တၢ်ဂ့ၢ်ခိၣ်တီလၢ လါနိၣ်ဝ့ဘၢၣ် | တၢ်ဘူၣ်ထီၣ်ဘါထီၣ်ယွၤ

The Westminster Shorter Catechism of Faith မ့ၢ်လံာ်တဘ့ၣ်လၢ ဘၣ်တၢ်ကွဲးအီၤ ဘၣ်ဃး တၢ်စူၢ်တၢ်နာ် အခီၣ်တဃာ်အဂ့ၢ် လၢတၢ်သံကွၢ်စံးဆၢလံာ်အဒိန့ၣ်လီၤ. လၢလံာ်ပူၤန့ၣ် စံးဝဲ “ပှၤကူပှၤကညီတဖၣ်အတၢ်အိၣ်မူ, အတၢ်ပညိၣ်အထီကတၢၢ်မ့ၢ် တၢ်မၤလၤကပီၤယွၤဒီး တၢ်မုာ်လၤသးခုလၢယွၤအပူၤန့ၣ်လီၤ”. တၢ်မၤလၤကပီၤယွၤမ့ၢ် တၢ်ဘူၣ်ထီၣ်ဘါထီၣ်ယွၤ န့ၣ်လီၤ. တၢ်မုာ်လၤ သးခုလၢယွၤအပူၤ ဟဲစိာ် တၢ်ဂ့ၤ, တၢ်ဘျုးတၢ်ဖှိၣ်ခဲလၢာ်လၢအလၢပှဲၤဝဲ န့ၣ်လီၤ.

တၢ်ပျၢ်တၢ်ကမၣ် – ပှၤလၢအိၣ်ဒီး တၢ်ဘူၣ်ထီၣ်ဘါထီၣ်လၢအတီတဖၣ် အၢၣ်လီၤတူၢ်လိာ် ယွၤအတၢ်စီတၢ်ဆှံ ဒီးအတၢ်ပျၢ်တၢ်ကမၣ်န့ၣ်လီၤ(ရိမ့ၤ၅:၁, ၁ ယိၤ ၁:၉). ခီဖျိတၢ်ဘူၣ်တၢ်ဘါန့ၣ် အဝဲသ့ၣ်တဖၣ် ဘၣ်တၢ်မၤကဆှီ အီၤလီၤ.

တၢ်သိၣ်လိနဲၣ်ကျဲ – ပှၤလၢအမၤလၤကပီၤယွၤန့ၣ် ယွၤဟ့ၣ်လီၤ တၢ်ကူၣ်သ့ကူၣ်ဘၣ်, ဒီးအတၢ်သိၣ်လိနဲၣ်ကျဲ လၢတနံၤဘၣ်တနံၤ အတၢ်အိၣ်မူပူၤန့ၣ်လီၤ(စံး ၂၅:၄-၁၂, ကတိၤ ၁:၇, ၃:၅-၆).

တၢ်မၤလၢပှဲၤတၢ်ဒီးလုၢ်အီၣ်တၢ် – ကစၢ်ယ့ၣ်ရှူးစံးဝဲ ပမ့ၢ်ပာ်ဒိၣ်ယွၤလၢ ပတၢ်အိၣ်မူပူၤန့ၣ် တၢ်လၢအလိၣ်လၢပနီၢ်ခိ အဂီၢ်အံၤ ကဘၣ်တၢ်ဟ့ၣ်လီၤ မၤလၢပှဲၤအီၤ လၢယွၤန့ၣ်လီၤ. (မး ၆:၃၃, စံး ၂၃, ၃၇:၃-၆).

တၢ်အဲၣ်တၢ်ကွံ – ပှၤလၢအဘူၣ်ထီၣ်ဘါထီၣ်ယွၤတီတီတဖၣ် ပလၢၢ်ဘၣ်ယွၤအတၢ်အဲၣ်တၢ်ကွံလၢအသးပူၤန့ၣ်လီၤ(စံး ၆၃:၃, ယိၤ ၁၄:၂၁, ၂၃, ရိမ့ၤ ၅:၅).

တၢ်စိတၢ်ကမီၤ – ပှၤလၢအယူာ်ထီၣ်ထီယွၤလၢအကြၢးဒီးတၢ်လၤကပီၤ ဒီး ပာ်ထီၣ်ထီယွၤ တဖၣ်န့ၣ် ကစၢ်ယွၤ ဟ့ၣ်လီၤ အဝဲသ့ၣ် လၢတၢ်စိတၢ်ကမီၤ လၢကမၤကဲထီၣ် တၢ်လၢအဘၣ်တၢ်ကိးအီၤဒီး မၢလီၤအီၤန့ၣ်လီၤ(၂ ကရံၣ် ၁၂:၇-၁၀၊ အ့း ၃:၁၄-၂၁၊ ဖံ ၄:၁၃).

တၢ်ဒီတဒၢကဟုကယာ် – ပှၤလၢအၢၣ်လီၤတူၢ်လိာ်ကစၢ်ယွၤတဖၣ်န့ၣ် ယွၤအံးထွဲကွၢ်ထွဲအီၤလၢ အတၢ်တီတၢ်လိၤ အပူၤ, ဒီးလၢ သးသမူအတၢ်အိၣ်အသးမၤအသးတဖၣ် လၢအဆီတလဲအသးအပူၤန့ၣ် ယွၤဒီတဒၢ ကဟုကယာ် အဝဲသ့ၣ် န့ၣ်လီၤ(စံး ၅:၁၁-၁၂, ၁ ပ့း ၁:၅).

တၢ်လၤကပီၤ – မုၢ်တနံၤန့ၣ် ပှၤဘူၣ်ထီၣ်ဘါထီၣ်ယွၤ လၢအတီတဖၣ် ကဒိးတၢ်မၤလၤကပီၤအီၤန့ၣ်လီၤ. အဝဲသ့ၣ် ကန့ၢ်သါဘၣ် မူခိၣ်အသီ ဟီၣ်ခိၣ်အသီ, ဒီးကဘူၣ်ထီၣ်ဘါထီၣ်ဘၣ်ယွၤ ဃုာ်ဒီးပှၤစူၢ်နာ်တၢ်တဖၣ်ဒီး မူခိၣ်ကလူးတဖၣ်, လၢတၢ်လၢတၢ်ပှဲၤဒီးကပူၤဖျဲးဒီး တၢ်နုာ်လီၤမၤတံာ်တာ်တဖၣ်န့ၣ်လီၤ(၂ ပ့း ၃:၁၃,၁ ယိၤ ၃:၂,လီၣ် ၁၉:၁-၁၀).

ကိၣ်လၢတနံၤဘၣ်တနံၤပှၤကွဲးလံာ်

<<ဖးက့ၤအပူၤကွံာ်လါအတၢ်ကွဲး