ဖဲယၤဒီး ယ၀ၤ ခါ (လ်) ဟးကသုၣ်ကသီလၢ၀့ၢ် အတလဲတ့း အကျဲဖးလဲၢ်တတီၤအခါၣ်လီၤႉ အကတီၢ်ဖိန့ၣ် မၤသးဒ် တၢ်သူၣ်ဖှံသးညီအကတီၢ်ဖိလၢ တၢ်ကီတၢ်ခဲအမုၢ်တနံၤအပူၤန့ၣ်လီၤႉ ပဟဲဆူ၀့ၢ်အံၤအပူၤလၢ တၢ်ဟဲအိၣ်သကိး ပပုၢ်ပိာ်မုၣ်အ၀ၤလၢ အဘၣ်ထီၣ်တၢ်ဆါဟံၣ် ဒ်သိး ပကမၤစၢၤပပုၢ်ပိာ်မုၣ်လၢ အဘၣ်ကွၢ်ဆၢၣ်မဲာ် တၢ်ကိၢ် တၢ်ဂီၤ ဒီးဘၣ်ထံၣ်လိာ် ကသံၣ်သရၠာစးၣ်ဒီး သုးကျဲၤတၢ် အဂီၢ်န့ၣ်လီၤႉ အဃိဒီး မ့ၢ်ဖဲပဟံးတၢ်အိၣ်ဘှံးအိၣ်သါ ဟးကသုၣ် လၢပီၣ်လဲၣ်နံၤကျဲဖးလဲၣ်အဖီခိၣ်ၣ်လီၤႉ
ထံစံၣ်ပိလိကဖီလီဖိတဖၣ် လၢအဒံခ@သဒံးဖိအံၤ ဟဲထိးဘၣ်ပှၤလၢ ပီၣ်လဲၣ် ကလံၤဖိနဲအအူထီၣ်၀ဲန့ၣ်လီၤႉ ဘၣ်ဆၣ်ဒီး တၢ်အံၤကဲထီၣ် တၢ်အကါဒိၣ်တမံၤ ဟဲတုၤအိၣ် ထိးဘၣ်ယသးန့ၣ်လီၤႉ ယအဲၣ်ထံစံၣ်ပိလိတဖၣ်ဒီး ပာ်ဃာ် ပလီဖိတဖျၢၣ်
လၢယတၢ်မၤလီၢ်၀ဲၤဒၢးအပူၤ‚ ဒ်သိးယကသူအီၤ ဖဲတၢ်အိၣ်ဘှံး ထိၣ်လီၤကဆှၣ် ယသးအခါ ယကကွၢ် ထံစံၣ်ပိလိဖိတဖၣ် ဒီးယကမၤဖှံထီၣ်ယသးၣ်လီၤႉ ထံစံၣ်ပိလိဖိတဖၣ်ဒီး အတလဲးတ့း ပီၣ်လဲၣ်ဖးဒိၣ် ဒုးသ့ၣ်နီၣ်ထီၣ်ယၤ လၢယသန့ၤယသးဒီးပာ်ဂံၢ်ပာ်ဘါယသးလၢယွၤသ့၀ဲန့ၣ်လီၤႉ ကစၢ်ယွၤန့ၣ် အိၣ်ဘူးဒီးပှၤ
ထီဘိန့ၣ်လီၤႉ အ၀ဲအစိကမီၤ ဒိၣ်နီၢ်မးဒီးအသးအိၣ်ပှၤန့ၣ်လီၤႉ အ၀ဲသူ တၢ်လဲၤခီဖျိ ဆံးကိာ်ဖိ လၢတၢ်ဆၢကတီၢ်ဖုၣ်ကိာ်အပူၤၣ်ၣ်လီၤႉ
ဘၣ်သ့ၣ်သ့ၣ်မုၢ်တနံၤန့ၣ် ပတၢ်ကိၢ်တၢ်ဂီၤတဖၣ် ကမၤသး ဒ်ထံစံၣ်ပိလိဖိ
တဖၣ် မၤအသးတစိၢ်တလီၢ်လၢ တၢ်အထူအယိာ်အတၢ်ကပီၤအပူၤန့ၣ်လီၤႉ အဂ့ၢ်ဒ်အံၤ တၢ်လၢအအိၣ်ဖျါန့ၣ် အိၣ်တစိၢ်ဖိဧိၤလီၤႉ မ့မ့ၢ်တၢ်လၢ တအိၣ်ဖျါဘၣ်န့ၣ် အိၣ်၀ဲလီၤထူလီၤယိာ်လီၤ (၂ ကရၠာစးံၣ် ၄း၁၈) ႉ ဗညညန ဃနအၠျ