ဖဲလၢယလံၤဖိတဖၣ် အနီၢ်ဆံးအခါ ယဖိခွါလဲၤကိးအ၀ဲသ့ၣ် ဒ်သိး ကကွၢ်ကီ ပှၤဒိ တၢ်ဂီၤမူ‚ ခ့ယုၢ်စီၤပၤ ( T့န ူငသည ုငညါ) န့ၣ်လီၤႉ ခ့ယုၢ်ဖိ စ့ဘၣ် (ှငာဘၠ) ‚ ဖဲအပၢ်‚
စီၤပၤ မူၣ်ဖၣ်စၣ် (ုငညါ ့က်ၠျၠ) ဘၣ်တၢ်မၤသံအီၤလၢ အဖါတံၢ် ှခၠမ အခါ‚ အ၀ဲဆၢထၢၣ်လၢ အပၢ်အကပၤ‚ ထဲတဂၤလၢ တၢ်ပျံၤတၢ်ဖုးအပူၤ‚ ဟီၣ်ကိးပသူထီၣ်၀ဲ‚ ‘မၤစၢၤပှၤတဘီ’ န့ၣ်လီၤႉ ဖဲန့ၣ်အခါ
ယလံၤမုၣ်ဖိ အိၣ်သၢနံၣ်တဂၤ ဆၢထၢၣ်၀ဲလၢ အလီၢ်ဒီး ကိးပသူထီၣ်၀ဲ ‘ဘၣ်မနုၤအဃိ ပှၤတမၤစၢၤအီၤ နီတဂၤလဲၣ်’ န့ၣ်လီၤႉ
ဘၣ်ထွဲဒီး ယွၤအပှၤဂီၢ်မုၢ်တဖၣ်လၢ အကိးပသူ ထီၣ် တၢ်မၤစၢၤအဂ့ၢ်န့ၣ် လၢလံာ်စီဆှံအလီၢ်လံၤအပူၤ ဘၣ်တၢ်ပာ်ဖျါထီၣ်အီၤ အါဘျီန့ၣ်လီၤႉ အ၀ဲသ့ၣ်
အတၢ်ကီတၢ်ခဲတဖၣ်အံၤ ကဲထီၣ်၀ဲဒၣ် အါဒၣ်တက့ၢ် မ့ၢ်လၢ အ၀ဲသ့ၣ် အနီၢ်ကစၢ်ဒၣ်
၀ဲ မၤဖဲတၢ်ဘၣ်အသး‚ အခိၣ်ကိၤနၢ်ကိၤ အဃိသတးန့ၣ်လီၤႉ ဘၣ်ဆၣ်‚ ကစၢ်ယွၤ
အသးအိၣ်ဒံးလၢ ကမၤစၢၤအ၀ဲသ့ၣ်န့ၣ်လီၤႉ ၀ံယ့ှှါယၤ ဟဲစိာ်၀ဲ တၢ်ကစီၣ်အအၢ
တဖၣ် အါမးဘၣ်ဆၣ်‚ လၢတၢ်န့ၣ်အပူၤ အ၀ဲစံးဘၣ် ပှၤကမျၢၢ်တဖၣ်လၢ ‘ယွၤကအိၣ်ခိး ဒ်သိးအကသးကညီၤသု‚ ဒီးမၤသးဒ်န့ၣ်ဒီး ကဂဲၤဆၢထၢၣ် ဒ်သိး အကသးအိၣ်သုလီၤ ႉႉႉ တုၤအနၢ်ဟူတၢ်ဒီး‚ ကစံးဆၢတၢ်လီၤ’ႉ (ယ့ှှါ ၃၀း၈-၁၉) ႉ
မ့ၢ်လီၤ‚ ကစၢ်ယွၤ ကွၢ်လီၤတၢ်ဆူအပှၤဂီၢ်မုၢ်သ့ၣ်တဖၣ်အအိၣ် ဒ်သိး ကစံးဆၢ အ၀ဲသ့ၣ်အတၢ်ကိးပသူထီၣ်လၢ တၢ်မၤစၢၤအဂီၢ်န့ၣ်လီၤ (ယ့ှှါ ၅၈း၁၀) ႉ
မုၢ်မဆါတနံၤအံၤ လၢပခိၣ်ပဃၢၤ ပှၤအိၣ်၀ဲအါမးလၢ အလိၣ်ဘၣ်ပှၤဂၤလၢ ပကမၤစၢၤအ၀ဲသ့ၣ်န့ၣ်လီၤႉ ဖဲပမၤစၢၤပှၤလၢ အလိၣ်ဘၣ်တၢ်မၤစၢၤတဖၣ်လၢ ယွၤအခၢၣ်စး‚ တၢ်အံၤမ့ၢ်၀ဲတၢ်အခွဲးအယာ်လီၤဆီလၢပဂီၢ် လၢပကဲထီၣ်ယွၤ အစုဒုၣ်ခီၣ်တီၤန့ၣ်လီၤႉ ဲသန ှအသတနူူ