ယကဲခိၣ်ကဲနၢ်‚ ဒီးဟံးန့ၢ်မူဒါလၢ တၢ်တ့တၢ်ဖျီအမူးအါမးလီၤႉ အါစုအါဘျီ
တၢ်တ့တၢ်ဖျီအမူးတဖၣ်အံၤ ဘၣ်တၢ်တိာ်ကျဲၤအီၤ ဒ်တလးမူးပိာ်မုၣ် အဲၣ်ဒိး၀ဲအသိး
န့ၣ်လီၤႉ တၢ်တ့တၢ်ဖျီအမူးခဲလၢာ် မ့ၢ်တၢ်လၢအလီၤဆီလိာ်အသး အိၣ်တမံၤလၢ်လၢ် လီၤႉ လၢအဒ်သိးသိးလီၤအသးန့ၣ် တလးမူးပိာ်မုၣ် ကူသိး တၢ်တ့တၢ်ဖျီအဆ့ဖးထီ‚ အခိၣ်သူ ဘၣ်တၢ်ကယၢကယဲအီၤ ဃံဃံလၤလၤ‚ ဒီး အမဲာ်သၣ် အလွဲၢ်ကပီၤဃံလၤဒိၣ်မးလီၤႉ တလးမူးပိာ်မုၣ် ထုးန့ၢ်ပှၤသး‚ ဒီးဒိးန့ၢ်တၢ်စံးပ့တၢၤအါန့ၢ်ပှၤကိးဂၤန့ၣ်လီၤႉ
တၢ်လၢအထုးန့ၢ်ယသး လီၤတိၢ်လီၤဆီ တမံၤန့ၣ်‚
မ့ၢ်ကစၢ်ယွၤအတၢ်ကတိၤလၢ ပမ့ၢ်အတလးမူးပိာ်မုၣ် န့ၣ် လီၤႉ ဘၣ်ဃးဒီး တၢ်အိၣ်ဖှိၣ်အဂ့ၢ်န့ၣ် စံး၀ဲ‚ ‘‘သိဖိအတၢ်တ့
တၢ်ဖျီ အဆၢကတီၢ်တုၤအိၣ်၀ဲလံ‚ ဒီးအ၀ဲဒၣ် အတလး မူးပိာ်မုၣ် အိၣ်ကတဲာ်ကတီၤလံအသးလၢ တၢ်န့ၣ်အဂီၢ်လံ’’ (ခ့ခါ‚ လီၣ်ဖျါ ၁၉း၇) ႉ
တၢ်အံၤမ့ၢ် တၢ်မုာ်သူၣ်မုာ်သး ဒိၣ်ဒိၣ်အါအါလၢ ပှၤလၢအအိၣ်ဒီး တၢ်သးဟးဂီၤ
လၢ တၢ်မၤအသးဒီးတၢ်အိၣ်ဖှိၣ်ပူၤတဖၣ် အဂီၢ်န့ၣ်လီၤႉ ယဒိၣ်ထီၣ် ဒ်တၢ်အိၣ်ဖှိၣ်သရၠာစးၣ်
အဖိခွါတဂၤအသိး ယအံးထွဲကွၢ်ထွဲ တၢ်အိၣ်ဖှိၣ်သၢဖှိၣ်‚ ဒီးစံၣ်တဲၤတဲလီၤတၢ်လၢ
တၢ်အိၣ်ဖှိၣ်တဖၣ်လၢ တၢ်လီၢ်အါပူၤန့ၣ်လီၤႉ ယဟ့ၣ်ကူၣ်ဟ့ၣ်ဖး တၢ်အိၣ်ဖှိၣ်သရၠာစးၣ် တဖၣ်ဒီး တၢ်အိၣ်ဖှိၣ်ဖိတဖၣ် ဘၣ်ဃးဒီး တၢ်အိၣ်ဖှိၣ်အတၢ်ကီတၢ်ခဲလၢ အမၤတံာ်တာ်
အ၀ဲသ့ၣ်တဖၣ်န့ၣ်လီၤႉ အါစုအါဘျီ‚ တၢ်အိၣ်ဖှိၣ်တဖၣ်မ့ၢ်တဖျါလီၤအဲၣ်လီၤကွံဘၣ်ဆၣ်‚ ယတၢ်အဲၣ်လၢ တၢ်အိၣ်ဖှိၣ်တဖၣ်အဂီၢ်န့ၣ် တလဲလိာ်အသးဘၣ်ႉ
ဘၣ်ဆၣ်‚ တၢ်ဂ့ၢ်တၢ်ကျိၤလၢ ယအဲၣ်ဘၣ် တၢ်အိၣ်ဖှိၣ်န့ၣ် လဲလိာ်အသးလီၤႉ ခဲအံၤ‚ ယတၢ်အဲၣ်ဘၣ် တၢ်အိၣ်ဖှိၣ်အဂ့ၢ်အကျိၤ အဒိၣ်ကတၢၢ်န့ၣ်‚ မ့ၢ်ဒၣ် ယသ့ၣ်ညါလၢ
တၢ်အိၣ်ဖှိၣ်န့ၣ် မ့ၢ်မတၤအတၢ်အဃိန့ၣ်လီၤႉ တၢ်အိၣ်ဖှိၣ်မ့ၢ်ကစၢ်ခရၠာစးံာ်အတၢ်‚ တၢ်အိၣ်ဖှိၣ် မ့ၢ် ကစၢ်ခရၠာစးံာ်အတလးမူးပိာ်မုၣ်လီၤႉ ဒ်တၢ်အိၣ်ဖှိၣ်မ့ၢ် တၢ်လုၢ်ဒိၣ်ပရၤဒိၣ် လၢ ကစၢ်ခရၠာစးံာ်အဂီၢ်အသိးန့ၣ်‚ တၢ်အိၣ်ဖှိၣ်မ့ၢ်စ့ၢ်ကီး တၢ်လုၢ်ဒိၣ်ပရၤဒိၣ်လၢ ပဂီၢ်လီၤႉ
ကစၢ်ခရၠာစးံာ် အဲၣ်ဘၣ်အတလးမူးပိာ်မုၣ်‚ အတလးမူးပိာ်မုၣ် အိၣ်ဒီး တၢ်တလၢတပှဲၤ တၢ်ဂံၢ်စၢ်ဘါစၢ်ဒၣ်လဲာ် – တၢ်အံၤမ့ၢ်တၢ်လီၤလး ဒိၣ်ဒိၣ်အါအါန့ၣ်လီၤႉ ဲသန ှအသတနူူ