စီၤဒၤ၀ံး တိာ်လီၤကျဲၤလီၤတၢ်လၢ တၢ်သူၣ်ထီၣ်တၢ်လုၢ်ဟံၣ်အဂီၢ် ဒီးတ့ကံၣ်ဒိ တၢ်လုၢ်ဟံၣ်အပိးအလီစ့ၢ်ကီးလီၤႉ အ၀ဲပာ်ဖှိၣ်တၢ်ဖိတၢ်လံၤလၢအလိၣ်၀ဲတဖၣ် ဒီး ကယဲၢ်တၢ်သုးကျဲၤ ခဲလၢာ် မၤ၀ဲဒၣ်လီၤ (၁ ကွဲး ၂၈း၁၁-၁၉) ႉ ဘၣ်ဆၣ်ဒီး ၀့ၢ်ယ့ှူၤ့ှှလ့ၣ် တၢ်လုၢ်ဟံၣ်အဆိကတၢၢ်တဖျၢၣ်န့ၣ် တၢ်သ့ၣ်ညါအီၤလၢ အမ့ၢ်စီၤ့ှှလိၤမိၤ အတၢ်လုၢ်ဟံၣ် ဒီး တမ့ၢ်လၢ စီၤဒၤ၀ံး မၤ၀ဲဘၣ်ႉ
အဂ့ၢ်ဒ်အံၤ ကစၢ်ယွၤစံး၀ဲ‚ နတဘၣ် သူၣ်ထီၣ်ဟံၣ် လၢယကအိၣ်ကဆိးအဂီၢ်ဘၣ် (၁ ကွဲး ၁၇း၄) ႉ ယွၤဃုထၢ အ၀ဲအဖိခွါ စီၤရၠာစးှလိၤမိၤလၢ ကသူၣ်ထီၣ်တၢ်လုၢ်ဟံၣ်လီၤႉ စီၤဒၤ၀ံးအတၢ်တူၢ်လိာ် ယွၤအတၢ်ဂ့ၢ်လိာ်အီၤန့ၣ် မ့ၢ်တၢ် အဒိတဲာ်အဂ့ၤတမံၤလီၤႉ အ၀ဲအတၢ်ထံၣ်တီအိၣ် လၢယွၤ အမၤတၢ်အဖီခိၣ်လီၤႉ တကွၢ်၀ဲ တၢ်လၢအမၤ၀ဲတသ့ တကပၤဘၣ် ( ၁ကွဲး ၁၇း ၁၆-၂၅) ႉ အ၀ဲအိၣ်ဒီးသးလၢ အသ့ၣ်ညါတၢ်ဘျုးတၢ်ဖှိၣ်လီၤႉ ကယဲၢ် တၢ်လၢအမၤ၀ဲသ့ န့ၣ်‚ မၤ၀ဲဒီးပာ်ဂံၢ်ပာ်ဘါ၀ဲဒီး ပှၤလၢအသ့အဘၣ်တဖၣ်လၢကမၤစၢၤစီၤရၠာစးှလိၤမိၤ အတၢ်သူၣ်ထီၣ်န့ၣ်လီၤ (၁ကွဲး ၂၂) ႉ
ပှၤကွဲးဖျါထီၣ် လံာ်စီဆှံအခီပညီတဂၤစံး၀ဲ‚ တဘျီဘျီ ပဘၣ်တူၢ်လိာ်၀ဲ တၢ်မၤလၢပအဲၣ်ဒိးမၤကဲထီၣ်ဒိၣ်မး ဒ်ပှၤခရၠာစးံာ်ဖိအကျိာ်အကျာ် အသိး‚ ဘၣ်ဆၣ် တမ့ၢ်လၢ ပန့ၢ်ဘၣ်တၢ်ကတီၤပှၤ‚ ဒီးတမ့ၢ်စ့ၢ်ကီး ယွၤကိးထီၣ်ပှၤ လၢတၢ်မၤအံၤအဂီၢ်ဘၣ်န့ၣ်လီၤႉ ကမ့ၢ်၀ဲဒ်စီၤဒၤ၀ံးအသိး လၢတၢ် ကတဲာ်ကတီၤဆိ ပာ်အဂီၢ်ဒီး ခီဖျိတၢ်အံၤခဲကိာ်တၢ်ဒိၣ်တၢ်မုၢ် ဂ့ၤန့ၢ်အန့ၣ်တက့ၢ် ကမၤသးအဂီၢ်လီၤႉ
စီၤဒၤ၀ံးမၤလၤကပီၤယွၤလီၤႉ တမၤလၤကပီၤအသးဘၣ်ႉ လၢကစၢ်ယွၤ အတၢ်လုၢ်ဟံၣ်အဂီၢ် မၤ၀ဲလၢ တၢ်သူၣ်တီသးလိၤ ဒီး ကယဲၢ်တၢ်လၢ အမၤ၀ဲသ့န့ၣ် မၤ၀ဲကိးမံၤဒဲးလီၤႉ ပာ်လီၤ၀ဲ တၢ်ခီၣ်ထံးခၢၣ်သနၢၢ် လၢပှၤကဟံးထီၣ်ဖီၣ်ထီၣ် တၢ်မၤလၢ ခံတဂၤ ကမၤလၢထီၣ်ပှဲၤထီၣ် တၢ်မၤအံၤအဂီၢ်လီၤႉ ဒ်န့ၣ် အသိး မ်ပ၀ဲဒၣ် ပကတူၢ်လိာ်သကိး တၢ်မၤလၢ ကစၢ်ဃုထၢလၢ ပဂီၢ်ဒီး မၤတၢ်ခ့တၢ်ပှၤ အတၢ်မၤပှဲၤဒီးသးလၢ အစံးဘျုးယွၤတက့ၢ်ႉ ကစၢ်ယွၤလၢအအဲၣ်ပှၤန့ၣ် မၤတၢ်အဒိၣ်အမုၢ်တမံၤ လၢအဖျါ ဂ့ၤန့ၢ်တၢ်လၢ ပဆိကမိၣ်သ့တက့ၢ်လီၤႉ