ဖဲပှၤနီၣ်သိလ့ၣ်စိာ်တၢ်ဖိတၢ်လံၤတဂၤ ထံၣ်၀ဲ ပိာ်မုၣ်လၢ အ၀ံတၢ်ဃၢတဖၣ်ဒီး‚ အ၀ဲ ပာ်ကတီၢ် အသိလ့ၣ်ဒီး မၢအပာ်ထီၣ်အတၢ်၀ံတၢ်ဃၢတဖၣ် လၢအသိလ့ၣ်အလိၤ လီၤႉ ပိာ်မုၣ်အံၤ ပာ်ဖျါအတၢ်စံးဘျုးစံးဖှိၣ်ဒီး ထီၣ်၀ဲဒၣ်ဆူသိလ့ၣ်အလီၢ်ခံန့ၣ်လီၤႉ
အိၣ်တစိၤဖိဒီး ပှၤနီၣ်သိလ့ၣ်တဂၤအံၤ ပာ်သူၣ်ပာ်သး၀ဲ တၢ်လီၤဆီတမံၤလၢ ပိာ်မုၣ်အံၤ ဆ့ၣ်နီၤ၀ဲလၢ သိလ့ၣ် အဖီခိၣ်ဘၣ်ဆၣ် ဖိးဟုဃာ်ဒံး အတၢ်ဘိၣ်တၢ်စှၢၤလၢ အဃၢန့ၣ်လီၤႉ လၢတၢ် ကမၢကမၣ်အပူၤ အ၀ဲတဲထီၣ်၀ဲ‚ ‘‘၀ဲၢ်မုၢ်ဧၢ‚ ၀ံသးစူၤ ပာ်လီၤနတၢ်ဘိၣ်တဖၣ်ဒီး အိၣ်ဘှံးအိၣ်သါမီၣ်‚ ယသိလ့ၣ် စိာ်နၤ ဒီးနတၢ်ဖိတၢ်လံၤသ့၀ဲလီၤ အိၣ်ဘှံးတက့ၢ်’’ န့ၣ်လီၤႉ
ဒ်ပအိၣ်ဒီး သးသမူအတၢ်တၤပှၤအါမံၤ လၢပဘၣ် ၀ံအီၤယိးအီၤ တဘျီဘၣ်တဘျီအသိး‚ ဖဲပဘၣ်၀ံထီၣ်တၢ်ဘၣ်ယိၣ်ဘၣ်ဘီ‚ တၢ်သူၣ်ကိၢ်သးဂီၤ‚ ဒီး တၢ်သူၣ်တတုၤလီၤသးတတုၤလီၤအခါ ပကမၤဒ်လဲၣ်ႉ လၢတၢ် ဟ့ၣ်လီၤသးလၢာ်လၢာ်ဆ့ဆ့ လၢကစၢ်အလီၢ်န့ၣ် တဘျီတခီၣ် ပမၤပသး ဒ်ပိာ်မုၣ်အံၤအသိးန့ၣ်လီၤႉ ယ့ၣ်။းစံး၀ဲ‚ ‘‘ပှၤလၢတၢ်ဘှံးအသး‚ ဒီး၀ံတၢ်ယိးတၢ်ဃၢခဲလၢာ်သ့ၣ်ဧၢ‚ ဟဲဆူယအိၣ်တက့ၢ်ႉ ဒီးယကဒုးအိၣ်ဘှံးသုလီၤ’’ (မး ၁၁း၂၈) ႉ ခဲအံၤ ယထံၣ်လီၤက့ၤ ယသးလၢ ယအိၣ်ဒီး တၢ်၀ံတၢ်ယိးလၢ ယ့ကၢးပာ်လီၤဆူ ယ့ၣ်။းအအိၣ်န့ၣ်လီၤႉ
ပပာ်လီၤ ပတၢ်၀ံတၢ်ယိးအဃၢတဖၣ် ဖဲပဟဲစိာ်အီၤဆူ ကစၢ်အအိၣ်ဒီး ဃ့ထုကဖၣ်အခါန့ၣ်လီၤႉ တၢ်မၢဖိစီၤပ့းတ့ှူးစံး၀ဲ‚ ‘‘ကယဲၢ်သုတၢ်ဘၣ်ယိၣ်ဘၣ်ဘီန့ၣ်‚ ပာ်ထီၣ်လၢ အ၀ဲဒၣ်အလိၤ ခဲလၢာ်တက့ၢ်ႉ အဂ့ၢ်ဒ်အံၤ‚ အသးအိၣ်သုလီၤႉ’’ (၁ ပ့း ၅း၇) ႉ မ့ၢ်လၢ အ၀ဲဒၣ် အသးအိၣ်ပှၤအဃိ ပဒိးန့ၢ်တၢ်အိၣ်ဘှံးအိၣ်သါသ့၀ဲဒီး အိၣ်မုာ်အိၣ်ခုၣ်၀ဲ ဒ်ပမၤလိဘၣ်လၢ ပကနာ်အီၤန့ၣ်အသိးလီၤႉ လၢပ၀ံထီၣ်ယိးထီၣ် ပတၢ်၀ံတၢ်ယိးလၢ အမၤဘှံးပှၤအလီၢ်န့ၣ်‚ ပဟ့ၣ်လီၤပာ်လီၤဆူ ကစၢ်အအိၣ်သ့၀ဲဒီး ပျဲအ၀ဲ၀ံစၢၤယိးစၢၤပှၤ သ့၀ဲန့ၣ်လီၤႉ ူၠတမနညခန ီၠမာၠညင