တဘျီဘျီ ယမါသးဘိဒီးယၤ ပမၤကတၢၢ်တဂၤဒီးတဂၤ အတၢ်ကတိၤန့ၣ်လီၤႉ လၢပတၢ်ဖျီပသး အနံၣ် ၃၀ ဘျဲၣ်အပူၤ‚ ပသ့ၣ်ညါအါထီၣ်တဂၤဒီးတဂၤ အတၢ် ဆိကမိၣ်ဒီး အတၢ်ကတိၤန့ၣ်လီၤႉ ပမ့ၢ်တမၤကတၢၢ် ပတၢ်ကတိၤအကျိၤအကျဲ ဒၣ်လဲၣ်သ့၀ဲလီၤႉ ထဲတၢ်ကတိၤအဖျၢၣ်ဖိတဖျၢၣ် မ့တမ့ၢ် တၢ်ကွၢ်က@ဃီၤတဘျး ဖိန့ၣ် လၢ၀ဲလီၣ်၀ဲ လၢအကပာ်ဖျါထီၣ် တၢ်ဆိကမိၣ် တထံၣ်န့ၣ်လီၤႉ
တၢ်အံၤ မ့ၢ်တၢ်လီၤသးမုာ်လီၤႉ လီၤဂာ်ဒ် ပခီၣ်ဖံး လီၢ်လံၤတစူၣ် လၢပဒိးအီၤတလီၢ်လီၢ် မ့ၢ်လၢအဘၣ်ဂ့ၤ မးအဃိန့ၣ်လီၤႉ တဘျီဘျီ ပကိးလီၤသးတဂၤဒီးတဂၤ လၢတၢ်အဲၣ်အပူၤ ဒ် ‘‘ယခီၣ်ဖံးလီၢ်လံၤဖိ’’ န့ၣ်လီၤႉ နမ့ၢ်တသ့ၣ်ညါပှၤနီၢ်နီၢ်န့ၣ် တၢ်ကကီလၢ နကနၢ်ပၢၢ် ပတၢ်ကတိၤပ့တၢၤလိာ်သးဒ်အံၤန့ၣ်လီၤႉ လၢနံၣ်လါ တဖၣ်အပူၤ‚ ပတၢ်ရၠာစး့လိာ်ဘၣ်ထွဲအံၤ ဒုးအိၣ်ထီၣ် ကျိာ်တကျိာ်ဒၣ်၀ဲ‚ လၢအပာ်ဖျါအနံၣ်ဆံဆဲၣ် အတၢ်အဲၣ်ဒီး တၢ်နာ်န့ၣ်လီၤႉ
တၢ်လီၤသူၣ်မုာ်သးမုာ် ဖဲပသ့ၣ်ညါလၢ ယွၤအဲၣ်ပှၤလၢ တၢ်သ့ၣ်ညါပှၤ အယိာ်အပူၤန့ၣ်လီၤႉ စီၤဒၤ၀ံးစံး၀ဲ ‘‘ယွၤဧၢ‚ တၢ်ကတိၤလၢ ယပ@ၤအလိၤလၢ နတသ့ၣ်ညါဘၣ်န့ၣ် တအိၣ်ဘၣ်နီတထံၣ်ဘၣ်’’ (စံး ၁၃၉း၄) ႉ ဆိကမိၣ်ကွၢ် တက့ၢ်ႉ နကတိၤတၢ်ဒီးကစၢ်ယ့ၣ်။း လၢတၢ်ဘရၣ်တၢ်ဘှီၣ်အပူၤဒီး တဲဘၣ်အီၤ နတၢ်ဂ့ၤအိၣ်လၢ နသးကံၢ်ပူၤတဖၣ်လီၤႉ ဖဲနဂဲၤလိာ်ဃုတၢ်ကတိၤလၢ နကတဲဘၣ် အီၤအခါ‚ အ၀ဲနံၤကမှံထီၣ်၀ဲလၢ တၢ်သ့ၣ်ညါအပူၤဒီး ပာ်ဖျါထီၣ်၀ဲ လီၤတံၢ်လီၤဆဲးတၢ်လၢနတဲထီၣ်ဖျဲးတန့ၢ်ဒံးဘၣ်တဖၣ်န့ၣ်လီၤႉ ဖဲပကတိၤတၢ်ဒီးယွၤအခါ အလီၢ်တအိၣ်လၢ ပကဘၣ်ဃုန့ၢ်တၢ်ကတိၤ လၢအဂ့ၤအဘၣ်တဖၣ်ဘၣ်ႉ တၢ်အံၤ ဂ့ၤဆံးဒိၣ်လဲၣ်ႉ ယွၤအဲၣ်ပှၤ‚ သ့ၣ်ညါပှၤဂ့ၤမးဒီး နၢ်ပၢၢ်ပှၤလီၤႉ