တၢ်ဂ့ၢ်ခိၣ်တီလၢ လါအီကူာ် | တၢ်အဲၣ်တၢ်သးကညီၤ ဒီး တၢ်စံၣ်ညီၣ်တီ

မ့ၢ်ယကဘၣ် တဲဖျါထီၣ်တၢ်ဧါ, မ့ၢ်ကဘၣ်လဲၤဆှိးထီၣ်တၢ်ဂ့ၢ်အံၤဧါ.ကၠိဖိ လၢမဲဟဲးတၢၢ်(Manhattan) တီၤထီကၠိ လၢအမံၤဟူ သၣ်ဖျါတဂၤ ဘၣ်တၢ်မၤနၢၤမၤဃၣ်အီၤလၢတံၤသကိး လၢအသ့ၣ်ညါ လိာ်သး လၢညါတဂၤ အဃိ အသးအ့န့ဒီးသးဘၣ် တံာ်တာ်ဝဲ န့ၣ်လီၤ. အသကိးန့ၣ် ကွၢ်အမဲာ် လိၤလိၤဒီး ကိးလိာ်လ့အီၤ မ့ၢ်လၢအဝဲမ့ၢ်ပှၤသူဖံး (လူမျိုးရေးခွဲခြားခြင်း)န့ၣ်လီၤ. ကၠိဖိအဂၤ တဂၤ စ့ၢ်ကီး ကွဲးလီၤလံာ်မဲာ်ဖျၢၣ် တၤအုး လၢအတၢ်ဂီၤအဖီခိၣ်ဒီး ရၤလီၤဝဲလၢ ကၠိကရၢၢ်ပူၤန့ၣ်လီၤ.

ကၠိဖိလၢအဘၣ်တၢ်မၤဆူၣ်မၤဃၣ်န့ၣ် ဘျၢလီၤအသးဆူတၢ်မၤလိပူၤဒီး ပာ်လီၤအသးလၢ ကကွၢ်ကပာ်ကွံာ် တၢ်မၤအသး လၢအီၤန့ၣ်လီၤ. အဝဲတအဲၣ်ဒိးလၢပှၤမၤဆူၣ်တၢ်, ကဘၣ်တၢ်သိၣ် ဃီၣ်တၢ်စံၣ်ညီၣ်အဝဲသ့ၣ်ဘၣ်. ပှၤမၤဆၢက့ၤတၢ်လၢ တၢ်သးဆါဒီး ပှၤသ့ၣ်တဖၣ်ဘၣ်တၢ်ဆိ ကတီၢ် လၢတၢ်မၤလိန့ၣ် အဝဲထံၣ်ဘၣ်ဝဲအဃိ အသးတအိၣ်လၢ တၢ်ကမၤအသး ဒ်န့ၣ်ဘၣ်.

ဘၣ်ဆၣ်လၢခံန့ၣ် သရၣ်တဂၤသ့ၣ်ညါထွဲက့ၤတၢ်မၤအသးအဃိ အဝဲအနီၢ်ကစၢ်ဝဲ တၢ်ပျံၤတၢ်ဖုးလီၤဘၣ်အီၤဒီး အဝဲဟ့ၣ်ကူၣ် သဆၣ်ထီၣ်ကၠိ တၢ်ပၢဆှၢကမံးတံာ် လၢကဃုကျဲဒီးဘှါဆှဲတၢ်ဂ့ၢ်ကီတမံၤ ဒ်သိးက ဒုးအိၣ်ထီၣ်က့ၤ တၢ်စံၣ်ညီၣ်တီန့ၣ်လီၤ. အတၢ်ပညိၣ်တခီ ဒ်သိး ကယါဘျါတၢ်ဘၣ်ဒိဘၣ်ထံးအဂီၢ် ကဘၣ်မၤဘၣ်လိာ်ဖိးဒ့က့ၤ တၢ် ကဘၣ်သူၣ်ထီၣ်က့ၤတၢ်လၢ အလီၤပှီၢ်တဖၣ်န့ၣ်လီၤ. မၤသးဒ်န့ၣ်ဒီး ကၠိသုးကျဲၤလၢကၠိဖိခံဂၤ, ပှၤလၢအဘၣ်တၢ်မၤဆူၣ် မၤဃၣ်ဒီး ပှၤလၢအမၤဆူၣ်တၢ်ခံဂၤ ကအိၣ်သကိးလိာ်သး လၢတၢ်သးကဆှီ(ယိယိဖိ), ပျဲတဂၤ ဒီးတဂၤ ဒိကနၣ်လိာ်သးန့ၣ်လီၤ. အကတၢၢ်န့ၣ် တံၤသကိးလၢ အသ့ၣ်ညါတ့ၢ်ဝဲလၢညါ တဂၤ ဃ့ကညးအီၤဒီး အဝဲသ့ၣ်သူၣ်ထီၣ်က့ၤ တၢ်ရ့တံၤရ့သကိး လၢအဆၢဒီးဃံလၤဝဲန့ၣ်လီၤ.

မ့ၢ်မနုၤ ဒုးအိၣ်ထီၣ် တၢ်စံၣ်ညီၣ်တီလဲၣ်. မ့ၢ်တၢ်အဲၣ် တၢ်သးကညီၤန့ၣ်လီၤ. အဝဲန့ၣ် မ့ၢ်တၢ်ဟ့ၣ်လၢအလီၤလး လၢအလီၤပလိာ်ဒီး လံာ်စီဆှံအတၢ်သိၣ်လိန့ၣ်လီၤ. ဒ်ပှၤအံၣ်စရ့လးဖိ တဖၣ် မၤလိနၢ်ပၢၢ်တ့ၢ်ဝဲအသိး ကစၢ်ယွၤ သိၣ်ဃီၣ်ပှၤ လၢတၢ်စံၣ်ညီၣ်တီ အပူၤဒီး အဝဲယူၢ်ဃီၤစ့ၢ်ကီး အတၢ်အဲၣ်တၢ်သးကညီၤလၢကျဲအဂၤတဘိ န့ၣ်လီၤ.
လၢပတၢ်ဒဲးဘးအဂီၢ် ယ့ၣ်ရှူးမၤကဆှီပှၤ ခီဖျိတၢ်ပာ်ထီၣ်“ယ့ၣ်ရှူးခရံာ်အနီၢ်ခိ” (ဧ့ၤဘြံၤ ၁၀:၁၀) လၢထူၣ်စုညါလိၤ, ဒီးပာ်ဖှိၣ်က့ၤပှၤ(ဟ့ၣ်ပှၤတၢ်ပာ်ဖှိၣ်လၢအလုၢ်ပှ့ၤဒိၣ်န့ၣ်လီၤ). မၤသးဒ်န့ၣ်ဒီး အဝဲ ဟ့ၣ်ပှၤ တၢ်အဲၣ်တၢ်သးကညီၤ လၢတကပၤန့ၣ် မၤသးမံယွၤလၢအစံၣ်ညီၣ်တၢ်တီန့ၣ်လီၤ.

ပှၤအံၣ်စရ့လးဖိလၢအမၤတၢ်ဒဲးဘးတဖၣ်စ့ၢ်ကီး ပလၢၢ်ဘၣ်ဝဲ ယွၤအတၢ်သုးကွံာ်တၢ်စံၣ်ညီၣ်န့ၣ်လီၤ. အဝဲသ့ၣ် ကူၣ်ထီၣ်ဝဲလၢ ကလုၢ်ထီၣ် တၢ်လုၢ်မ့ၣ်အူ, တၢ်လုၢ်ဂီၤဖံးဖိ, တၢ်အသိ လၢအပှံာ်သလီ, တၢ်လုၢ်လၢအမ့ၢ် တၢ်လုၢ်ကလီကလီတဖၣ်န့ၣ်လီၤ. ဝံမံကၤစံး “ပှၤကညီဧၢ, အဝဲဒၣ်ဒုးနဲၣ်တ့ၢ်နၤတၢ်လၢအဂ့ၤလီၤ. ဒီးမ့တမ့ၢ်ဘၣ် အမၢနမၤတၢ်တီတၢ်လိၤ, ဒီးအဲၣ်ဒိးတၢ်သးကညီၤ, ဒီးလဲၤတၢ်လၢနကစၢ်လၢနသးစူၤန့ၣ်ဘၣ်ဒီး မ့ၢ်အမၢနၤလၢ မနုၤလဲၣ်” (မံ ၆:၈).

ဖဲပဟ့ၣ်ဃီၤ တၢ်စံၣ်ညီၣ်တီအသိး မ့ၢ်ပဟ့ၣ်စ့ၢ်ကီး တၢ်အဲၣ်တၢ်သးကညီၤစ့ၢ်ဧါ. တၢ်အံၤမ့ၢ်တၢ်ဟ့ၣ်လၢအဒိၣ် ဒီးကြၢးဝဲ ဘၣ်ဝဲလၢတၢ်ဟ့ၣ်လီၤအီၤန့ၣ်လီၤ.

ဒ်သိး ပကဘၣ်တၢ်သ့ၣ်ညါပှၤလၢပအိၣ်ဒီးတၢ်သူၣ်ကညီၤသးကညီၤဒီးစံၣ်ညီၣ်တၢ်တီအဂီၢ် မ့ၢ်ပကဘၣ် ရ့လိာ်ဘၣ်ထွဲဒီး
ပှၤအဂုၤအဂၤတဖၣ်ဒ်လဲၣ်အဂ့ၢ်န့ၣ် ပကမၤလိအီၤလၢ တလါညါအံၤန့ၣ် လီၤ.