နကတိၤက့ၤတၢ်ဒီး နနီၢ်ကစၢ်ဒၣ်နဲတဘျီဘျီဧါႉ တဘျီဖဲ ယတိာ်မၤတၢ်တခါ‚ ညီနုၢ်ယအိၣ်လၢသိလ့ၣ်ပူၤ ဒီးယတၢ်ဆိကမိၣ် ဟဲထီၣ်လၢယထးခိၣ်ပူၤဒီး ယကတိၤတၢ်ထဲတဂၤဧိၤ‚ ‘‘ယကမၤဒ်အံၤ‚ ယကဘှီက့ၤဒ်အံၤ ယကမၤဂ့ၤထီၣ် ဒ်အံၤဒ်နုၢ်’’ န့ၣ်လီၤႉ ဒီးတၢ်လဲၤအသးဂ့ၤဂ့ၤဘၣ်ဘၣ်ကစီဒီလီၤႉ ပှၤတဂၤဂၤ မ့ၢ်နၢ်ဟူထွဲ ယကတိၤတၢ်ဒီး ယနီၢ်ကစၢ်ဒၣ်ယဲန့ၣ် ကလီၤမဲာ်ဆှးတစဲးလီၤႉ ဒ်လဲၣ်ဒ်လဲၣ်န့ၣ် ပ၀ဲအါဂၤ ပမၤဒ်သိးအံၤ ကိးမုၢ်နံၤဒဲးန့ၣ်လီၤႉ
ပှၤကွဲးထါစံးထီၣ်ပ့တၢၤတဖၣ်န့ၣ် ညီနုၢ်ကတိၤက့ၤ
တၢ်ဒီးအနီၢ်ကစၢ်ဒၣ်၀ဲ ဒ်အဖျါ လၢထါစံးထီၣ်ပ့တၢၤ အပူၤ အသိးန့ၣ်လီၤႉ ပှၤကဲွးထါ အယုၢ် ၁၁၆ မ့ၢ် တၢ်အဒိ
လီၤတံၢ်တခါလီၤႉ လၢအဆၢဖိနွံန့ၣ် စံး၀ဲ‚ ‘‘ယသးယဲဧၢ‚ က့ၤက့ၤဆူ နတၢ်အိၣ်ဘှံးတက့ၢ် အဂ့ၢ်ဒ်အံၤ ယွၤမၤဂ့ၤလံနၤလံႉ’’ ပှၤကွဲးထါ မၤသ့ၣ်နီၣ်ထီၣ်အသးလၢ ကစၢ်ယွၤ အတၢ်သူၣ်ကညီၤသးကညီၤဒီး အကလုၢ်တီ၀ဲ လၢခါပူၤကွံာ်န့ၣ်‚ မ့ၢ်တၢ်မၤမုာ်အသးဒီး‚ တၢ်မၤစၢၤလီၤဆီဒၣ်တၢ်လၢ ခါခဲအံၤ
အဂီၢ်လီၤႉ ပထံၣ်ဘၣ် တၢ်ကတိၤ ဒ်သိးအံၤတလီၢ်လီၢ်လၢ ထါစံးထီၣ်ပ့တၢၤ
အယုၢ်တဖၣ်အပူၤလီၤႉ လၢထါစံးထီၣ်ပ့တၢၤ ၁၀၃း၁ အပူၤန့ၣ်‚ စီၤဒၤ၀ံးတဲလီၤ အသး‚ ‘‘ယသးဧၢ‚ စံးထီၣ်ပ့တၢၤ ယွၤတက့ၢ်ႉ ဒီးကယဲၢ်တၢ်အိၣ်လၢယပူၤဧၢ‚ စံးထီၣ်ပ့တၢၤ အမံၤစီဆှံန့ၣ်တက့ၢ်ႉ’’ ဒီးလၢထါစံးထီၣ်ပ့တၢၤ ၆၂း၅ န့ၣ် အ၀ဲ
မၤဂၢၢ်မၤကျၢၤ၀ဲဒီးစံး‚ ‘‘ယသးဧၢ‚ အိၣ်ခိးနဲဒၣ်ထဲယွၤတဂၤဧိၤန့ၣ်တက့ၢ်ႉ အဂ့ၢ်ဒ်အံၤ ယမုၢ်လၢ်တၢ်လၢအီၤလီၤႉ’’
ဂ့ၤလၢပမၤသ့ၣ်နီၣ်ထီၣ်က့ၤပသးလၢ ကစၢ်ယွၤအကလုၢ်တီ၀ဲ ဒီး ပာ်ပတၢ်
မုၢ်လၢ်လၢ အပူၤန့ၣ်လီၤႉ ပမၤဒ်ပှၤကွဲးထါစံးထီၣ်ပ့တၢၤ အဒိအတဲာ်အသိး‚ ဟံးန့ၢ် တၢ်ဆၢကတီၢ်ဒီး ဂံၢ်ထီၣ်ကစၢ်ယွၤ အတၢ်မၤဂ့ၤပှၤ လၢကျဲအါဘိအဂ့ၢ် န့ၣ်လီၤႉ ပမၤဒ်န့ၣ်ဒီး ပဂံၢ်ပဘါကဆူၣ်ထီၣ်လီၤ ကစၢ်ယွၤတဂၤဃီလၢ အကလုၢ် တီဒီးပှၤလၢ ခါပူၤကွံာ်တဖၣ်အသိးန့ၣ် ကမၤအါထီၣ် အတၢ်အဲၣ်လၢပဖီခိၣ်လၢ ခါဆူညါကÎၢ်ကÎၢ်န့ၣ်လီၤႉ ဲၠာနျ Bၠညု