စီၤအၤစာ်လၢ အမ့ၢ်ပှၤကွဲးထါ စံး ၇၇ န့ၣ်‚ အိၣ်ဘၣ်လၢ တၢ်လီၤပျံၤလီၤဖုးအပူၤ ဒ်လဲၣ်န့ၣ် ယတသ့ၣ်ညါဘၣ်ႉ ဘၣ်ဆၣ်‚ ယနီၢ်ကစၢ်ဒၣ်ယဲ‚ ယနၢ်ဟူဘၣ်ဒီး လဲၤခီဖျိဘၣ်
တၢ်သူၣ်အုးသးအုးအဒိၣ်အမုၢ် စ့ၢ်ကီးလီၤႉ ဖဲအပူၤကွံာ် ၁၂ နံၣ်န့ၣ်‚ ယကွၢ်ဆၢၣ်မဲာ်
ဘၣ် တၢ်လီၤမၢ် ခီဖျိယဖိမုၣ်သံသဒၣ်ကွံာ်ယၤဒီး ယသူၣ်အုးသးအုး ဒိၣ်ဒိၣ်ကလဲာ် လီၤႉ ပှၤအါဂၤလၢ အဘၣ်လဲၤခီဖျိ တၢ်လီၤမၢ် ဒ်သိးယၤ တဖၣ် ကသူၣ်အုးသးအုးဒိၣ်ဒိၣ်ကလဲာ်‚ ဒီးကအိၣ်ဒီး တၢ်ဆိကမိၣ် ဒ်အံၤတဖၣ်လီၤႉ
တၢ်ကိးပသူထီၣ်ဆူ ကစၢ်ယွၤအအိၣ် (း၁) ‚ စုအိၣ်
ယူာ်ထီၣ်အသးလၢ မုၢ်နၤ (း၂) ‚ မ့ၢ်လၢပထံၣ်ဘၣ် တၢ်နး
တၢ်ဖီှၣ်အဃိ ဆိကမိၣ်ထီၣ်တၢ်တဂ့ၤတဘၣ်လၢ တၢ်ဘၣ် ဃးဒီးယွၤ (း၃) ‚ သူၣ်ကနိးသးကနိးဒီး ကတိၤတၢ်တသ့ (း၄) ‚ ဆိကမိၣ် ‘မ့ၢ် ယွၤကညိကွံာ်တၢ်လီၤထူလီၤယိာ်ဧါ’ (း၇) ‚ ဘၣ်ယိၣ်တၢ်လၢ ယွၤအတၢ်စံးပာ် ဟးဂီၤကွံာ် (း၈) ‚ ဆိကမိၣ်ထီၣ် ‘မ့ၢ် ကစၢ်ယွၤ သးပ့ၤနီၣ်တ့ၢ်လံလၢ ကသးကညီၤတၢ်န့ၣ်ဧါ’ (း၉) လီၤႉ
တၢ်သ့ၣ်နီၣ်ထီၣ်က့ၤ ယွၤအတၢ်မၤလီၤလးတဖၣ်လၢ အမၤတ့ၢ်လံ၀ဲတဖၣ်န့ၣ် ဆီတလဲက့ၤတၢ်အၢ ဆူတၢ်ဂ့ၤလၢ အမၤအသးလၢ စီၤအၤစာ်အဂီၢ်လီၤ (း၁၁) ႉ အ၀ဲဒၣ် အတၢ်ဆိကမိၣ်တဖၣ် တရၠာစးံးက့ၤအသးဆူ ယွၤအတၢ်အဲၣ်‚ ဒီးသ့ၣ်နီၣ်ထီၣ်က့ၤ ယွၤအတၢ်မၤလီၤလးလၢ အမၤတ့ၢ်လံ၀ဲတဖၣ်န့ၣ်လီၤႉ အတၢ်ဆိကမိၣ် ဆှၢက့ၤအီၤ
ဆူ ယွၤအတၢ်သူၣ်တီသးတီဒီး အတၢ်သးကညီၤန့ၣ်လီၤႉ အ၀ဲသ့ၣ်နီၣ်က့ၤ ယွၤအတၢ် မၤလီၤလး‚ အတၢ်ဒိၣ်တၢ်မုၢ်‚ တၢ်ဂံၢ်ဆူၣ်ဘါဆူၣ်ဒီး အတၢ်အုၣ်က့ၤခီၣ်က့ၤန့ၣ်လီၤႉ
တၢ်သးဟးဂီၤန့ၣ် အိၣ်၀ဲလၢပတၢ်အိၣ်မူပူၤနီၢ်ကီၢ်‚ ဒီးတၢ်စံးဆၢလၢတၢ်အံၤ အဂီၢ်န့ၣ်‚ ပထံၣ်န့ၢ်အီၤတညီဘၣ်ႉ ဘၣ်ဆၣ်‚ ပသ့ၣ်နီၣ်ထီၣ်က့ၤ ယွၤအလၤကပီၤ‚ အကဟုကညီၢ်‚ အစိအကမီၤ‚ ဒီးအတၢ်အဲၣ် ဖဲပအိၣ်ဘၣ်လၢ တၢ်ခံးကျါအခါန့ၣ် ပတၢ်သးဟးဂီၤတဖၣ် စၢ်လီၤကွံာ်၀ဲ ကယီကယီလီၤႉ ဒ်စီၤအၤစာ်အသိး‚ ပတဲဖျါက့ၤ
ကစၢ်ယွၤအတၢ်မၤတဖၣ် သ့၀ဲဒၣ်‚ လီၤဆီဒၣ်တၢ်‚ အတၢ်အုၣ်က့ၤခီၣ်က့ၤပှၤ ခီဖျိကစၢ်
ယ့ၣ်။းန့ၣ်လီၤႉ ၀ံၤဒီး ပတုၤက့ၤဆူ ပတၢ်အိၣ်အသးလၢညါ ဖဲပအိၣ်ဘှံးလၢ ကစၢ်ယွၤ အတၢ်အဲၣ် အဒိၣ်အအါအပူၤ‚ လၢတၢ်စံးဘျုးစံးဖှိၣ်န့ၣ်လီၤႉီၠလန Bမၠညသည