ ထီ၀ဲဒၣ်မ့ၢ်ဂ့ၤ‚ ပသ့ၣ်ညါလၢ ကစၢ်ယွၤသ့ၣ်ညါ၀ဲဒီး စံးဆၢပှၤကိးထံၣ်ကိးဘီလီၤႉ အဃိ ကဲထီၣ်တၢ်သူၣ်မုာ်သးမုာ် လၢပဂီၢ်လီၤႉ