ဖဲ ၂၀၀၂ ယဖိမုၣ် မဲလံစၣ် လဲၤသဒၣ်ကွံာ်ပှၤ‚ ခီဖျိ သိလ့ၣ်အတၢ်ဘၣ်ဒိဘၣ်ထံး အဃိနှၣ်လီၤႉ ဖဲအ၀ဲစူးကွံာ်အသးအခါ အသးအိၣ်ဒံးဒၣ် ၁၇ နံၣ်နှၣ်လီၤႉ ဘၣ်ဆၣ် တုၤခဲအံၤတၢ်ဆိကမိၣ် ‘‘ဘၣ်သ့ၣ်သ့ၣ်’’ ဟဲအိၣ်ထီၣ်လၢယသးပူၤ တဘျီတခီၣ် လီၤႉ သးဘၣ်ဒိယဲဘၣ်ဆၣ်‚ တၢ်အံၤညီလၢ ယကက့ၤထံၣ်မှံထီၣ် လါယူၤအဟါ ဖဲတၢ်ကဲထီၣ်အသး‚ ဒီးဆိကမိၣ်ထီၣ် မ့ၢ်ဆီတလဲက့ၤ တၢ်အိၣ်သးတဖၣ်‚ ယဖိမုၣ်ဖိ ကဟဲတုၤဟံၣ် ဂ့ၤဂ့ၤ ဘၣ်ဘၣ်နှၣ်လီၤႉ
လၢပ၀ဲကိးဂၤအဂီၢ်‚ တၢ်ဆိကမိၣ် ‘‘ဘၣ်သ့ၣ် သ့ၣ်’’ အံၤ တမ့ၢ်တၢ်လၢအ့ကၢးအိၣ်ဘၣ်ႉ တၢ်အံၤ အိၣ်ပှဲၤ၀ဲဒီး တၢ်ပီၢ်ယၢ်လီၤသး‚ တၢ်ဆိကမိၣ် လၢခံတခါ‚ ဒီးတၢ်မုၢ်လၢ်တအိၣ်ဘၣ်တဖၣ်လီၤႉ တၢ်သးဘၣ်ဒိကအိၣ်၀ဲ ဘၣ်ဆၣ်‚ ပမ့ၢ်ပာ်လီၤ ပတၢ် ဆိကမိၣ်ဖဲ ‘‘လၢတၢ်လီၢ်ဖဲနှၣ်’’ ပတၢ်အိၣ်မူကဂ့ၤထီၣ်‚ ဒီးယွၤအလၤကပီၤ ကအိၣ်ဖျါထီၣ်နှၣ်လီၤႉ
လၢတၢ်လီၢ်ဖဲနှၣ်‚ ပကထံၣ်နှၢ် တၢ်မုၢ်လၢ်‚ တၢ်ဟ့ၣ်ဂံၢ်ဟ့ၣ်ဘါ‚ ဒီးတၢ်မၤမုာ်ထီၣ်ပသးတဖၣ်လီၤႉ ဖဲနှၣ် ပကဒိးနှၢ် တၢ်မုၢ်လၢ် လၢ အလီၤတံၢ်နှၣ်လီၤ (၁ သ့း ၄း၁၃) ႉ မ့ၢ်လၢ မဲလ့စၣ် အဲၣ်ယ့ၣ်။း အဃိဒီး‚ ပပာ်ပသးခူတလ့ၣ်သ့ လၢအ၀ဲကက့ၤအိၣ်ဘၣ်ဒီးအီၤ လၢတၢ်လီၢ် လၢ ‘‘အဂ့ၤဒၣ်တၢ်ဒိၣ်ဒိၣ်ကလဲာ်’’ (ဖံလံး ၁း၂၃) နှၣ်လီၤႉ ပကဒိးနှၢ် တၢ်မုာ်ခဲလၢာ်အကစၢ် (၂ ကရၠာစးံၣ် ၁း၃) အတၢ်အိၣ်ဒီးပှၤနှၣ်လီၤႉ ဖဲတၢ်မၤကိၢ်မၤဂီၤ အဆၢကတီၢ် ယွၤအတၢ်မၤစၢၤလီၤဆီ (စံး ၄၆း၁) ကဟဲတုၤအိၣ်ပှၤလီၤႉ တလီၢ် လီၢ်‚ တၢ်ဆီၣ်ထွဲ ဟ့ၣ်ဂံၢ်ဟ့ၣ်ဘါ လၢပဒီပုၢ်၀ဲၢ် ပှၤစူၢ်က့ၤနာ်က့ၤတၢ်ဖိတဖၣ် အအိၣ်စ့ၢ်ကီး ပကမၤနှၢ်၀ဲဒၣ်နှၣ်လီၤႉ
ပတအဲၣ်ဒိးကွၢ်ဆၢၣ်မဲာ် တၢ်သူၣ်လီၤဘှံးသးလီၤတီၤ ဒ်အံၤလၢပတၢ်အိၣ်မူ အပူၤ နီတဂၤဘၣ်ႉ ဘၣ်ဆၣ်ဖဲပဘၣ်ကွၢ်ဆၢၣ်မဲာ် တၢ်နးတၢ်ဖှီၣ်အခါနှၣ်‚ တၢ်မၤစၢၤအဒိၣ်ကတၢၢ် ကဟဲတုၤအိၣ်ပှၤခီဖျိ ပနာ်ယွၤ‚ ပတၢ်မုၢ်လၢ်အဂၢၢ် အကျၢၤ‚ လၢအအိၣ်ဖဲတၢ်လီၢ်ဖဲနှၣ် နှၣ်လီၤႉ