စီၤကၤလ့း မ့ၢ်ပှၤတဂၤလၢအပိာ်ယွၤအခံလၢလၢပှဲၤပှဲၤလီၤႉ ပှၤတဆံခံဂၤ လၢအဘၣ် လဲၤကွၢ်ဟုၣ်ကီၢ်တၢ်စံးပာ်‚ ဒီးဟဲက့ၤတဲတၢ်အိၣ်သးတဖၣ်အကျါ‚ စီၤကၤလ့း ဒီးစီၤယိၤ။ ပၣ်၀ဲလီၤႉ စီၤကၤလ့းစံး၀ဲ‚ ‘‘မ်ပလဲၤထီၣ်တဘျီဃီ ဒီးမၤနှၢ်အီၤတက့ၢ်ႉ အဂ့ၢ်ဒ်အံၤ ပမၤနၢၤမၤဃၣ်အီၤသ့ ကစီဒီလီၤ’’ (၄မိၤ ၁၃း၃၀) ႉ ဘၣ်ဆၣ်ပှၤအဂၤ တဆံ စံး၀ဲလၢကမၤနၢၤ တၢ်အဂီၢ် တသ့ဘၣ်ႉ အ၀ဲသ့ၣ် သးပ့ၤနီၣ်ကွံာ် ကစၢ်ယွၤ အတၢ်အၢၣ်လီၤအီလီၤတဖၣ်‚ ဒီးထံၣ်ဒၣ်ထဲ တၢ်ကီတၢ်ခဲတဖၣ်လီၤ (း၃၁-၃၃) ႉ
ပှၤအဂၤတဆံအဃိ ပှၤဂီၢ်မုၢ်တဖၣ် ပျံၤတၢ်‚ ဒီးကဒူးကဒ့ၣ်တၢ်လၢယွၤအလိၤလီၤႉ လၢတၢ်နှၣ်အဃိ အ၀ဲသ့ၣ်ဘၣ်ဟး၀့ၤ၀ီၤတၢ် လၢပှၢ်မုၢ်ကနၢအနံၣ်လွံၢ်ဆံနှၣ် လီၤႉ ဘၣ်ဆၣ် စီၤကၤလ့း တသုးက့ၤဆူအလီၢ်ခံဘၣ်ႉ ယွၤစံး‚ ‘‘မ့မ့ၢ်ယခ့ယပှၤစီၤကၤလ့းတဂၤနှၣ် မ့ၢ်အအိၣ်ဒီး အသးတမံၤဒၣ်‚ ဒီးပိာ်ယခံလၢလၢပှဲၤပှဲၤသတးဒီး‚ ယကဒုး လဲၤနုာ်အီၤ ဆူကီၢ်ဖဲအလဲၤတၢ်‚ ဒီးအချံအသၣ် ကနှၢ်ဘၣ် သါအီၤလီၤ’’ (၁၄း၂၄) ႉ မ့ၢ်လၢ ‘‘ပိာ်ယွၤအံၣ်စရၠာစး့လးအကစၢ် အကျဲ လၢလၢပှဲၤပှဲၤ’’ သတးဒီး‚ ၄၅ နံၣ်၀ံၤအလီၢ်ခံ‚ ဖဲစီၤကၤလ့းအသးအိၣ် ၈၅ နံၣ်‚ ကစၢ်ယွၤမၤလၢပှဲၤ အတၢ်အၢၣ်လီၤ‚ ဒီးအ၀ဲနှၢ်ဘၣ်ဃ့့ဘိၣ်နှၣ်လီၤ (ယိၤ။ ၁၄း၁၄) ႉ
နံၣ်အကယၤတဖၣ်အကယၤအလီၢ်ခံ‚ ပှၤသ့လံာ်တၢ်သိၣ်တၢ်သီတဂၤ သံကွၢ် ကစၢ်ယ့ၣ်။း‚ ‘‘တၢ်မၤလိာ်ဖးဒိၣ် လၢတၢ်သိၣ်တၢ်သီအကျါ‚ မ့ၢ်ဖဲလဲၣ်တထံၣ်လဲၣ်ႉ’’
ဒီးယ့ၣ်။းစံးဘၣ်အီၤ‚ ‘‘အဲၣ်ယွၤနကစၢ်လၢနသူၣ်ကံၢ်သးလဲ‚ ဒီးနသးဒီဖျၢၣ်ညါ‚ ဒီးနတၢ်ကူၣ်တၢ်ဖးတုၤအလၢာ်တက့ၢ်ႉ အအံၤမ့ၢ် တၢ်မၤလိာ်အခီၣ်ထံး‚ ဒီးအဖးဒိၣ် တထံၣ်လီၤ’’ (မး ၂၂း၃၅-၃၈) ႉ
စီၤကၤလ့းအတၢ်နာ် လၢအအိၣ်လၢယွၤအပူၤ တုၤခဲအံၤ ထိၣ်ဟူးထိၣ်ဂဲၤ ပသးလီၤႉ ယွၤကၢကီၣ်ဒီး ပတၢ်အဲၣ်အီၤ‚ ပတၢ်သနှၤသးလၢအီၤ‚ ဒီးပတၢ်ဟ့ၣ်လီၤ အးလီၤသးလၢအီၤ လၢလၢပှဲၤပှဲၤနှၣ်လီၤႉ