ခၠါလ် ့ှှီ (၁၉၂၂-၂၀၀၀) မ့ၢ်ပှၤလၢ အဒုးအိၣ်ထီၣ် ပူလီၤနံၤဖုၣ်ဖိ ပံနး အဂ့ၢ်ဒီး အဘၣ်တၢ်အဲၣ်အီၤလၢ ပှၤအါဂၤန့ၣ်လီၤႉ ဖဲတၢ်သ့ၣ်နီၣ်ထီၣ် က့ၤအတၢ်ရၠာစးဲၣ်တၢ်ကျဲၤန့ၣ်‚ အတံၤသကိး ပှၤတ့တၢ်ဂီၤကွံးကွး သရၠာစးၣ်မုၣ်က့ၣ်သံၣ်က့ှူး၀ၠံး စံးကတိၤ၀ဲ ဘၣ်ဃး အတၢ်သူၣ်ကညီၤ သးကညီၤဒီး အတၢ်သးအိၣ်မၤစၢၤတၢ် အဂ့ၢ်န့ၣ်လီၤႉ ‘‘ပှၤကိးဂၤလၢဟီၣ်ခိၣ်ချၢအံၤအဂီၢ် အ၀ဲဟ့ၣ်တ့ၢ် တၢ်ဒုးနဲၣ်ဒိက့ၢ်ဂီၤတဖၣ် လၢအသ့ၣ်ညါ ပ၀ဲခဲလၢာ် အတၢ်သးကလၢၢ်‚ ဒီးလၢ အဒုးကလၢၢ်ပှၤ လၢတမ့ၢ်ပအိၣ်ထဲတဂၤဧိၤဘၣ်န့ၣ်လီၤႉ ဒီး အ၀ဲဟ့ၣ်ထီၣ်အနီၢ်ကစၢ်ဒၣ်၀ဲ ဒ်ပှၤတ့တၢ်ဂီၤကွံးကွးဒီး ဒုးကလၢၢ်ပှၤ လၢပတအိၣ်ထဲတဂၤဧိၤဘၣ်နှၣ်လီၤႉ အ၀ဲ ဟ့ၣ်ဂံၢ်ဟ့ၣ်ဘါပှၤလီၤႉ အ၀ဲဒိသူၣ်ဒိသးဒီးပှၤလီၤႉ အ၀ဲဒုးကလၢၢ်ပှၤ လၢအ၀ဲမ့ၢ်ပှၤလၢအဒ်သိးနီၢ်နီၢ်ဒီးပှၤန့ၣ်လီၤႉ
ဖဲပသးကလၢၢ်ဘၣ်လၢ ပှၤလၢအနၢ်ပၢၢ်ပှၤ တအိၣ်နီတဂၤဘၣ်‚ မ့တမ့ၢ် မၤစၢၤပှၤတသ့ နီတဂၤဘၣ်အခါ‚ ပဘၣ်တၢ်မၤသ့ၣ်နီၣ်ထီၣ်က့ၤပှၤ လၢကစၢ် ယ့ၣ်။း ဟ့ၣ်လီၤအနီၢ်ကစၢ်ဒၣ်၀ဲလၢပဂီၢ်‚ ဒီးအ၀ဲသ့ၣ်ညါလီၤတံၢ်လီၤဆဲး ပမ့ၢ် မတၤတဖၣ်လဲၣ်ဒီး တနံၤအံၤ ပဘၣ်ကွၢ်ဆၢၣ်မဲာ် တၢ်မနုၤတဖၣ်လဲၣ်န့ၣ်လီၤႉ
လံာ်ဧ့ၤ့ဘံၤ ၂း၉-၁၈ ဟ့ၣ်ထီၣ် တၢ်မ့ၢ်တၢ်တီလီၤဆီတမံၤ လၢအမ့ၢ်၀ဲဒၣ် ကစၢ်ယ့ၣ်။းဟံးန့ၢ် ပှၤဟီၣ်ခိၣ်ဖိအက့ၢ်အဂီၤအန့ဆၢၣ် လၢလၢပှဲၤပှဲၤ ဖဲလၢ အအိၣ်မူ လၢဟီၣ်ခိၣ်ချၢအခါန့ၣ်လီၤ (း၁၄) ႉ အ၀ဲ ‘‘လ့ၣ်ကွၢ်တၢ်သံ’’ လၢပှၤကညီခဲလၢာ် အဂီၢ်’’ (း၉) ‚ မၤဟးဂီၤ မုၣ်ကီၤလံၢ်အစိအကမီၤ‚ ဒီး ‘‘မၤထူၣ်ဖျဲးပှၤ လၢအကဲကုၢ် တစိၤဒၣ်အီၤလၢ အပျံၤတၢ်သံအဃိတဖၣ်’’ (း၁၅) န့ၣ်လီၤႉ ကစၢ်ယ့ၣ်။း ဘၣ်တၢ်တ့အီၤ ဒ်ပှၤအသိး ‘‘လၢတၢ်ကိးမံၤဒဲးအပူၤ ဒ်သိးလၢ အတၢ်မၤ ကစၢ်ယွၤ အတၢ်မၤအပူၤန့ၣ် ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢ အသူၣ်ကညီၤ သး ကညီၤတၢ်ဒီး အကလုၢ်တီ၀ဲတဂၤ’’ (း၁၇‚ခ့ခါ) န့ၣ်လီၤႉ တၢ်ဘျုးလီၤ‚ ကစၢ်ဧၢ‚ နဟံးန့ၢ် ပှၤကညီအက့ၢ်အဂီၤအန့ဆၢၣ် ဒ်သိးပကသ့ၣ်ညါဘၣ် နတၢ်မၤစၢၤ တနံၤအံၤဒီး မူလၢနမဲာ်ညါလီၤစိၤအဃိန့ၣ်လီၤႉ