အံၣ်ဂူယၤစူထံလီၤဆူလၢအအိၣ် လၢဘရၠာစးၤစံကီၢ်ဒီးအါကၠၢ်တံနၤကီၢ်ဆၢ န့ၣ်‚ မ့ၢ်ထံလီၤဆူဖးဒိၣ်တခါလၢထံလီၤဆှုဖိအိၣ် ၂၇၅ ခါ ဒီးပာ်ဖှိၣ်အသးလၢအံၣ်ဂူယၤစူ
ထံကျိအဖီခိၣ်‚ အိၣ်၀ဲ ၂ႉ၇ ကံလိမံထၢၣ်‚ ဒ်ပစံးတၢ်အသိး ၁ႉ၆၇ မံၤလးန့ၣ်လီၤႉ ဒီးလၢထံလီၤဆူအဒူၣ်အိၣ်လၢ ဘရၠာစးၤစံကီၢ်တကပၤန့ၣ်‚ တၢ်စိးပျၤကွဲး ထါစံးထီၣ်ပBတၢၤ ၉၃း၄ လၢအစံး‚ ‘‘ယွၤလၢအလီၢ်ထီၣ်ထီန့ၣ် အကဟုကညီၢ် ဒိၣ်န့ၢ် ထံအါအသီၣ်‚ ပီၣ်လဲၣ်အလပီ၀ါခိၣ် အဒိၣ်အဆူၣ်န့ၣ် တက့ၢ်လီၤ’’ႉ လၢတၢ်ကွဲးအံၤအဖီလာ် တၢ်စိးပျၤကွဲး‚ ‘‘ယွၤန့ၣ်‚ ဒိၣ်န့ၢ်ဒံးပတၢ်ကီတၢ်ခဲ‚ တၢ်ကိၢ်တၢ်ဂီၤခဲလၢာ်’’ န့ၣ်လီၤႉ
ပှၤကွဲးလံာ်ထါစံးထီၣ်ပ့တၢၤ ၉၃‚ လၢအကွဲးတၢ် ဖဲစိၤခ့ခါလၢစီၤပၤတဖၣ်ပၢတၢ်‚ သ့ၣ်ညါ၀ဲ လၢယွၤမ့ၢ်စီၤပၤ ခဲလၢာ်အစီၤပၤန့ၣ်လီၤႉ အ၀ဲကွဲးကဒီး‚ ‘‘ယွၤကဲစီၤပၤလီၤ’’ န့ၣ်လီၤႉ ‘‘နလီၢ်ပစိာ် အိၣ်ဂၢၢ်ဆိးကျၢၤလၢပျၢၤလံၤလံၤ‚ နအိၣ်နဲလၢကစၢၤကစၢၤ လီၤထူလီၤယိာ်လီၤ’’ (း၁‚၂) / ပီၣ်လဲၣ်ဒီးလပီတဖၣ် မ့ၢ်ဒိၣ်ထဲလဲၣ်အတွးတအိၣ်‚ ကစၢ်ယွၤဒိၣ်န့ၢ် အ၀ဲသ့ၣ်ခဲလၢာ်လီၤႉ
ထံလီၤဆူတခါ အတၢ်သီၣ်အံၤအိၣ်ဒီး အကဟုကညီၢ် နီၢ်နီၢ်‚ ဘၣ်ဆၣ်တၢ်ဂ့ၢ်အဂၤအိၣ်၀ဲလီၤဆီတမံၤ လၢထံလီၤဆူလၢအသဟီၣ်ဆူၣ်မးအံၤ အပူၤန့ၣ်လီၤႉ တၢ်န့ၣ်မ့ၢ်တၢ်အိၣ်အသးလၢပဘၣ်ကွၢ်ဆၢၣ်မဲာ် လၢမုၢ်မဆါတနံၤအံၤ န့ၣ်လီၤႉ တၢ်ကီတၢ်ခဲဒီးတၢ်သဘံၣ်ဘုၣ်လၢဟီၣ်ခိၣ်တၢ်ပီးတၢ်လီ‚ ကျိၣ်စ့မ့တမ့ၢ် တၢ်ရၠာစး့လိာ်ဘၣ်ထွဲတဖၣ်ဒိၣ်ထီၣ်အါထီၣ် တုၤဒၣ်လဲာ်တၢ်မၤအသးဒီးနၤ ဒ်သိး နကလီၤတဲာ် ဆူထံလီၤဆှုအံၤအပူၤအသိးန့ၣ်လီၤႉ လၢတၢ်မၤအသးဒ်အံၤတဖၣ်အပူၤ န့ၣ်‚ ပှၤခရၠာစးံာ်ဖိတဖၣ် အိၣ်ဒီးပှၤတဂၤ ဒ်သိးအကဃၣ်ဃီၤအသးဆူအအိၣ်အဂီၢ်/ အ၀ဲမ့ၢ်ကစၢ်‚ ‘‘ဒီးပှၤလၢအမၤအါန့ၢ်ဒိၣ်န့ၢ် ကယဲၢ်ပဃ့တၢ် ဒီးဆိကမိၣ်တၢ်သ့တဂၤ‚ ဒ်အစိအကမီၤ လၢအမၤ၀ဲလၢပပူၤအသိး’’ (အ့း ၃း၂၀) မ့ၢ်လၢအ၀ဲဒိၣ်န့ၢ်ဒံး ကယဲၢ်မ့ၢ် ပတၢ်ကီတၢ်ခဲဒီးတၢ်ကိၢ်တၢ်ဂီၤတဖၣ်အဃိန့ၣ်လီၤႉ