ပလ့ၣ်တိ မ့ၢ်၀ဲ ဟ့းလ့ၣ် (ဂရၠာစးိ) ပှၤကူၣ်ဘၣ်ကူၣ်သ့တဂၤလီၤ (ဖဲတချုး ခရၠာစးံာ်နံၣ် ၄၂၇ -၃၄၈) ႉ အ၀ဲထံၣ်နှၢ်၀ဲကျဲတဘိလၢ အကဒုးကပီၤထီၣ်ပှၤကညီအသး လၢအခံး တကပၤ လီၤႉ အ၀ဲတဲ တၢ်တဲတယုၢ် ဘၣ်ထွဲဒီးပှၤကွၢ်သိတဂၤ လၢအထံၣ်နှၢ် ပသံးထူတဘိ‚ လၢအဘၣ် တၢ်ပာ်ခူသူၣ်ဃာ်အီၤ လၢဟီၣ်ခိၣ်ဖးယိာ်အပူၤနှၣ်လီၤႉ ဘၣ်တနံၤ ဖဲဟီၣ်ခိၣ်ဟူးနှၣ် တၢ်သွၣ်ခိၣ် လၢပျၢၤလၢကစၢၤ တဖျၢၣ် လၢအအိၣ်လၢကစၢၢ်အကပၤ လီၣ်ဖျါထီၣ် ပသံးအံၤ ဆူပှၤကွၢ်သိတဂၤအံၤအအိၣ်နှၣ်လီၤႉ လၢတၢ် တပာ် သူၣ်ပာ်သးအပူၤ ပှၤကွၢ်သိတဂၤအံၤ သ့ၣ်ညါဘၣ်၀ဲလၢပသံးတဘိအံၤ အိၣ်ဒီးအစိအကမီၤ လၢဖဲနသိးထီၣ် အီၤအခါ နမ့ၢ်အဲၣ်ဒိးပာ်ခူသူၣ်နသးသ့လီၤႉ တၢ်ဆိကမိၣ်ဘၣ်ထွဲဒီးပှၤထံၣ်နၤတသ့ဘၣ်အဖီခိၣ်‚ ပလ့ၣ်တိ ဟ့ၣ်ထီၣ် တၢ်သံကွၢ်ဖိတခါဒ်အံၤ လၢ ‘‘ပှၤကညီတဖၣ် မ့ၢ်တအဲၣ်ဒိး ဘၣ်ယိၣ်တၢ် လၢပှၤကဖီၣ်နှၢ်အီၤ ဒီးဘၣ်တၢ်စံၣ်ညီၣ် အဃိသတး ဒီးမ့ၢ်အ၀ဲသ့ၣ်တမၤတၢ်အၢဘၣ်နှၣ်အိၣ်၀ဲကကဲဧါ’’ န့ၣ်လီၤႉ
လၢလံာ်ယိၤဟၣ်အပူၤ ကစၢ်ခရၠာစးံာ်ကတိၤထီၣ်တၢ်ဂ့ၢ်အံၤ လၢကျဲအဂၤတဘိ နှၣ်လီၤႉ ဖဲနှၣ်ခရၠာစးံာ်စံး၀ဲ ပှၤလၢအအိၣ်လၢတၢ်ခံးကျါတဖၣ် ပာ်ခူသူၣ်တၢ်လၢ အ၀ဲသ့ၣ် မၤတဖၣ်လီၤ (ယိၤ ၃း၁၉-၂၀) ႉ အ၀ဲအဲၣ်ဒိးမၢပပာ်သူၣ်ပာ်သး ပတၢ်သူၣ်လီသးကွံ လၢတၢ်ခူသူၣ်အဖီခိၣ် တမ့ၢ်ဒ်သိးကစံၣ်ညီၣ်ပှၤဘၣ်‚ ဒ်သိးကအုၣ်က့ၤခီၣ်က့ၤပှၤလီၤ (း၁၇) ႉ ဒ်ခရၠာစးံာ်မ့ၢ်ပှၤကွၢ်သိ လၢပသးပူၤအသိး‚ အ၀ဲစိာ်ထီၣ် ဟီၣ်ခိၣ်နှဆၢၣ်အၢသီ ကတၢၢ် အိၣ်လၢပသးပူၤဆူတၢ်ကပီၤ‚ ဒ်သိးကဒုးထံၣ်ပှၤ ယွၤတၢ်အဲၣ်ပှၤ ဒိၣ်ထဲလဲၣ် ထဲလဲၣ်နှၣ်လီၤ (း၁၆) ႉ
လၢတၢ်အဲၣ်တၢ်သးကညီၤအပူၤ ယွၤကိးပှၤလၢတၢ်ခံးကျါ‚ ဒီးကွဲပှၤ လၢပကပိာ်အခံ လၢတၢ်ကပီၤနှၣ်လီၤႉ