ယဆ့ၣ်နီၤလၢ ယတံၤသကိးတဂၤ အဒီပုၢ်၀ဲၢ်လၢ ဘူးထီၣ်လၢအကသံ၀ဲ အလီၢ်မံခး အကပၤ အဆၢကတီၢ်န့ၣ် ယတသးပ့ၤနီၣ်ဘၣ်တၢ်မၤအသး ဖျါဒ်တၢ်မုၢ်ဆ့ၣ်မုၢ်ဂီၤ တမံၤ ဘၣ်တၢ်ဟဲအိၣ်သကိးအီၤလၢ တၢ်လီၤဆီဖးဒိၣ်တမံၤန့ၣ်လီၤႉ ပသ့ၣ်ညါလၢ ရၠာစး့းခၠၢးဒ် ဘၣ်ဂဲၤဆူၣ်လၢ သါထီၣ်သါလီၤအဃိ ပသကိးသၢဂၤ ပကတိၤသကိးတၢ် ကစုဒုဖိန့ၣ်လီၤႉ ပအိၣ်၀းတရၠာစးံးအီၤ‚ ကွၢ်အီၤ‚ ခိးအီၤဒီး ဘါထုကဖၣ်တၢ်လီၤႉ ဖဲအတၢ်သါအကတၢၢ်တဘီန့ၣ်‚ မၤသးဒ်တၢ်စီဆှံအကတီၢ်န့ၣ်လီၤႉ ယွၤအတၢ်အိၣ်ဒီးပှၤ လုၣ်ဘၢပှၤ လၢပမဲာ်ထံပမဲာ်နိအကျါဒီး ပှၤလီၤဆီလီၤလးတဂၤ အတၢ်သံ ဖဲအသးအိၣ် ၄၀ အပူၤန့ၣ်လီၤႉ
ပတၢ်စူၢ်တၢ်နာ် အပှၤဒူပှၤဃိၤအါဂၤ လဲၤခီဖျိတၢ်အိၣ်မူလၢ ကစၢ်ယွၤ အတၢ်သူၣ်တီသးရၠာစးၤအိၣ်ဒီး အ၀ဲသ့ၣ်‚ ဖဲလၢအ၀ဲသ့ၣ်သံအခါန့ၣ်လီၤႉ အဒိ‚ ပှၤဒ်သိး စီၤယၤကိာ် စံး၀ဲ‚ တယံာ် ဘၣ်ဒီးတၢ်ကပာ်ဖှိၣ်ယၤဒီးယပှၤဂီၢ်မုၢ်လီၤ (၁ မိၤ ၄၉း၂၉-၃၃) ႉ စီၤယၤကိာ် အဖိခွါစီၤယိၤသး တုၤသ့ၣ်ညါ၀ဲအကသံဘူးထီၣ်လံ ဒီးစံးဘၣ်အဒီပုၢ်၀ဲၢ်တဖၣ် ယကသံလီၤႉ ဒီးမၤလိာ်တ့ၢ်၀ဲ ဒ်သိးအဒီပုၢ်၀ဲၢ်တဖၣ် ကဟံးဃာ်အတၢ်နာ် ဂၢၢ်ဂၢၢ်ကျၢၤကျၢၤလီၤႉ အနီၢ်ကစၢ်ဒၣ်၀ဲ ဖျါ၀ဲလၢအိၣ်ဒီးတၢ်ဃူတၢ်ဖိး လၢအသးပူၤလီၤ (၅၀း၂၄) ႉ
မတၤတဂၤမးတသ့ၣ်ညါအတၢ်သံအဆၢကတီၢ်ဘၣ်‚ အတၢ်သါလၢခံ ကတၢၢ် ကမၤအသးဒ်လဲၣ်န့ၣ် တသ့ၣ်ညါ၀ဲဘၣ်ႉ ဘၣ်ဆၣ်‚ ပဃ့ယွၤအတၢ်မၤစၢၤ ဒ်သိးပကနာ်န့ၢ် ယွၤအတၢ်အိၣ်ဒီးပှၤန့ၣ် သ့၀ဲလီၤႉ ပနာ်သ့လၢကစၢ်ယ့ၣ်။း က့ၤကတဲာ်ကတီၤသ့၀ဲ တၢ်လီၢ်တတီၤလၢပဂီၢ် လၢအပၢ်အဟံၣ်ပူၤန့ၣ်လီၤ (ယိၤ ၁၄း၂-၃) ႉ