ပှၤဒ့တၢ်လၢ ‘‘ကၠးစ်’’ အတၢ်ဒ့တၢ်အူ‚ ဟၢဘ့ၣ်ဟဲန်ခီး ဘၣ်တၢ်ကွဲအီၤလၢ ကဒ့တၢ်ဒီး မဲလ်ဒ့ဘ့း လၢ ‘‘ဃံာ်ယဲၢ်’’ အတၢ်ဒ့သကိး တၢ်န့ၣ်လီၤႉ မဲလ်ဒ့ဘ့း မ့ၢ် တ့ၢ်လံ ပှၤမံၤဟူသၣ်ဖျါလၢ တၢ်ဒ့တၢ်အူ‚ အဃိဒီး ဟဲန်ခီး အိၣ်ဒီး တၢ်သူၣ်ကနိး
သးကနိးန့ၣ်လီၤႉ ဟဲန်ခီး တဲဘၣ် ပှၤဟဲထံၣ်လိာ် သံကွၢ်သံဒိးအီၤတဖၣ်လၢ မဲလ်ဒ့ဘ့း
မ့ၢ်ပှၤလၢ အကဟုကယာ်ဒီဒၣ်ပှၤဂၤ‚ ဒီးအ၀ဲအိၣ်ဒီး တၢ်လဲၤခီဖျိအမုာ်‚ ဖဲအမၤသကိးတၢ်ဒီးအီၤန့ၣ်လီၤႉ တဘျီ‚
ဖဲအ၀ဲသ့ၣ်ဒ့တၢ်အူတၢ်လၢ ပှၤဂီၢ်မုၢ်အဂီၢ်အခါ‚ ဒီး ဖဲ မဲလ်ဒ့ဘ့း ဒ့တၢ်ဆဲတိၢ်အခါ‚ ဟဲန်ခီး မၤကမၣ် တၢ်လီၤႉ ဟဲန်ခီး အသူၣ်ကိၢ်သးဂီၤ‚ ဒီးမဲာ်ဆှးဒိၣ်မး‚ ဘၣ်ဆၣ် မဲလ်ဒ့ဘ့း တပာ်သ့ၣ်ညါအသး‚ ဒီးမၤလိၤမၤဘၣ်က့ၤ တၢ်န့ၣ်လီၤႉ ဟဲန်ခီး စံး၀ဲဒ်အံၤ ‘‘အ၀ဲဒ့ !နိး’’ အသီၣ်လၢ အမၤလိၤမၤဘၣ်က့ၤ ယတၢ်ကမၣ်န့ၣ်လီၤႉ
တၢ်အံၤ မ့ၢ်ဒိဂ့ၤတဲာ်ဘၣ်လၢ တၢ်ကဲခိၣ်ကဲနၢ် အဂီၢ်န့ၣ်လီၤႉ မဲလ်ဒ့ဘ့း တအ့ၣ်လိာ် ဟဲန်ခီး ဘၣ်ႉ တပာ်ဖျါအီၤ ဒ်ပှၤတဂိာ်တၢ်တဂၤအသိးဘၣ်ႉ အ၀ဲတပာ်
တၢ်ကမၣ်လၢ ဟဲန်ခီး အလိၤ မ့ၢ်လၢအမၤဟးဂီၤ တၢ်ဒ့တၢ်အူအဃိဘၣ်ႉ မဲလ် ဒ့ဘ့း မၤလိၤမၤဘၣ်က့ၤ တၢ်ကမၣ်ဖးဒိၣ်အံၤ‚ ဒီးဒုးအိၣ်ထီၣ်က့ၤ တၢ်သီၣ်အမုာ်လၢ တၢ်ဒ့တၢ်အူ လၢအမၤသးဖှံ ပှၤကမျၢၢ်န့ၣ်လီၤႉ
ဒ်မဲလ်ဒ့ဘ့း မၤတၢ်လၢ ဟဲန်ခီး အဂီၢ်အသိးန့ၣ်‚ ကစၢ်ယ့ၣ်။း မၤတၢ်လၢ စီၤပ့းတ့ှူးအဂီၢ်စ့ၢ်ကီးလီၤႉ စီၤပ့းတ့ှူး ကျီတူာ်ကွံာ် ပှၤလုၢ်တၢ်အခိၣ် အခ့အပှၤတဂၤ အနၢ်‚ ဒီးကစၢ်ယ့ၣ်။း ဒုးစဲဘူးက့ၤအီၤလီၤ (လူၤ ၂၂း၅၁) ႉ တၢ်အံၤ‚ ပာ်ဖျါထီၣ်၀ဲလၢ
ခရၠာစးံာ်အဘီအမုၢ်န့ၣ်‚ ဘၣ်ဃးဒီး တၢ်မၤဘျါက့ၤ‚ ဒီးတမ့ၢ်ဘၣ် တၢ်လၢအမၤ ဘၣ်ဒိဆါပှၤဂၤဘၣ်ႉ တဘျီဘျီ‚ ကစၢ်ယ့ၣ်။း စူးကါ အပျဲၢ်အဘီၣ်တဖၣ် အတၢ်ကမၣ်‚
လၢတၢ်ဒုးနဲၣ်အ၀ဲသ့ၣ် ကျဲအလိၤအဘၣ်လၢ အဂ့ၤဒိၣ်န့ၢ်အလီၢ်န့ၣ်လီၤႉ
ဒ်ကစၢ်ယ့ၣ်။း မၤတၢ်လၢ အပျဲၢ်အဘီၣ်တဖၣ်အဂီၢ်အသိး‚ အ၀ဲမၤတၢ်လၢ ပဂီၢ်စ့ၢ်ကီးလီၤႉ ဒ်အ၀ဲမၤတၢ်လၢ ပဂီၢ်အသိးန့ၣ်‚ ပမၤတၢ်လၢ ပှၤဂၤအဂီၢ်သ့စ့ၢ်ကီး လီၤႉ လၢတၢ်ပာ်ဖျါဒီး မၤဒိၣ်ထီၣ်အါထီၣ် တၢ်ကမၣ်ကိးမံၤအလီၢ်န့ၣ်‚ ပလဲလိာ်က့ၤ တၢ်သ့ၣ်တဖၣ်အံၤ ဆူတၢ်မၤဂ့ၤမၤ၀ါ အဃံအလၤလၢ အမ့ၢ်တၢ်ပျၢ်ပှၤတၢ်ကမၣ်‚ တၢ်မၤဘျါက့ၤ‚ ဒီးတၢ်အုၣ်က့ၤခီၣ်က့ၤ သ့၀ဲဒၣ်လီၤႉႉ ဲကူငန ဗခုနမာၠည ူငညု