စံးဘျုးဘၣ်ယွၤလၢ ယဒိးန့ၢ်ဘၣ်အခွဲးအယာ် လၢယကကွၢ်ထွဲဒီးကဟုကယာ် ဘၣ်ယမိၢ်‚ ဖဲအ၀ဲဘၣ်ကွၢ်ဆၢၣ်မဲာ် လူၣ်ကံမံယၤ (လူကီးမီးယား) အတၢ်ဆါအကတီၢ်လီၤႉ ယမိၢ်အံၤ ကသံၣ်ကသီ လၢအအီ၀ဲတဖၣ်အဃိ ဒိးန့ၢ်ဘၣ်တၢ်ဆါဒိၣ်န့ၢ်ဒံးတၢ်ဆါ လၢအတူၢ် ဘၣ်၀ဲလီၤႉ အဃိစံၣ်ညီၣ်တဲာ်၀ဲလၢ ကပာ်ကတီၢ်ကွံာ် တၢ်အီကသံၣ်န့ၣ်လီၤႉ အ၀ဲ စံး၀ဲဒၣ် ယတအဲၣ်ဒိးတူၢ်ဘၣ် တၢ်ဆူးတၢ်ဆါလၢၤဘၣ်ႉ ယအဲၣ်ဒိးအိၣ်ဒီးဟံၣ်ဖိဃီဖိတဖၣ် လၢတၢ်သူၣ်ဖှံသးညီ အပူၤ ဖဲယမုၢ်နံၤ လၢအအိၣ်လီၤတဲာ်သ့ၣ်တဖၣ်အပူၤ လီၤႉ ကစၢ်ယွၤသ့ၣ်ညါ၀ဲ လၢယအိၣ်ကတဲာ်ကတီၤလံ ယသး လၢယကက့ၤဆူယဟံၣ် လၢမူခိၣ်လံန့ၣ်လီၤႉ
ယဃ့ကညးပၢ်အိၣ်လၢမူခိၣ်‚ လၢအမ့ၢ် ကသံၣ် သရၠာစးၣ်ဖးဒိၣ်‚ ဒီးသးမံယဲ လၢကမၤတၢ်လီၤလးလၢယမိၢ် အဂီၢ်လီၤႉ ဘၣ်ဆၣ် ကစၢ်ယွၤအၢၣ်လီၤ၀ဲဒၣ် ယမိၢ်အတၢ်ထုကဖၣ်လီၤႉ ယတၢ်ထုကဖၣ်တခီ ဂ့ၢ်လိာ်၀ဲလီၤႉ အဃိလၢတၢ်ဟီၣ်သါသကုးအပူၤ‚ ယဟ့ၣ်လီၤယသး ဒီးစံးယဲ ‘‘ဖဲဒၣ်နသးလီၤ‚ ကစၢ်ဧၢ’’ န့ၣ်လီၤႉ
လၢတၢ်ဆၢကတီၢ်တယံာ်ဘၣ် အကတီၢ်န့ၣ်‚ ကစၢ်ယွၤတူၢ်လိာ်ဘၣ်ယမိၢ် ဆူတၢ်ဆူးတၢ်ဆါတအိၣ်ဘၣ်လၢၤ လီၤထူလီၤယိာ်အပူၤလီၤႉ
လၢဟီၣ်ခိၣ်လၢအတဂၢၢ်တကျၢၤအပူၤအံၤ‚ ပကဘၣ်လဲၤခီဖျိဘၣ် တၢ် တူၢ်ဘၣ်ခီၣ်ဘၣ် တုၤလီၤလၢကစၢ်ခရၠာစးံာ်ဟဲက့ၤအကတီၢ်လီၤ (ရၠာစးိမ့ၤ ၈း၂၂-၂၅) ႉပန့ဆၢၣ် လၢအပှဲၤ၀ဲဒီးတၢ်ဒဲးဘး‚ ပတၢ်ထံၣ်လၢအဖုၣ်၀ဲ‚ ဒီးပတၢ်ပျံၤဘၣ် တၢ်ဆူးတၢ်ဆါ လဲလိာ်ကွံာ်ပဂံၢ်ပဘါ လၢပကဘါထုကဖၣ်လီၤႉ မ့ၢ်တၢ်စံးဘျုးဒိၣ်မးလၢ ‘‘ကစၢ်ယွၤအသးစီဆှံ ဃ့န့ၢ်ပှၤစီဆှံအဂီၢ် ဖဲဒၣ်ယွၤအသးလီၤ’’ (ရၠာစးိမ့ၤ ၈း၂၇) ႉ ဖဲကစၢ်ယွၤအၢၣ်လီၤ (မ့ၢ်) လၢပှၤတဂၤဂၤအတၢ်ဃ့ဒီး‚ ကဲထီၣ်၀ဲဒၣ် တၢ်သး လီၤသဘှံး အတၢ်ဂ့ၢ်လိာ်လၢပဂီၢ်ဒၣ်လဲာ်န့ၣ်‚ ကစၢ်ယွၤ ဒုးသ့ၣ်နီၣ်ထီၣ်က့ၤပှၤ လၢတၢ်ခဲလၢာ် လၢယွၤမၤ၀ဲန့ၣ်‚ မ့ၢ်တၢ်ဂ့ၤလၢပှၤလၢအအဲၣ်အီၤသ့ၣ်တဖၣ်အဂီၢ်လီၤ (ရၠာစးိမ့ၤ ၈း၂၈) ႉ
ဖဲပတူၢ်လိာ် ပတၢ်မၤဆံးဆံးဖိ လၢကစၢ်အတၢ်ကူၣ်ထီၣ်ဖးလီၤဖးဒိၣ်အပူၤ န့ၣ်‚ ပကကတိၤထွဲ ပမိၢ်အတၢ်ကတိၤ လၢအပာ်ဖျါထီၣ် အတၢ်နာ်န့ၣ်လီၤႉ အ၀ဲစံး၀ဲ‚ ‘‘ကစၢ်ယွၤန့ၣ်ဂ့ၤ၀ဲ‚ တၢ်ခဲလၢာ်န့ၣ် မ့ၢ်အတၢ်လီၤႉ တၢ်မနုၤမနုၤလၢအမၤ၀ဲန့ၣ် ယအၢၣ်လီၤလၢတၢ်သးမံအပူၤလီၤ’’ႉ လၢတၢ်သးမံ လၢယွၤအတၢ်ဂ့ၤအပူၤ‚ ပကဘၣ်နာ်အီၤ လၢကစံးဆၢက့ၤပတၢ်ထုကဖၣ်‚ လၢအလၤကပီၤအဂီၢ်န့ၣ်လီၤႉ