လါအီးကထိဘၢၣ်တၢ်ဂ့ၢ်ခိၣ်တီ | သးအတၤသၣ်
ပှၤစူၢ်က့ၤနာ်က့ၤ ကစၢ်ယ့ၣ်ရှူး တဂၤ, လၢအတၢ်အိၣ်မူအပူၤန့ၣ်, ဘၣ်ကွၢ်ဆၢၣ်မဲာ်ဒီး တၢ်ပာ်သူၣ်ပာ်သးလၢ အထီဒါလိာ်သးသးကွ့ၢ်ကွ့ၢ်, လၢတၢ်အိၣ်မူအိၣ်ဂဲၤလၢအကဆှီ, ဒီးတၢ်အိၣ်မူဟ့ၣ်လီၤသးဆူ တၢ်အဲၣ်လီၤအသး အတၢ်မိၢ်န့ၢ်သးလီၤတဖၣ် အဘၢၣ်စၢၤန့ၣ်လီၤ. တၢ်ကဘှါဆှဲတၢ်ဂ့ၢ်တၢ်ကျိၤအံၤအဂီၢ်, ကျဲအိၣ်ဝဲဒၣ်ထဲ ခံဘိန့ၣ်လီၤ. ကျဲအခီၣ်ထံးတမံၤန့ၣ် မ့ၢ်ဒၣ်ပကဘၣ်သံဃုာ်ဒီးကစၢ်ခရံာ်, ဒီးအိၣ်မူအိၣ်ဂဲၤဒီးကစၢ်ယွၤန့ၣ်လီၤ. တၢ်ခံမံၤတမံၤန့ၣ်မ့ၢ်တၢ်ဆိကတီၢ်ကွံာ် ပတၢ်ဂုာ်ကျဲးစၢး, ဒီးဟ့ၣ်လီၤပသးဆူ တၢ်ဖံးတၢ်ညၣ်န့ၣ်လီၤ. တၢ်အံၤ မ့ၢ်တၢ်ဃုထၢခွဲးယာ်လၢ ပကဘၣ်ပဒ့ၣ်ဟးဆှဲးဝဲဒၣ်န့ၣ်လီၤ.
မ့ၢ်လၢပတအိၣ်လၢ တၢ်ဒဲးဘးအစိကမီၤ အဖီလာ်လၢၤဘၣ်အဃိ, လၢပဂီၢ် တၢ်ဒုးတြီဆၢ တၢ်ဖံးတၢ်ညၣ်န့ၣ် တမ့ၢ်လၢတၢ်မုၢ်လၢ်တအိၣ်ဘၣ်န့ၣ်လီၤ. ဖဲရိမ့ၤ ၆ အပူၤန့ၣ် စီၤပီလူး ပာ်ဖျါဝဲဒၣ် ဘၣ်မနုၤအဃိ, တၢ်ဒဲးဘးအစိကမီၤ တအိၣ်လၢၤဘၣ်လၢပလိၤအဂ့ၢ်န့ၣ်လီၤ. ပမ့ၢ်သံဃုာ်ဒီးခရံာ်န့ၣ်ဒီး, ပထူၣ်ဖျဲးထီၣ်လၢ တၢ်ဒဲးဘး (:၇) လံန့ၣ်လီၤ. တၢ်ဒဲးတကဲလၢၤဘၣ် ပကစၢ် (:၁၄), တၢ်ဒဲးဘးအတၢ်ထုးန့ၢ်ပှၤန့ၣ် မ့ၢ်တၢ်မၤအသးနီၢ်နီၢ်, ဒီးအစိကမီၤဆူၣ်ဝဲဒၣ်ဒိၣ်မးန့ၣ်လီၤ. ဘၣ်ဆၣ်, တလိၣ်လၢ ပကဟ့ၣ်လီၤပသးဘၣ်.
တဘျီန့ၣ်, တၢ်ဒဲးဘး ဒိၣ်စိပၢဆှၢပှၤဘၣ်ဆၣ်, လၢကစၢ်ခရံာ်အပူၤန့ၣ် ပတမ့ၢ် တၢ်ဒဲးဘးအကုၢ်အပှၤလၢၤဘၣ်. ပအိၣ်မူအိၣ်ဂဲၤ တၢ်အိၣ်မူလၢ အထီဒါလိာ်သး, တၢ်အိၣ်မူလၢအကဆှီ, ဒီးအပူၤကွံာ် တၢ်ဒဲးဘးဒီးတၢ်ဖံးတၢ်ညၣ်, ပကစၢ်လၢအပၢဆှၢပှၤအဘၢၣ်စၢၤ န့ၣ်လီၤ. ခဲကန့ၣ်အံၤ, မ့ၢ်လၢပဘၣ်ဃးဒီးကစၢ်ခရံာ်အဃိ, ခါဆူညါန့ၣ် ပကဘၣ် ဂုာ်ကျဲးစၢးဃုထၢ တၢ်အိၣ်မူလၢအကဆှီန့ၣ်လီၤ.
ပတၢ်ဂ့ၢ်ခံမံၤတမံၤလၢ ပတၢ်ဒုးထီဒါ ပတၢ်ဖံးတၢ်ညၣ်အံၤ တမ့ၢ်လၢ တၢ်မုၢ်လၢ် တအိၣ်ဘၣ်အဂ့ၢ်, ဒီးမုၢ်တနံၤန့ၣ် ဘၣ်ဃးဒီးပတၢ်ဒုးထီဒါ ပတၢ်ဖံးတၢ်ညၣ်အဂီၢ်န့ၣ် တၢ်အကတၢၢ် ကဟဲတုၤဝဲဒၣ်န့ၣ်လီၤ. အ့း ၁:၁၃-၁၄ အပူၤန့ၣ် စီၤပီလူး စံးဘၣ်ပှၤလၢ သးလၢအကဆှီ မ့ၢ်တၢ်ပနီၣ်လၢ အမၤပနီၣ်ပှၤလၢ ပဘၣ်ထွဲဒီးခရံာ်န့ၣ်လီၤ. သးလၢ အကဆှီန့ၣ် မ့ၢ်တၢ်အုၣ်သးလၢ ပတၢ်အိၣ်မူခါဆူညါအဂီၢ်န့ၣ်လီၤ. ပှၤလၢအပှဲၤဒီး သးစီဆှံတဖၣ်အံၤ မုၢ်တနံၤန့ၣ် တၢ်ကလဲလိာ်က့ၤအီၤလၢလၢပှဲၤပှဲၤ, ဒီးကဂဲၤဆၢထၢၣ်သမူထီၣ်က့ၤ အနီၢ်ခိနီၢ်ကစၢ်အသီတဖၣ်, ဒီးတကတီၢ်ဃီန့ၣ် ပဝဲနၤယၤခဲလၢာ်, ပကထူၣ်ဖျဲးထီၣ်ကွံာ်လၢ တၢ်ဒဲးဘးလၢာ်လၢာ်ဆ့ဆ့န့ၣ် ပသ့ၣ်ညါဝဲဒၣ်န့ၣ်လီၤ.
ဒ်ပမ့ၢ်ယွၤအဖိလၢ အဒိးဘၣ်တၢ်လၤကပီၤအသိး, သးစီဆှံ အတၢ်အိၣ်ဆိးဒီးပှၤ လၢပတၢ်အိၣ်မူအပူၤန့ၣ် နဲၣ်ပှၤလၢ ခါဆူညါတၢ်အိၣ်မူ, လၢအပှဲၤဒီးသူးသ့ၣ်လၤကပီၤ, လၢအတအိၣ်ဒီးတၢ်ဒဲးဘး, တၢ်နးတၢ်ဖှီၣ်, (မ့) တၢ်မဲာ်ဆှးန့ၣ်လီၤ.
<< ဖးက့ၤအပူၤကွံာ်လါ အတၢ်ကွဲး
