ဖဲလၢပ၀ံၢ်၀ၢ်ပစု ဒီးစံးဘၣ်ပမိၢ်ပပၢ်လၢက့ၤမုာ်မုာ်အခါ ပဖိမုၣ်ဖိမဲာ်ထံလီၤ၀ဲဒၣ်လီၤႉအ၀ဲသ့ၣ်ဟဲအိၣ်သကိးပှၤ ဖဲကီၢ်အဲကလံး ၀ံၤဒီးအ၀ဲသ့ၣ်ကက့ၤဆူအဟံၣ် လၢကီၢ်အမဲရၠာစးကၤန့ၣ်လီၤႉ ဖိမုၣ်ဖိစံး၀ဲ ‘‘ယတအဲၣ်ဒိးလၢအ၀ဲသ့ၣ်က့ၤဘၣ်’’ႉ ဖဲလၢ ယမၤမုာ်အသးအခါ ယ၀ၤသးဘိစံး၀ဲဒၣ် ‘‘တၢ်အံၤ မ့ၢ်တၢ်အဲၣ်အလုၢ်အပရၤလီၤ’’ႉ
ဖဲလၢပမ့ၢ်လီၤဖးဒီး ပှၤလၢပအဲၣ်အီၤတဖၣ်အခါ ဘၣ်သ့ၣ်သ့ၣ် ပသးကဘၣ်ဒိ၀ဲဒၣ်လီၤႉ ဘၣ်ဆၣ် ဖဲလၢကစၢ်ခရၠာစးံာ် ဟ့ၣ်တၢ်အဲၣ်အပရၤ လၢထူၣ်စုညါအဖီခိၣ်န့ၣ် အ၀ဲကလၢၢ်ဘၣ် တၢ်လီၤဖးအဒိၣ်ကတၢၢ်တမံၤလီၤႉ အ၀ဲမ့ၢ် ပှၤကညီဒီးယွၤနီၢ်နီၢ်ဒီး အ၀ဲမၤလၢပှဲၤ ၀ံယ့ှှါယၤ အတၢ်တဲဆိလၢ အပူၤကွံာ်အနံၣ်နွံကယၤဃၣ်ဃၣ် ဖဲအစိာ်ထီၣ် ပှၤအါဂၤ အတၢ်ကမၣ်လီၤ (ယ့ှှါ ၅၃း၁၂) ႉ လၢလံာ်စီဆှံအဆၢဒိၣ်အံၤအပူၤ ပထံၣ်ဘၣ် တၢ်ကတိၤအါဘျီ လၢအပာ်ဖျါယ့ၣ်။း ဒ်အမ့ၢ်တၢ်ခ့တၢ်ပှၤ လၢတူၢ်ဘၣ်တၢ်လီၤႉ အဒိ ‘‘ဘၣ်တၢ်ဆဲးဖျိအီၤ လၢပတၢ်ကမၣ်အဃိ’’ (း၅) ‚ လၢအမၤအသးဖဲလၢအဘၣ် တၢ်ပျၤထီအီၤ လၢထူၣ်အလိၤဒီး ဖဲလၢသုးဖိတဖၣ်ဆဲးဖျိအကပၤလၢဘီ (ယိၤ ၁၉း၃၄) ဒီး‘‘ပဘျါက့ၤ လၢအဘၣ်တီၢ်အဃိန့ၣ်လီၤ’’ႉ (ယ့ှှါ ၅၃း၅) ႉ
မ့ၢ်လၢတၢ်အဲၣ်အဃိ ကစၢ်ယ့ၣ်။း ဟဲလီၤလၢဟီၣ်ခိၣ် ဒီးအိၣ်ဖျဲၣ်ထီၣ် ဒ်ဖိသၣ်ဖိ တဂၤအသိးလီၤႉ မ့ၢ်လၢတၢ်အဲၣ်အဃိ ပှၤသ့တၢ်သိၣ်တၢ်သီတဖၣ်‚ ကမျၢၢ်တဖၣ်‚ ဒီးသုးဖိတဖၣ် အတၢ်ကတိၤဒုၣ်ဒွဲၣ်န့ၣ် တူၢ်တ့ၢ်၀ဲလီၤႉ မ့ၢ်လၢတၢ်အဲၣ်အဃိ အ၀ဲတူၢ်တၢ်ဒီး သံ၀ဲဒ်အမ့ၢ်တၢ်လုၢ်အလၢအပှဲၤအသိး‚ တူၢ်တၢ်လၢပဂီၢ် လၢယွၤ အမဲာ်ညါလီၤႉ ပမူမ့ၢ်လၢ တၢ်အဲၣ်အဃိလီၤႉ