ပပှၤကွဲးတၢ်တဖၣ်

ကွၢ်ခဲလၢာ်

တၢ်ကွဲးဖှိၣ်ရၤတဖၣ် လၢ Jolene Philo

တၢ်တမံၤမံၤ ကမၣ်၀ဲလံ

ဖဲယဖိခွါ အဲၣ်လၢၣ် အိၣ်ဖျဲၣ်ထီၣ်၀ံၤ အဂီၤ၀ဲန့ၣ်‚ ကသံၣ်သရၠာစးၣ်ဆ့ၣ်နီၤလီၤ ဖဲယလီၢ်မံ အခီၣ်ထံးလာ်ဒီးစံး၀ဲ ‘‘တၢ်တမံၤမံၤကမၣ်၀ဲလံ’’ န့ၣ်လီၤႉ ပဖိခွါဖိ‚ တၢ်လၢအဖျါလၢခိန့ၣ် လၢပှဲၤမး‚ ဘၣ်ဆၣ် အ၀ဲအိၣ်ဒီး တၢ်အိၣ်ဖျဲၣ်အတၢ်တလၢတပှဲၤ လၢအတၤအသးသမူ‚ ဒီးလိၣ်ဘၣ်၀ဲလၢ ကဘၣ်လဲၤဆူတၢ်ဆါဟံၣ် အိၣ်ယံၤဒီးအမံးလာ် ၇၀၀ ဒ်သိး ကဘၣ်ဒိးကွဲးကါအသးန့ၣ်လီၤႉ
ဖဲကသံၣ်သရၠာစးၣ်စံးဘၣ်နၤလၢ တၢ်တမံၤမံၤကမၣ်လံ လၢနဖိန့ၣ်အလိၤ‚ နသးသမူဆီတလဲသးလီၤႉ တၢ်ပျံၤ ဘၣ်ဃး တၢ်ကဟဲဘၣ်နၤဆူညါ မၤသ့ၣ်ဖးနသးဒီး နဟး ကနူၤကပၤ‚ ဒီးသန့ၤနသးလၢ ကစၢ်ယွၤတဂၤ လၢအကဒုး ဆူၣ်ထီၣ်နဂံၢ်နဘါအဃိ နမၤစၢၤနဖိကန့ၢ်၀ဲအဂီၢ်န့ၣ်လီၤႉ ‘‘ကစၢ်လၢ အလၢပှဲၤဒီးတၢ်အဲၣ်တဂၤအံၤ ကပျဲတၢ်မၤ အသးဧါ’’ နဆိကမိၣ်ထီၣ်ဒ်န့ၣ်လီၤႉ မ့ၢ်အ၀ဲကဟုကယာ် ယဖိဧါႉ အ၀ဲအိၣ်ဖဲန့ၣ် ကစီဒီဧါႉ တၢ်သံကွၢ်ဒ်အံၤတဖၣ်ဒီး တၢ်ဆိကမိၣ်အဂၤ မၤဟူး၀းယတၢ်နာ်န့ၣ်လီၤႉ
ဖဲန့ၣ် ယ၀ၤသးဘိ ဟံၣ်ရၠာစးဲမ် ဟဲတုၤဒီး နၢ်ဟူ တၢ်ကစီၣ်အံၤလီၤႉ ဖဲကသံၣ် သရၠာစးၣ်ဟးထီၣ်၀ံၤန့ၣ် ဟံၣ်ရၠာစးဲမ် စံး၀ဲလၢ ‘‘ကၠိလံန်‚…