ဖဲ ကိၣ်စံၣ်ခိး၀ဲ ဒ်သိးကဒိးဘျၢအသး လၢထံကျိ တိကိၣ် မိၣ်နိၣ် အကတီၢ်န့ၣ်‚ အ၀ဲသကူးထီၣ်အသး ဒီးဟံးထီၣ်တၢ်ဂီၤတၢ်ဖီၣ် ဘၣ်တၢ်မၤအီၤ လၢသ့ၣ်အလီၢ်လံၤ အခိၣ်လီၤႉ တၢ်ဂီၤအံၤစးထီၣ်လၢ ကိၣ်စံၣ်အဖံအဖု‚ အမိၢ်အပၢ် အကတီၢ်လံၤလံၤန့ၣ်‚ဘၣ်တၢ်လုၢ်ထီၣ်ဘါထီၣ်အီၤ လၢဆီလၢအဃုထၢ၀ဲဒၣ်လီၤႉ ဘၣ်ဆၣ် ဆၢကတီၢ်ခဲအံၤ တခီ‚ ပှၤသ့ၣ်တဖၣ်န့ၣ် ပာ်ဖှိၣ်ထီၣ်အသး ဒီးကွၢ်သကိး ကိၣ်စံၣ်ကွံာ်လီၤတၢ်ဂီၤန့ၣ် ဆူမ့ၣ်အူအပူၤန့ၣ်လီၤႉ တၢ်ဂီၤန့ၣ် ဘၣ်တၢ်ဃိကွံာ် လၢမ့ၣ်အူအဃိ‚ ဆူညါန့ၣ် ပှၤသ့ၣ်တဖၣ် အံၤ လုၢ်ထီၣ်ဘါထီၣ်၀ဲ အလီၢ်တအိၣ်လၢၤဘၣ်ႉ
တၢ်ဂီၤတၢ်ဖီၣ်န့ၣ် ပှၤခရၠာစးံာ်ဖိလၢ ကီၢ်မုၢ်နုာ်အါဂၤ ဆိကမိၣ်၀ဲလၢ အမ့ၢ်တၢ်အဒိတမံၤ လၢအပာ်လီၤ၀ဲ လၢ ယွၤအလီၢ်‚ လၢကီၢ်တိကိၣ်‚ ကီၢ်မိၢ်ပှၢ်အၤဖရၠာစးံကၤအမုၢ်နုာ်တခီ‚ သ့ၣ်ညါ၀ဲလၢအသံခိၣ်မုၢ်ဃါ လၢအလုၢ်ထီၣ် ပာ်ထီၣ်၀ဲန့ၣ်လီၤႉ တၢ်ဒွဲၣ် ထီၣ်တၢ်ဂီၤ လၢမ့ၣ်‚ ဒီးတၢ်ဘျၢထံအံၤ မ့ၢ်၀ဲဒၣ် တၢ်ပာ်ဖျါအဒူတမံၤ လၢအဘၣ်ဃးဒီး ပှၤနာ်ကစၢ်ခရၠာစးံာ်အသီတဂၤ‚ အတၢ်သးတ ီဒီးကစၢ် လၢအမ့ၢ်၀ဲတီ၀ဲတဂၤန့ၣ်လီၤႉ
စီၤပၤစီၤယိၤ့ှှံယၤ‚ လၢအသးအိၣ် ၈ နံၣ်တဂၤ ကဲထီၣ်စီၤပၤ ဖဲတၢ်သူၣ်ထီၣ် ကဲထီၣ် တၢ်ဂီၤတၢ်ဖီၣ်‚ တၢ်ကလုၢ်ကလိၤဒိၣ်စိအဆၢကတီၢ်န့ၣ်လီၤႉ အဖုဒီးအပၢ် မ့ၢ်၀ဲ စီၤပၤလၢအအၢကတၢၢ်‚ ဖဲယူဒၤအလုၢ်အလၢ် လၢအထီဒါတၢ်မ့ၢ်တၢ်တီ အကတီၢ် န့ၣ်လီၤႉ ဖဲအကတီၢ်န့ၣ် ပှၤလုၢ်တၢ်အဒိၣ် ထံၣ်န့ၢ်က့ၤ လံာ်တၢ်သိၣ်တၢ်သီ‚ ဒီးစီၤပၤ စီၤယိၤ့ှှံယၤ ဟံးန့ၢ်တၢ်သိၣ်တၢ်သီသ့ၣ်တဖၣ် လၢအသးကံၢ်ပူၤလီၤ (၂ စီၤပၤ ၂၂း၈- ၁၃) ႉ စီၤပၤယိၤ့ှှံယၤ မၤဟးဂီၤကွံာ် တၢ်ဂီၤတၢ်ဖီၣ်အတၢ်လုၢ်ထီၣ်ပာ်ထီၣ်အလီၢ်‚ ဃိထီၣ်ကွံာ် တၢ်ဖိတၢ်လံၤအတဂ့ၤတဘၣ် လၢတၢ်ကတဲာ်ကတီၤအီၤ လၢသံခိၣ်မုၢ်ဃါ အဒီးရၠာစးၤဘူးအဂီၤတဖၣ်‚ ဒီးဒုးဆိကတီၢ်ကွံာ် တၢ်ဃုကျိၣ်စ့ ခီဖျိ တၢ်ဆါလီၤကွံာ် အသး အလုၢ်အလၢ်လီၤႉ လၢတၢ်သ့ၣ်တဖၣ်အလီၢ်န့ၣ် စီၤပၤသးစၢ် မၤ၀ဲဒၣ် ‘‘ဘူၣ်လဲၤကပာ်’’ အမုၢ်နံၤလီၤ (၂ စီၤ ၂၃း၂၁-၂၃) ႉ
တဘျီလၢ်လၢ်ဖဲပကွၢ်ဃုတၢ်စံးဆၢတဖၣ် လၢအတဟဲဘၣ်လၢကစၢ်ယွၤန့ၣ် မ့ၢ်ဒၣ် တၢ်ပိာ်ထီၣ်ကစၢ် လၢအတမ့ၢ်တတီအခံလီၤႉ အဃိ ့ကၢးလၢပသံကွၢ်လီၤက့ၤ ပသး လၢ ‘‘မ့ၢ်ပဘၣ်ကွံာ်နုာ် တၢ်ဂီၤမနုၤတဖၣ် ဆူမ့ၣ်အူပူၤလဲၣ်’’ န့ၣ်လီၤႉ