ဖဲတၢ်ဒုးကဲထီၣ်ဖဲ ၁၉၅၀ အနံၣ်န့ၣ်‚ ပှၤတဆံယဲၢ်နံၣ်ဖိ က့ၣ်မ်ခၠ့ၣ်ခၣ် နုာ်လီၤဆူ ကိရၠာစးံယၤကလံၤထံး အသုးမုၢ်ပူၤ ဒ်သိးကဒီဒၣ် အထံအကီၢ်အဂီၢ်လီၤႉ ဘၣ်ဆၣ် တယံာ်ဘၣ်န့ၣ် အ၀ဲထံၣ်လီၤက့ၤသးလၢ အ၀ဲတူၢ်၀ဲတၢ်ဒုးတၢ်ယၤ အတၢ်ပျံၤ မၤဖုးတဖၣ်တပှဲၤဘၣ်န့ၣ်လီၤႉ ဖဲအတံၤသကိး ပှၤသးစၢ်တဂၤသံ ဖဲအကပၤန့ၣ် အ၀ဲဃ့ကညး ကစၢ်ယွၤကပာ်မူအီၤ‚ ဒီးအၢၣ်လီၤစ့ၢ်ကီး အသးလၢ ယွၤမ့ၢ်ပာ်မူအီၤန့ၣ် အ၀ဲကမၤလိသး ဒ်သိး ကအဲၣ်အဒုၣ်အဒါန့ၣ်လီၤႉ
ဖဲတၢ်ဆၢကတီၢ် ဃုဆံယဲၢ်နံၣ်ပူၤကွံာ်အလီၢ်ခံ‚ ဒီးကထၢၣ် က့ၣ်မ် အိၣ်မူဖျါထီၣ် ဒ်အတၢ်ထုကဖၣ် ဘၣ်တၢ်စံးဆၢအီၤအသိးလီၤႉ လၢအတၢ်အံးထွဲ ကဟုကယာ် ပှၤဖိၣ်ဃဲဖိတဖၣ်‚ ဒီးတၢ်မၤစၢၤ ပှၤကိရၠာစးံယၤ ကလံၤစိးဒီး တ့ှူးသးစၢ်ဖိတဖၣ် အတၢ်ကူၣ်ဘၣ်ကူၣ်သ့အဂ့ၢ်လၢအါနံၣ်အါလါ အပူၤ‚ အ၀ဲမၤန့ၢ်က့ၤ တံၤသကိးအါမး လၢတဘျီမ့ၢ် အ၀ဲအဒုၣ်အဒါတဖၣ် န့ၣ်လီၤႉ မုၢ်တနံၤအံၤ အ၀ဲတပာ်ဖျါအမံၤဂ့ၤသၣ်ဘၣ်လၢ တၢ်စိတၢ်ကမီၤ အဘၢၣ် က၀ီၤပူၤဘၣ်ႉ မ့မ့ၢ်အ၀ဲကိးလီၤက့ၤအသးလၢ ‘‘ပှၤအဲၣ်တၢ်’’‚ ဒ်တၢ်ပာ်ဖျါ အတၢ်နာ်လၢယ့ၣ်။းအပူၤ အပနီၣ်တမံၤအသိးလီၤႉ
၀ံယိၤနါပာ်တ့ၢ် တၢ်န့ၢ်သါလၢ အတလီၤဂာ်ဒီး တၢ်အံၤလီၤႉ အ၀ဲန့ၢ်ဘၣ် တၢ်အုၣ်က့ၤခီၣ်က့ၤအီၤလီၤႉ သူၣ်ကလုာ်သးကလုာ်လၢ ညၣ်ဖးဒိၣ်အဟၢဖၢပူၤ ဘၣ်ဆၣ်‚ အ၀ဲအသးန့ၣ် တဆီတလဲသးဘၣ်ႉ လၢခံကတၢၢ် အ၀ဲအၢၣ်လီၤက့ၤ ယွၤအတၢ်ဘၣ်သး‚ ဘၣ်ဆၣ်စီၤယိၤနါစံး၀ဲလၢ ယသံဂ့ၤန့ၢ် ယထံၣ်ဘၣ် ကစၢ်ယွၤဒုးနဲၣ် အတၢ်သးကညီၤလၢ အဒုၣ်အဒါဖီခိၣ်တက့ၢ်လီၤ (ယိၤနါ ၄း၁-၂‚၈) ႉ
မ့ၢ်စီၤယိၤနါမၤလိန့ၢ် တၢ်လၢကသးအိၣ် ပှၤနံၤန၀့ဖိတဖၣ်ဧါန့ၣ်‚ အိၣ်ဒၣ် ပကဘၣ်တယာ်ကွၢ်န့ၣ်လီၤႉ ပအိၣ်တ့ၢ်ဒၣ်ပ၀ဲလၢ တၢ်ကဃုသ့ၣ်ညါလီၤက့ၤ ပသးတခီလီၤႉ ဒ်စီၤယိၤနါ အတၢ်ပာ်သးအသိး မ့ၢ်ပကပာ်သးလၢ ပှၤလၢပပျံၤဒီး ပသးဟ့အီၤတဖၣ်အလိၤဒ်လဲၣ်ႉ မ့တမ့ၢ်‚ မ့ၢ်ပကဃ့ကညး ကစၢ်ယွၤ လၢကဟ့ၣ် လီၤပှၤ တၢ်သ့အဲၣ်ပဒုၣ်ပဒါတဖၣ် ဒ်အ၀ဲသးကညီၤပှၤအသိးန့ၣ်ဧါႉ ့ၠမအ ီန့ၠၠည