သ့ၣ်ဒ်အံၤ ပှၤသူၣ်လီသးကွံအီၤလီၤႉ မ့ၢ်လၢအသူၣ်လီၤအသးလၢထံကျိနံၤအဃိ မူခိၣ် ကလံၤ တၢ်အိၣ်သး‚ တၢ်ကိၢ်ဃ့ထီ‚ ခါဆူညါတၢ်ကမၤသးဒီးအီၤ ဒ်လဲၣ်တဖၣ်နှၣ် တလိၣ်ဘၣ်ယိၣ်ဘၣ်ဘီ၀ဲဘၣ်ႉ မ့ၢ်လၢအသူၣ်ထီၣ်အသး လၢထံကျိနံၤအဃိ အိၣ်ဘၣ်၀ဲ ပှဲၤဂံၢ်ပှဲၤဘါ‚ ဒီးခုၣ်ခုၣ်မုာ်မုာ်နှၣ်လီၤႉ အဒ့တဖၣ် ဒိၣ်ထီၣ်ထီထီၣ်၀ဲ ဆူမူခိၣ်‚ အဂံၢ် တဖၣ် သူၣ်လီၤအသး လၢဟီၣ်ခိၣ်ပူၤ ဂၢၢ်ဂၢၢ်ကျၢၤကျၢၤ‚ မၤကဆှီထီၣ် ကလံၤလၢအလၣ်တဖၣ်‚ ဒီးဟ့ၣ်တၢ်ကဒုဆူ ပှၤလၢအလိၣ်ဘၣ်တဖၣ်အဂီၢ်လီၤႉ
လၢအဂၤတခီ‚ ၀ံယံးရၠာစးမံယၤပာ်ဖျါထီၣ်၀ဲ ပထိးသ့ၣ် ဧၢ်ရၠာစးၢ်လီၤ (ယံး ၁၇း၆) ႉ ဖဲတၢ်တစူၤလၢၤဘၣ် အဆၢကတီၢ်‚ ဒီးဖဲတၢ်ကိၢ်ဟဲဘၣ်အီၤနှၣ် တၢ်ပျံၤတၢ်ဖုး လုၣ်ဘၢကွံာ်အီၤ‚ တဟ့ၣ်တၢ်ကဒု‚ ဒီးတသၣ်ထီၣ်လၢၤဘၣ်ႉ
ဘၣ်မနုၤအဃိ ၀ံယံးရၠာစးမံယၤ ထိၣ်သ့တီၤ သ့ၣ်လၢအဒိၣ်ထီၣ် သၣ်ထီၣ်တမုၢ်‚ ဒီးသ့ၣ်ပဒၢ လၢအလီၤညွံးကွံာ်တမုၢ်လဲၣ်ႉ ဖဲယွၤအုၣ်က့ၤခီၣ်က့ၤအ၀ဲသ့ၣ် လၢတၢ်မၢ ကဲကုၢ်၀ံၤ အလီၢ်ခံနှၣ် အပှၤကလုာ်တဖၣ် မၤအသးဒ်လဲၣ်နှၣ် အ၀ဲအဲၣ်ဒိး မၤသ့ၣ်နီၣ် ထီၣ်၀ဲ အဃိလီၤႉ အနံၣ် (၄၀) လၢပှၤမုၢ်ကနၢအပူၤ အ၀ဲသ့ၣ် အတၢ်အိၣ်မူ မၤအသးဒ် သ့ၣ်သူၣ်လီၤအသး လၢထံကျိနံၤလီၤ (၂း၄-၆) ႉ ဘၣ်ဆၣ်‚ ဖဲအ၀ဲသ့ၣ် အီၣ်ကုးအီပှဲၤ ဘၣ်ဖဲကီၢ်တၢ်စံးပာ်အပူၤနှၣ် အ၀ဲသ့ၣ် သးပ့ၤနီၣ်ကွံာ် အနီၢ်ကစၢ် တၢ်လဲၤခီဖျိတဖၣ် နှၣ်လီၤႉ အ၀ဲသ့ၣ်သနှၤလီၤအသး လၢအနီၢ်ကစၢ်ဒၣ်၀ဲ‚ ဒီးသနှၤသး လၢယွၤတဖၣ် လၢအနီၢ်ကစၢ် တ့၀ဲနှၣ်လီၤ (း၇-၈) ႉ တုၤဒၣ်လဲာ် ကက့ၤကဒါက့ၤ ဆူကီၢ်အဲၤကူပတူး ဒီးဃုတၢ်မၤစၢၤနှၣ်လီၤ (၄၂း၁၄) ႉ
အဃိသတးဒီး‚ လၢတၢ်အဲၣ်အပူၤ ယွၤမၢလီၤ ၀ံယံးရၠာစးမံယၤ လၢအကဒုး သ့ၣ်နီၣ်ထီၣ် ပှၤအံၣ်စရၠာစး့လးဖိ‚ ဒီးပ၀ဲနၤဒီးယၤတဖၣ် လၢကမုၢ်လၢ် တၢ်လၢယွၤ‚ ဒီးနာ်အီၤ‚ ဒ်သိးသ့ၣ်တထူၣ်အသိး တမ့ၢ်ဒ်သိးသ့ၣ်ပဒၢတမုၢ်အသိးဘၣ်ႉ