ရၠာစးီဘၢး (ှ ူသဘနမအ) ကံွာ်လီၤအစၢၢ်ဘိ ဒီးလၢတၢ်သးဟးဂီၤအပူၤ စံး၀ဲ ‘ယမၤတသ့ဘၣ်’ န့ၣ်လီၤႉ လၢရၠာစးီဘၢးအဂီၢ်‚ တၢ်ဖးလံာ်ကွဲးလံာ်‚ ဒီးတၢ်ကဒီးလံာ်န့ၣ်‚ မ့ၢ်တၢ်လၢအကီ‚ ဒီးမၤ၀ဲတသ့ဘၣ်န့ၣ်လီၤႉ ရၠာစးီဘၢး အသးအိၣ် ၉ နံၣ်‚ အိၣ်ဒီးတၢ်ဆါလၢ တၢ်သ့ၣ်ညါ
တထီၣ်ဘး (ိပျူနထငခ) အဃိ‚ ဖျါ၀ဲလၢ အ၀ဲဒၣ်ဖးလံာ်ဒီးကဒီးလံာ်တသ့ဘၣ်န့ၣ်လီၤႉ
လၢခံကတၢၢ်‚ ပဒိးန့ၢ် ကျိၤကျဲလၢ တၢ်မၤလိၤမၤဘၣ်က့ၤ
တၢ်အိၣ်အသးကီခဲအံၤ န့ၣ်လီၤႉ မ့ၢ်တၢ်မၤအကီအခဲတမံၤ လီၤႉ ပဘၣ်ဖးလံာ်ဒီး ကဒီးသကိးလံာ်ဒီးအီၤ မံးနံး ၂၀ ကိးမုၢ်ဟါဒဲး ပတမၤ ပအိၣ်တသ့ဘၣ်ႉ တဘျီဘျီ‚ ပတအဲၣ်ဒိး မၤတၢ်အံၤ‚ ဒီးတဘျီဘျီ‚ ပသးဟးဂီၤကွံာ် မ့ၢ်လၢပတထံၣ် တၢ်လဲၤထီၣ်လဲၤထီအဃိလီၤႉ ဘၣ်ဆၣ်‚ ပဟ့ၣ်လီၤ ပတၢ်
ဆၢကတီၢ်ဒီး ပဂံၢ်ပဘါလၢ တၢ်သူၣ်အိၣ်သးအိၣ်‚ မ့ၢ်လၢ ပအဲၣ်ဒိးမၤလိၤမၤဘၣ်က့ၤ ရၠာစးီဘၢး အတၢ်သ့ဖးလံာ်လဲၢ်‚ ဒီးအသးအနံၣ်အလါအဃိလီၤႉ တၢ်အံၤအဃိ‚ ပဂုာ်ကျဲးစၢး တၢ် ဆူၣ်ဆူၣ်လီၤႉ
တၢ်ဆၢကတီၢ်ခံနံၣ်တခီပူၤကွံာ်လံႉ ပမဲာ်ထံမဲာ်နိဒီး ပတၢ်ဂဲၤလိာ်ကျဲးစၢး သပှၢ်ပှၢ်အံၤ ဖျါလၢအအိၣ်ဒီးအဘျုးအဖှိၣ် သပှၢ်တၢၢ်လီၤႉ ရၠာစးီဘၢး ဖးလံာ်‚ ဒီးကဒီးလံာ် သ့လံႉ ပ၀ဲဒၣ်စ့ၢ်ကီး ပမၤလိန့ၢ် တၢ်သ့တူၢ်တၢ်ခီၣ်တၢ်‚ ဒီးတၢ် သူၣ်စူၤသးစူၤန့ၣ်လီၤႉ
ပှၤတၢ်မၢဖိစီၤပီလူး တူၢ်ဘၣ်တၢ်ကီတၢ်ခဲတဖၣ် ဖဲအ၀ဲကျဲးစၢး မၤလၢပှဲၤ
အတၢ်ပာ်လီၤသးလၢ ကစံးဘၣ်တဲဘၣ် ပှၤလၢအတနၢ်ဟူဒံး ကစၢ်ခရၠာစးံာ်အဂ့ၢ်‚ တၢ်ကစီၣ်အမုာ်န့ၣ်လီၤႉ အ၀ဲ ဘၣ်တၢ်မၤနးမၤဖှီၣ်အီၤ‚ ဘၣ်တၢ်ဒုးဃာ်လၢ ဃိာ်ပူၤဒီး ဘၣ်တၢ်ဆိကမိၣ်ကမၣ်အီၤလီၤႉ တဘျီဘျီ‚ အ၀ဲဘၣ်ကွၢ်ဆၢၣ်မဲာ် တၢ်သံတၢ်ပှၢ်လီၤ
(၂ကရၠာစးံၣ် ၁၁း၂၅) ႉ ဘၣ်ဆၣ်‚ တၢ်သးခုလၢ အဒိးန့ၢ်ဘၣ်၀ဲ ဖဲအထံၣ်ပှၤဂီၢ်မုၢ် တူၢ်လိာ် အတၢ်ကစီၣ်န့ၣ်‚ မ့ၢ်မးတၢ်လၢ အအိၣ်ဒီးအလုၢ်အပရၤ‚ ဒီးကဲဘျုးကဲဖှိၣ်လီၤႉ
နမ့ၢ်သ့ၣ်ညါဒီး ကလၢၢ်ဘၣ်လၢ တၢ်မၤလၢ ကစၢ်ယွၤမၢနမၤအီၤတဖၣ် ကီကဲၣ်ဆိးလၢနဂီၢ်န့ၣ်‚ သ့ၣ်နီၣ်ထီၣ်က့ၤ သူၣ်သးအတၢ်မၤလိဒီး တၢ်သူၣ်ခုသးခုလၢ အအိၣ်ဘိၣ်ဘံဃာ်အသးလၢ နတၢ်လဲၤအပူၤန့ၣ်တက့ၢ်ႉ တၢ်တဖၣ်အံၤ‚ လၢအဂံၢ်ခိၣ်‚ မ့ၢ်အိၣ်တဒၢအသးဘၣ်ဆၣ်‚ အိၣ်၀ဲဒၣ်ဖဲန့ၣ် သပှၢ်ကတၢၢ်လီၤႉ ယွၤကမၤစၢၤနၤဒ်သိး နကထံၣ်အီၤလီၤႉ ့ၠမငသည ှအမသကိ