ခီပနံၣ်တခါအမူဒါခိၣ်အဒိၣ်ကတၢၢ် (စီအီးအို) တဂၤ စံး၀ဲ ‘‘တၢ်ကမၣ်တဖၣ် မၤတ့ၢ်အသး လံ’’‚ ဖဲအကတိၤတၢၣ်ပီၣ်တၢ်ဘၣ်ဃးဒီး အခီပနံၣ် အတၢ်ဘၣ်ထွဲဒီး တၢ်မၤတမံၤလၢ အတဖိးသဲစးဘၣ်အခါန့ၣ်လီၤႉ ဖျါလၢ အ၀ဲအသးတမုာ်ဘၣ်‚ နာ်သက့ အ၀ဲပဒ့ၣ်ဟးဆှဲး တၢ်ပာ်ဒ့ၣ်ပာ်ကမၣ်ဒီး တအၢၣ်လီၤ၀ဲလၢ အနီၢ်ကစၢ်ဒၣ်၀ဲ မၤတ့ၢ်ဘၣ် တၢ်ကမၣ် န့ၣ်လီၤႉ
တၢ်ကမၣ်တနီၤ‚ ဒ်ပစံးတၢ်အသိး တၢ်နီၣ်သိလ့ၣ် လၢအတဘၣ်တကပၤ‚ တၢ်သးပ့ၤနီၣ်အဃိ ဟါတၢ်အီၣ် ကိၢ်ဃၢၣ်ဘၣ်သး‚ ဒီးတၢ်ဒွးကမၣ်စ့အိၣ်တ့ၢ် လၢစ့စရၠာစးီပူၤ တဖၣ်နှၣ် မ့ၢ်ဒၣ်တၢ်ကမၣ်တဖၣ်လီၤႉ ဘၣ်ဆၣ်ဒီး တၢ် ကမၣ် လၢအလဲၤတလၢကွံာ်အခၢး ဒီးဘၣ်တၢ်မၤအီၤလၢ တၢ်ပညိၣ်အပူၤအိၣ်၀ဲ‚ ဒီးယွၤကိးအီၤလၢ တၢ်ဒဲးဘးန့ၣ်လီၤႉ ဖဲယွၤသံကွၢ် စီၤအၤဒၣ်ဒီး နီၢ်အံၣ်အု ဘၣ်မနုၤအဃိ အ၀ဲသ့ၣ် တဒိကနၣ်ဘၣ်အီၤလဲၣ်အခါ‚ အ၀ဲသ့ၣ် ပာ်ဒ့ၣ် ပာ်ကမၣ် တဂၤဒီးတဂၤ ခ@မးန့ၣ်လီၤႉ (၁ မိၤ ၃း၈-၁၃) ႉစီၤအၤဟရၠာစးိၣ် တဒိးဘၣ် တၢ်လီၤတီလၢ အဖီခိၣ် ဖဲယွၤ အပှၤဂီၢ်မုၢ်တဖၣ် ဘှီထီၣ် ဂီၤဖံးထူအဂီၤ လၢကဘူၣ်ထီၣ်ဘါထီၣ်အဂီၢ် လၢမဲးမုၢ်ခိၣ် အပူၤ န့ၣ်လီၤႉ အ၀ဲစံးဘၣ် စီၤမိၤဒီး ပှၤဂီၢ်မုၢ်တဖၣ် ‘‘ဟ့ၣ်လီၤ၀ဲလၢယၤ‚ ဒီးယဖၢလီၤ လၢမ့ၢ်အူပူၤ‚ ဒီးဟဲထီၣ်လၢ ဂီၤဖံးဖိတဒုအံၤလီၤ’’ ( ၂ မိၤ ၃၂း၂၄) ႉ
ဘၣ်သ့ၣ်သ့ၣ် အ၀ဲကစံးလီၤက့ၤဒၣ်၀ဲ ‘‘တၢ်ကမၣ်တဖၣ် မၤတ့ၢ်အသးလံ’’ န့ၣ်လီၤႉ
တဘျီဘျီ ဖျါလၢတၢ်ညီ လၢပကပာ်တၢ်ကမၣ်လၢ ပှၤဂၤအလိၤ အါန့ၢ် ပအၢၣ်လီၤ ပတၢ်လီၤတူာ်လီၤကၢ်တဖၣ်န့ၣ်လီၤႉ တၢ်တမံၤလၢ အလီၤဘၣ်ယိၣ် ပှဲၤသိးသိးအံၤန့ၣ် မ့ၢ်၀ဲ တၢ်ကျဲးစၢးမၤဆံးစှၤလီၤ ပတၢ်ဒဲးဘး ခီဖျိတၢ်ကိးအီၤ ဒ်အမ့ၢ်ထဲ ‘‘တၢ်ကမၣ်ဖိတမံၤဧိၤ’’ ဒီးတပာ်အီၤ ဒ်အန့ဆၢၣ်နီၢ်နီၢ်အသိးဘၣ်န့ၣ်လီၤႉ
ဘၣ်ဆၣ် ဖဲပဟံးမူဒါဒီး အၢၣ်လီၤ ပတၢ်ဒဲးဘးအခါ‚ ယွၤလၢ ‘‘အကလုၢ်တီ‚ ဒီးတီ၀ဲလိၤ၀ဲ’’န့ၣ် ‘‘ကပျၢ်ကွံာ်ပတၢ်ဒဲးဘး‚ ဒီးသ့စီကွံာ်ပှၤ လၢကယဲၢ်တၢ်အၢတၢ်သီ ခဲလၢာ်လီၤ’’ (၁ ယိၤ ၁း၉) ႉ ပကစၢ်ယွၤဟ့ၣ် တၢ်ပျၢ်တၢ်ကမၣ်ဒီး တၢ်ပာ်တီပာ်လိၤက့ၤ ဆူ အဖိတဖၣ်အအိၣ်န့ၣ်လီၤႉ