တၢ်ဘျဲးအီၣ်ဘျဲးအီ လၢလၢပှဲၤပှဲၤ
ပှၤဖံလံပံဖိ အဟံၣ်ဒူၣ်ဃီထၢအါဖျၢၣ်မၤနံၤလီၤဆီ ဒ်တၢ်အိၣ်ဖျဲၣ်ဆၢက့ၤ‚ တၢ်တ့တၢ်ဖျီ‚ ၀့ၢ်အမူးလၢတၢ်တူၢ်လိာ်ကမျၢၢ်တဖၣ်လၢတၢ်သး၀ံၣ်ဒီးတၢ်ဂဲၤကလံၣ် ဒီးခရၠာစးံးစမၢးစ် လၢကျဲဒိၣ်ဒိၣ်မုၢ်မုၢ်တမံၤန့ၣ်လီၤႉ လၢမူးလီၤဆီတဖၣ်အံၤ‚ ဟံၣ်ဖိဃီဖိတဖၣ် ဆ့ၣ်နီၤ က၀ီၤ စီၤနီၢ်ခိၣ် လၢအပှဲၤလုၣ်ကွံာ်ဒီး တၢ်အီၣ်အ၀ံာ်အဘဲတဖၣ်န့ၣ်လီၤႉ အ၀ဲသ့ၣ် တဲလိာ်သးခီလဲခီလဲ လၢအဟံၣ်ဖိဃီဖိတဖၣ် အဂ့ၢ်အကျိၤ‚ နံၤသကိးလၢ တၢ်ကတိၤ လီၤနံၤလီၤအ့ လၢပျၢၤတဖၣ်အဂ့ၢ် ဒီးဖဲပှၤကိးဂၤအဟၢဖၢပှဲၤလုၣ်ကွံာ်‚ အ၀ဲသ့ၣ် စးထီၣ် သး၀ံၣ်တၢ်တလီၢ်လီၢ် ခီဖျိ‚ အိးထီၣ်ဘံၣ်ဒံၢ်ယိၣ်ကဲၢ်လၢ အဘၣ်တၢ်သ့ၣ်ညါ လၢခၣ်ရၠာစးၣ်အိၣ်ကံၣ်န့ၣ်လီၤႉ ဆူပှၤဖံလံပံဖိအါဒံအါဂၤ‚ တၢ်အီၣ်တၢ် ဒီးတၢ်သူၣ်၀ံၣ် သးဆၢတၢ်‚ မ့ၢ်တၢ်လၢအဟဲစိာ် တၢ်ဘျဲးအီၣ်ဘျဲးအီၤ (တၢ်သးမံ) သ့၀ဲန့ၣ်လီၤႉ
စီၤဒၤ၀ံးကွဲးဖျါထီၣ်လၢအ၀ဲ ဘျဲးအီၣ်ဘျဲးအီ ဒီးတၢ်အီၣ်အ၀ံၣ်အဘဲ တဖၣ် ဖဲထါစံးထီၣ်ပ့တၢၤ ၆၃ အပူၤန့ၣ်လီၤႉ ဆိကမိၣ်ထီၣ် မ့ၢ်ကမ့ၢ် တၢ်အီၣ်မနုၤလၢအဘၣ် တၢ်သုးကျဲၤန့ၢ် တၢ်ဆူစီၤပၤတဂၤ ဒ်စီၤဒၤ၀ံးလၢတၢ်အီၣ်ကိးဘျီဒဲး အကတီၢ် န့ၣ်တက့ၢ်ႉ ဖဲအ၀ဲကွဲးထါအံၤ‚ အ၀ဲတမ့ၢ်အိၣ်မုာ်ဆိပၢၤဘၣ်လၢ နီပူၤအကတီၢ် န့ၣ်ဘၣ်ႉအ၀ဲအိၣ်လၢမဲးမုၢ်ခိၣ်တဘ့ၣ်‚ ဃ့ၢ်အိၣ်ခူသူၣ်လၢ အဖိခွါစီၤအၤဘ့ှှါလိၣ် အမဲာ်ညါ…