ကွဲၤဒီနၢ် သီၣ်ထီၣ် လၢမုၢ်နၤယိာ်ဆူ ယ၀ၤတၢ်အိၣ်ဖှိၣ်သရၠာစးၣ်အအိၣ်လီၤႉ မ့ၢ်ပိာ်မုၣ်
သးပှၢ်အသးအိၣ်နွံဆံ‚ အိၣ်ထဲတဂၤဧိၤဒိီး ဘၣ်တၢ်ဆှၢအီၤဆူ တၢ်ဆါဟံၣ် အကစီၣ်လီၤႉ ပိာ်မုၣ်သးပှၢ်အံၤ မ့ၢ်ပှၤဘါထုကဖၣ် တၢ်ဆူၣ်ဆူၣ်အကျါတဂၤလၢ ပတၢ်အိၣ်ဖှိၣ်အပူၤလီၤႉ အ၀ဲဆိးက့နးမးတုၤ အအီၣ် တၢ်အီထံတနုာ်လၢၤဘၣ်ဒၣ် လဲာ်လီၤႉ အ၀ဲတထံၣ်တၢ်ဒီး ဟးတသ့စ့ၢ်ကီးဘၣ်ႉ မ့ၢ်ကသံဧါ ကမူဧါ ပသ့ၣ်ညါတသ့အဃိ ပဘါထုကဖၣ်
လၢကစၢ်ယွၤ ကသးကညီၤအီၤ‚ မၤစၢၤအီၤလၢ အတၢ်အိၣ်မူ အဂ့ၢ်အကျိၤတဖၣ်အဂီၢ်လီၤႉ တၢ်အိၣ်ဖှိၣ်
ဂဲၤလိာ်မၤတၢ်သပှၢ်ပှၢ်ဒီနံၤဒီနၤ လၢအဂီၢ်ဃုာ်ဒီး တမှံၤ တပျီၤလၢ အဟဲအိၣ်သကိးအီၤ မၤစၢၤမၤဘျုးအီၤ‚ ဒီးကသံၣ်သရၠာစးၣ်‚ သရၠာစးၣ်မုၣ်တဖၣ်လၢ အအံးအီၤကွၢ်အီၤ တဖၣ်စ့ၢ်ကီးလီၤႉ
လံာ်ယၤကိာ်မ့ၢ် တၢ်ကွဲးဆူ ပှၤယူဒၤဖိတဖၣ်လၢ အကဲထီၣ်သီခရၠာစးံာ်ဖိ‚ ပှၤအဆိတဖၣ်ဒီး ဟ့ၣ်ဂံၢ်ဟ့ၣ်ဘါ အ၀ဲသ့ၣ်လၢ ကအံးကွၢ် ပှၤဖှီၣ်ဖိ ပှၤအဆံးတဖၣ် အဂီၢ်န့ၣ်လီၤႉ စီၤယၤကိာ် အဲၣ်ဒီး ပှၤစူၢ်က့ၤနာ်က့ၤတၢ်တဖၣ်လၢ ကမၤအါန့ၢ်ဒံး တၢ်ကနၢ်ကစၢ်ယွၤအကလုၢ်ကထါ‚ ဒီးမၤအါထီၣ် တၢ်စူၢ်တၢ်နာ်အတၢ်မၤ (ယၤကိာ် ၁း၂၂-၂၅) အဂီၢ်လီၤႉ ဒီးပာ်ဖျါထီၣ်၀ဲ ပှၤဂံၢ်စၢ်ဘါစၢ်တဖုလၢ အမ့ၢ် ပှၤဖိၣ်ဃဲ ဒီးမုၣ်ကမဲ (း၂၇) လၢတၢ်အံးကွၢ်ကဟုကယာ် မၤစၢၤက့ၤအဂီၢ်လီၤႉ တၢ်အံၤ မ့ၢ်စိၤလၢညါအပူၤ‚ ဒူၣ်ဖိထၢဖိတဖၣ် အမူအဒါအိၣ်လၢ တၢ်အံးကွၢ် ကဟုကယာ်က့ၤအ၀ဲသ့ၣ် အလီၢ်အိၣ်၀ဲအဃိန့ၣ်လီၤႉ
မ့ၢ်ပကမၤစၢၤ ပှၤဘၣ်ကီဘၣ်ခဲလၢ ပတၢ်အိၣ်ဖှိၣ်အပူၤဒီး ကမျၢၣ်ဒူၣ်ထၢ က၀ီၤအပူၤဒ်လဲၣ်ႉ မ့ၢ်ပထံၣ်တၢ်ကဟုကယာ်အံးကွၢ် ပှၤမုၣ်ကမဲ ဒီးဖိၣ်ဃဲတဖၣ် ဒ်တၢ်မူထွဲမၤထွဲ ပတၢ်စူၢ်တၢ်နာ်ဒီး မ့ၢ်တၢ်မၤအကါဒိၣ်စ့ၢ်ကီးဧါႉ မ်ကစၢ်ယွၤ အိးထီၣ် ပမဲာ်လၢ ပကထံၣ် တၢ်အခွဲးအယာ် ဒ်သိး ပကမၤစၢၤ ပှၤဖှီၣ်ဖိယာ်ဖိလၢ တၢ်လီၢ်ကိးပူၤဒဲးန့ၣ်ဧါႉ ဗာပ Bသကခ့နမ ာ်ပန