တၢ်အိၣ်ဖှိၣ်လၢ ယလဲၤဘါတၢ်န့ၣ် ထူၣ်စုညါဖးဒိၣ်တဘိ အိၣ်ဆၢထၢၣ်လၢ တၢ်လုၢ်ဟံၣ်အမဲာ်ညါလီၤႉ တၢ်အံၤပာ်ဖျါ ထူၣ်စုညါလၢ ကစၢ်ခရၠာစးံာ်သံ၀ဲလၢအလိၤ‚ မ့ၢ်တၢ်လီၢ်လၢ ပတၢ်ဒဲးဘးထံၣ်လိာ်သးဒီး (ဂာ်တဲာ်လိာ်သးဒီး) ခရၠာစးံာ်အတၢ်စီတၢ်ဆှံန့ၣ်လီၤႉ ဖဲန့ၣ်ကစၢ်ယွၤ ပျဲအဖိခွါလၢအလၢပှဲၤ၀ဲတဂၤ ကသံလၢပဃိ‚ တၢ်ကမၣ် ကိးမံၤဒဲးလၢပမၤဘၣ်အီၤ ကတိၤဘၣ်အီၤ မ့တမ့ၢ် ဆိကမိၣ်ဘၣ်အီၤန့ၣ်လီၤႉ လၢထူၣ်စုညါအလိၤန့ၣ် ကစၢ်ခရၠာစးံာ်မၤ၀ံၤ၀ဲတၢ်မၤ လၢကအုၣ်က့ၤခီၣ်က့ၤပှၤ လၢတၢ်သံ လၢပ့ကၢးတူၢ်၀ဲန့ၣ် လီၤ (ရၠာစးိမ့ၤ ၆း၂၃) ႉ
ဖဲယထံၣ်ဘၣ် ထူၣ်စုညါအံၤ ဒုးဆိကမိၣ်ယၤ တၢ်လၢ ယ့ၣ်။းတူၢ်တ့ၢ်တၢ်လၢပဂီၢ်န့ၣ်လီၤႉ တချုးဘၣ် တၢ်ပျၤထီအီၤန့ၣ် အ၀ဲဘၣ်တၢ်တီၢ်အီၤဒီး ထူးပှဲာ်အီၤလီၤႉ သုးဖိတဖၣ် ဒိအခိၣ် လၢတပိၢ်တဘိ ဒီးချံးလီၤအခီၣ်လၢအမဲာ်ညါ ဒီးဘါထီၣ်အီၤလၢတၢ်ဒုၣ်ဒွဲၣ်အပူၤန့ၣ်လီၤႉ အ၀ဲသ့ၣ်မၢ ကစၢ်ခရၠာစးံာ်ယိးအထူၣ်စုညါ ဆူတၢ်လီၢ်လၢကဘၣ်သံ၀ဲ ဘၣ်ဆၣ် မ့ၢ်လၢ အ၀ဲ ဘၣ်တၢ်ဒိအီၤတီၢ်အီၤနးနးကလဲာ်အဃိ ဂံၢ်ဘါတအိၣ်လၢကယိး၀ဲဘၣ်ႉ လၢကီၤလၤကီၤသါ (တၢ်စံးလၢခိၣ်သၣ်ဃံအလီၢ်) န့ၣ် အ၀ဲသ့ၣ် ပျၤ၀ဲထးဖျိဆူအဖံးအညၣ် ဒ်သိးကအိၣ်ထီလၢထူၣ်စုညါအလိၤ ဖဲလၢအ၀ဲသ့ၣ် ပာ်ဆၢထၢၣ်ထူၣ်စုညါန့ၣ်လီၤႉ ထးလီၢ်ထးကျဲတဖၣ်အံၤ ၀ံဃာ်ယိးဃာ်ခရၠာစးံာ်အနီၢ်ကစၢ် ဖဲအ၀ဲလီၤဘျး လၢထူၣ်စုညါန့ၣ်လီၤႉ ဃုနၣ်ရၠာစးံၣ်ပူၤကွံာ် ဒီးကစၢ်ခရၠာစးံာ် အသးဟးထီၣ်၀ဲလီၤ (မၢ်ကူး ၁၅း၃၇) ႉ ပှၤသုးဖိ တကယၤအခိၣ်တဂၤ လၢအထံၣ်ဘၣ်တၢ်တဂၤအံၤ စံး၀ဲဒၣ် ‘‘ပှၤကညီတဂၤအံၤ မ့ၢ်မးယွၤအဖိခွါနီၢ်နီၢ်န့ၣ်လီၤ’’ (း၃၉) ႉ
လၢခံတဘျီ နမ့ၢ်ထံၣ် ထူၣ်စုညါအပနီၣ် ဒီးဆိကမိၣ်တၢ်အံၤ အခီပညီလၢ နဂီၢ်တက့ၢ်ႉ ယွၤအဖိခွါတူၢ်တ့ၢ်တၢ်ဒီး သံ၀ဲဖဲန့ၣ်ဒီး ဂဲၤဆၢထၢၣ်သမူထီၣ်က့ၤ၀ဲ ဒ်သိး ပကဒိးန့ၢ် တၢ်မူအထူအယိာ်အဂီၢ်လီၤႉ