ဖဲဟါတၢ်အီၣ်အကတီၢ် ပတူၢ်လိာ် ဟံၣ်ဖိဃီဖိတဖၣ်လၢ ထံကီၢ်ယဲၢ်ဘ့ၣ်န့ၣ် မ့ၢ် တၢ်သ့ၣ်နီၣ်လၢ အလီၤလးမုာ်ဒိၣ်မးလီၤႉ လၢကျဲတဘိဘိန့ၣ်‚ ပတၢ်ကတိၤလိာ်သး နီၤဖးအသးခံခီ‚ ဘၣ်ဆၣ် ပ၀ဲကိးဂၤ စံးကတိၤသကိးဘၣ်ဃးဒီး တၢ်အိၣ်မူလၢ ၀့ၢ်လိဒိၣ် အဂ့ၢ်လီၤႉ တၢ်ထံၣ်တဖၣ်လီၤဆီ မ့ၢ်လၢပထံကီၢ်လီၤဆီအဃိန့ၣ်လီၤႉ မုၢ်ဟါလီၤအကတီၢ်၀ံၤ၀ဲအခါ‚ ယ၀ၤသးဘိဒီးယၤ ပဆိကမိၣ်က့ၤဒီး ထံၣ်ဘၣ်လၢ ပဒိးန့ၢ်ဘၣ်တၢ် အါန့ၢ်ဒံး ပဟ့ၣ်တၢ်န့ၣ်လီၤႉ ပမၤန့ၢ်တၢ် လၢသူၣ်လၢသး ဖဲပဒုးအိၣ်ထီၣ်တၢ်ဒီတံၤဒီသကိးအသီ‚ ဒီးမၤလိန့ၢ် တၢ်ဆဲး တၢ်လၤလီၤဆီတဖၣ်အခါန့ၣ်လီၤႉ
လံာ်ဧ့ၤ့ဘံၤ အပှၤကွဲးလံာ် မၤကတၢၢ် အတၢ်ဆိကမိၣ်တဖၣ်လၢ တၢ်ကတိၤသဆၣ်ထီၣ် ကမျၢၢ်ဒူၣ်ထၢန့ၣ်လီၤႉ အ၀ဲစံးဘၣ် အပှၤဖးလံာ်ဖိတဖၣ် ဒ်သိးကတူၢ်လိာ်မုာ် ပှၤတမှံၤတဖၣ်န့ၣ်လီၤႉ အဂ့ၢ်ဒ်အံၤ‚ လၢတၢ်မၤအအံၤအဃိဒီး‚ ‘‘ပှၤတနီၤနီၤ တသ့ၣ်ညါဘၣ်ဒီး‚ တူၢ်လိာ်ကလူးတဖၣ်လီၤ’’ (၁၃း၂) ႉ ဘၣ်သ့ၣ်သ့ၣ် အ၀ဲကအဲၣ်ဒိးစံး ဘၣ်ဃး စီၤအၤ့ဘၤဟၣ်ဒီး နီၢ်စၤရၠာစးါလၢ အတူၢ်လိာ် ပှၤသမှံၤလၢ အတသ့ၣ်ညါဘၣ်သၢဂၤ ဖျါဖဲ ၁ မိၤဒီး ၁၈း၁-၁၂ န့ၣ်လီၤႉ အ၀ဲသ့ၣ် ယူာ်ဃီၤဆူ ပှၤတဖၣ်န့ၣ် လၢတၢ်သးအိၣ်ဒီး တူၢ်လိာ်အီၤလၢ တၢ်အီၣ်အမူး ဒ်အမ့ၢ်လံာ်စီဆှံအကတီၢ်အထူသနူအသိးန့ၣ်လီၤႉ အ၀ဲသ့ၣ် တသ့ၣ်ညါ၀ဲ လၢအတူၢ်လိာ်ဘၣ် မူခိၣ်ကလူးတဖၣ်လၢ အဟဲစိာ်န့ၢ်အီၤ တၢ်ဆိၣ်ဂ့ၤအကစီၣ်န့ၣ် ဘၣ်လီၤႉ
ပကွဲမုာ်ပှၤဆူပဟံၣ်ပူၤန့ၣ် တမ့ၢ်ဒ်သိးပကမၤန့ၢ်တၢ်လၢ အ၀ဲသ့ၣ်အအိၣ် အဂီၢ်ဘၣ်ႉ ဘၣ်ဆၣ်‚ အါဘျီပဒိးန့ၢ်ဘၣ်တၢ် အါန့ၢ်ဒံးပဟ့ၣ်တၢ်န့ၣ်လီၤႉ မ်ယွၤ မၤအါထီၣ်အတၢ်အဲၣ် ခီဖျိပ၀ဲတဖၣ်‚ ဖဲပယူာ်ဃီၤလၢ ယွၤအတၢ်တူၢ်လိာ်မုာ် အပူၤန့ၣ်တက့ၢ်ႉ