ခရၠာစးံာ်ဖိ တၢ်ထုးထီၣ်စဲကျံးလံာ် အတၢ်အိၣ်ဖှိၣ်ဖးဒိၣ်လၢခံကတၢၢ် အမုၢ်နံၤ ဖဲစ့ကဖီန့ၣ်‚ ပှၤဟဲထီၣ်တၢ်ဖိ အဂၤ ၂၈၀ လၢ ထံကီၢ်အဘ့ၣ် ၅၀ တဖၣ် ပာ်ဖှိၣ်အသးလၢကဒိက့ှူၢ်တၢ်ဂီၤအဂီၢ် ဖဲဟံၣ်ဒွဲအချၢ တၢ်လီၢ်ပျီအပူၤန့ၣ်လီၤႉ ပှၤဒိတၢ်ဂီၤဖိန့ၣ် အိၣ်ဒိလီၤ၀ဲလၢ ဘျီၣ်ဖိဖဲခံကထၢ‚ ဒိ၀ဲတၢ်ဂီၤအါဘ့ၣ်လၢ ကိးကပၤဒဲးန့ၣ်လီၤႉ လၢခံ ကတၢၢ် တုၤအစံး၀ဲ ‘၀ံလံၤ’ အခါန့ၣ်‚ ပှၤအကလုၢ်တဖျၢၣ်သီၣ်ထီၣ်၀ဲဒၣ်လၢ ပှၤတဖၣ်န့ၣ်အကျါ ‘ဂ့ၤလံႉ သးခုသကိး’ တကီၢ်ခါ ပှၤအဂၤတဂၤ စံးဆၢက့ၤလၢ တၢ်သး၀ံၣ် ‘‘ယ့ၣ်။းပၢတၢ်’’‚ ဒီးပှၤအဂၤတဖၣ် နုာ်လီၤသး၀ံၣ်သကိး ၀ဲလီၤႉ တယံာ်ဘၣ်‚ ပှၤဒီတက့ှူၢ် သး၀ံၣ်ထီၣ် ထါညီနုၢ် တယုၢ်အံၤလၢ အကလုၢ်ဃူဃူမုာ်မုာ်အပူၤန့ၣ်လီၤႉ တၢ်အံၤမ့ၢ်တၢ်ဒုးနဲၣ် တၢ်ဃူတၢ်ဖိးဒီး တၢ်သးခုလၢ အထိးဘၣ် ယသး လၢယတသးပ့ၤနီၣ် နီတဘျီလၢၤဘၣ်န့ၣ်လီၤႉ
ခရၠာစးံာ်အိၣ်ဖျဲၣ်အပူလၢ အဖျါဖဲလံာ်လူၤကၣ်အပူၤ‚ မူခိၣ်ကလူးတဂၤဘိးဘၣ်သ့ၣ်ညါ ကစၢ်ယ့ၣ်။းအတၢ်အိၣ်ဖျဲၣ်ထီၣ်အဂ့ၢ် ဆူပှၤကွၢ်သိ တဖုဒီးစံး‚ ‘‘ပျံၤတၢ်တဂ့ၤႉ အဂ့ၢ်ဒ်အံၤ‚ ကွၢ်ကွၢ် ယစံးဘၣ်သုလၢ တၢ်သးခုဖးဒိၣ် အကစီၣ်‚ လၢအကကဲထီၣ်လၢ ပှၤဂီၢ်မုၢ်ခဲလၢာ်အဂီၢ်လီၤႉ အဂ့ၢ်ဒ်အံၤ‚ အအံၤတနံၤ အံၤ‚ ပှၤလၢအအုၣ်က့ၤခီၣ်က့ၤတၢ်တဂၤန့ၣ်‚ အိၣ်ဖျဲၣ်၀ဲလၢသုဂီၢ် လၢစီၤဒၤ၀ံးအ၀့ၢ်ပူၤ လံႉ အ၀ဲဒၣ် မ့ၢ်ခရၠာစးံာ်ကစၢ်န့ၣ်လီၤ’’ (လူၤ ၂း၁၀-၁၁) ႉ
တၢ်သးခုအံၤန့ၣ် တမ့ၢ်ပှၤစှၤဂၤတဖုအဂီၢ်ဘၣ်ႉ မ့မ့ၢ်ပှၤခဲလၢာ်အဂီၢ်လီၤႉ ‘‘အဂ့ၢ်ဒ်အံၤ‚ ယွၤအဲၣ်ဟီၣ်ခိၣ်ဖိ တုၤအဟ့ၣ်လီၤကွံာ် အဖိခွါအိၣ်တဂၤဃီ’’ (ယိၤဟၣ် ၃း၁၆) ႉ
ဖဲပနီၤဟ့ၣ်ပှၤဂၤလၢ ကစၢ်ယ့ၣ်။းအတၢ်ကစီၣ်လၢ အလဲလိာ်ပှၤ အတၢ်အိၣ်မူသ့ဒီး တၢ်အဲၣ်အတၢ်လီၤလး’’ န့ၣ် မ့ၢ်ပမၤသကိးတၢ်ဒီးသး၀ံၣ်စံးပ့တၢၤတၢ်လၢ ဟီၣ်ခိၣ်ဒီဘ့ၣ်အတၢ်သး၀ံၣ်ရၠာစးိန့ၣ်လီၤႉ
‘‘သးခုသကိး‚ ယ့ၣ်။းဟဲ၀ဲ’’ႉ ီၠလငိ ့ခခၠျူၠညိ