ဖဲအပူၤကွံာ်တနံၣ်‚ ဖဲတၢ်ဂိၢ်ခါ အကတီၢ်န့ၣ်‚ မူခိၣ်ဖီကလံၤမုၢ်တွၤ မၤဘၣ်ဒိ ပ၀့ၢ် ဒိၣ်ဒိၣ်အါအါလီၤႉ မူခိၣ်ဖီလီၤဒိၣ်မးအဃိ‚ သ့ၣ်ဒ့လၢအကယၤတဖၣ် ကၢ်ကွံာ်‚ ဒီး
မၤဘၣ်ဒိဘၣ်ထံး လီပျံၤတဖၣ်လီၤႉ ဟံၣ်လၢအကထိတဖၣ်‚ ဒီးတၢ်မၤလီၢ်တဖၣ် တဒိးန့ၢ် လီမ့ၣ်အူဘၣ်ႉ ပ၀ဲဒူၣ်ဖိထၢဖိတဖၣ်‚ ပမၤန့ၢ် ဂံၢ်သဟီၣ်‚ ခီဖျိ စဲးဖီကဟၣ်ဖိ
လၢအဒုးကဲထီၣ်လီမ့ၣ်အူ‚ ဘၣ်ဆၣ် ပဖီအီၣ်တၢ် တသ့ဘၣ်ႉ
ပဘၣ်လဲၤဃု တၢ်လီၢ်တၢ်ကျဲလၢ ပကပရၤအီၣ်ပရၤအီ အဂီၢ်
လီၤႉ ပနီၣ်ထီၣ် ပသိလ့ၣ်‚ ဒီးပထံၣ်ဘၣ် တၢ်ဖံးတၢ်မၤအလီၢ်
လၢအဘၣ် တၢ်ကးတံၢ်အီၤတဖၣ်လီၤႉ ပနီၣ်ပသိလ့ၣ် အါမံးလာ်‚ ဒီးလၢခံကတၢၢ် ပထံၣ်န့ၢ် ဂီၤတၢ်အီၣ်အကျး လၢ အအိၣ်ဒီး လီမ့ၣ်အူဂံၢ်သဟီၣ်လၢ ကဖီတၢ်အီၣ်တၢ်အီ အဂီၢ်န့ၣ်လီၤႉ တၢ်လီၢ်အံၤ ပှဲၤကတံာ်ဒီး ပှၤဟဲအီၣ်ဟဲအီ တၢ်လၢအဘၣ်ကီဘၣ်ခဲ ဒ်သိးပ၀ဲဒၣ်သ့ၣ်တဖၣ်န့ၣ်လီၤႉ
ပိာ်မုၣ်တဂၤ ဟဲသံကွၢ်ပှၤ တၢ်အီၣ်တၢ်အီလၢ
ပအဲၣ်ဒိးမၤလိာ်တဖၣ်ဒီး စံး၀ဲ‚ ‘‘ယတမ့ၢ်ပှၤမၤတၢ်ဖိ လၢ
ကျးအ၀ဲအံၤဘၣ်ႉ ပ၀ဲတၢ်အိၣ်ဖှိၣ် အက့ှူၢ်ဖိတဖၣ်‚ ပဟဲဆူတၢ်လီၢ်အံၤလၢ ဂီၤတၢ်အီၣ်
အဂီၢ်လီၤႉ ပထံၣ်လၢ ပှၤဟဲပရၤအီၣ်တၢ် အါ၀ဲဒိၣ်မးအဃိ‚ ပှၤမၤတၢ်ဖိတဖၣ် အတၢ်မၤ
အါတုၤဒၣ်လဲာ် မၤက့ၤအမူအဒါ တလၢပှဲၤ၀ဲဒၣ်န့ၣ်ဘၣ်ႉ ပတဲဘၣ် ကျးအတၢ်မၤမူဒါခိၣ် လၢပသးအိၣ်မၤစၢၤတၢ် ခီဖျိတၢ်ကွၢ်ထွဲစၢၤ‚ ဒီးမၤစၢၤ ပှၤဟဲအီၣ်တၢ်တဖၣ်‚ ဒီးလုၢ်အီၣ်
လုၢ်အီ အ၀ဲသ့ၣ်န့ၣ်လီၤႉ ပနာ်လၢ ပတၢ်မၤအံၤ ကမၤဖှံထီၣ် ပှၤမၤတၢ်ဖိတဖၣ် အတၢ်၀ံတၢ်ယိး‚ ဒီးမၤစၢၤပှၤဟဲအီၣ်တၢ်တဖၣ်စ့ၢ်ကီးန့ၣ်လီၤႉ’’
ပိာ်မုၣ်တဂၤအံၤ အတၢ်သးအိၣ်မၤစၢၤတၢ်န့ၣ်‚ ဒုးသ့ၣ်နီၣ်ထီၣ်က့ၤယၤလၢ စီၤပီလူးအတၢ်ကတိၤလၢ အစံး၀ဲ‚ ‘‘ႉႉႉမၤသးဒ်န့ၣ်ဒီး ဖဲပအိၣ်ဒီး တၢ်ဆၢကတီၢ်န့ၣ်‚ မ်ပမၤဂ့ၤတၢ်လၢ ပှၤကညီကိးဂၤဒဲးတက့ၢ်’’ (ကလၤ ၆း၁၀) ႉ ဖဲပကွၢ်ဆိကမိၣ်ထီၣ် တၢ်လၢ ပှၤအါဂၤလၢအအိၣ်၀းတရၠာစးံးပှၤ အတၢ်လိၣ်တဖၣ်အဂီၢ်န့ၣ်‚ ပ၀ဲဒၣ်သ့ၣ်တဖၣ်
ခဲလၢာ် ပမ့ၢ်ဃ့လၢကစၢ်ယွၤကဒုးနဲၣ်ပှၤ တၢ်အခွဲးအယာ်လၢ ပကမၤစၢၤပှၤဂၤ‚ ဒီး မၤကစၢ်ယွၤ အတၢ်မၤန့ၣ်‚ တၢ်ကမၤအသးဒ်လဲၣ်ႉ ီနညညငျ Fငျ့နမ