ယမၤတၢ်လၢတၢ်အီၣ်အကျး ခံနံၣ်ဘျဲၣ် ဖဲယထီၣ်တီၤထီကၠိအခါန့ၣ်လီၤႉ တၢ်မၤအံၤ အတၢ်အိၣ်ဖျါန့ၣ်ကီခဲ၀ဲလီၤႉ ပှၤဟဲအီၣ်တၢ်တဖၣ် ကတိၤတၢ်လၢတၢ်သးဒိၣ် ဖဲယတမၤ ဘၣ်ဆၣ်ယဘၣ်ဃ့ကညး လၢတၢ်နုၢ်ထံလီၤသကၤလၢတအဲၣ်ဒိး၀ဲ လၢအကိၣ် အဖီခိၣ် အဃိန့ၣ်လီၤႉ ဖဲယထွးထီၣ်တၢ်မၤ ၀ံၤအလီၢ်ခံ‚ ယတီၢ်ထီၣ်တၢ်မၤလၢ ခီၣ်ဖၠူထၢၣ် တၢ်မၤလၢ ယခီလ့ၣ်ကၠိန့ၣ်လီၤႉ ပှၤလၢအကဒိးလဲယၤတဖၣ် န့ၣ် အသးစဲ လၢယတၢ်ဖံးတၢ်မၤအတၢ်လဲၤခီဖျိ လၢတၢ်အီၣ် အကျး အါန့ၢ်ဒံးယတၢ်သ့တၢ်ဘၣ် လၢခီၣ်ဖၠူထၢၣ် တကပၤ န့ၣ်လီၤႉ အ၀ဲသ့ၣ်အဲၣ်ဒိးသ့ၣ်ညါ လၢယသ့ၣ်ညါရၠာစး့ဒီးပှၤဂၤ န့ၣ်လီၤႉ ယတၢ်လဲၤခီဖျိ လၢတၢ်မၤအသးတမုာ်တလၤ တဖၣ်အံၤ ကတဲာ်ကတီၤယၤ လၢတၢ်မၤဂ့ၤန့ၢ်တၢ်အံၤ အဂီၢ်န့ၣ်လီၤႉ
စီၤဒၤ၀ံးဖိအိၣ်ဒီးတၢ်သူၣ်စူၤသးစူၤ လၢတၢ်လဲၤခီဖိျ တဖၣ်လၢ ပကိးအီၤသ့လၢ တမုာ်တလၤတဖၣ်န့ၣ်လီၤႉ ဖဲပှၤအံၣ်စရၠာစး့လးဖိတဖၣ် ဘၣ်တၢ်တၤအီၤ လၢကဆှၢလီၤ ပှၤတဂၤ လၢကဒုးတၢ်ဒီးစီၤကၤလယးအခါ‚ မတၤတဂၤမး တဒူလၢ ကဆၢထၢၣ်ဒီးမၤတၢ်မၤအံၤဘၣ်ႉ ဘၣ်ဆၣ် စီၤဒၤ၀ံးမၤ၀ဲလီၤႉ စီၤပၤစီၤစီလူးအသးဃၢလၢကဆှၢထီၣ် စီၤဒၤ၀ံး ဒ်သိးကဒုးတၢ် ဘၣ်ဆၣ် သနာ်က့ စီၤဒၤ၀ံးတဲနၢ်ပၢၢ်လၢဒ်အ၀ဲမ့ၢ်ပှၤကွၢ်သိတဂၤအသိး အ၀ဲဘၣ်ဒုးတၢ်ဒီး မၤသံခ့ယုၢ် ဒီးတၤသူလၢအသိတဖၣ်အဂီၢ်န့ၣ်လီၤ (၁့ှှမူၤ ၁၇း၃၄-၃၆) ႉ လၢတၢ်နာ်န့ၢ်လီၤ အသးအပူၤ အ၀ဲတဲ၀ဲ‚ ‘‘ယွၤလၢ အမၤပူၤဖျဲးယၤဒီး ခ့ယုၢ်အစု‚ ဒီးတၤသူအစုန့ၣ် ကမၤပူၤဖျဲးယၤဒီး ပှၤဖလ့့ှှသးဖိတဂၤန့ၣ် အစုပူၤလီၤႉ’’ (း၃၇) ႉ
တၢ်မၤပှၤကွၢ်သိတၢ်မၤအပူၤန့ၣ် စီၤဒၤ၀ံး တဒိးန့ၢ် တၢ်ယူးယီၣ်ပာ်ကဲဘၣ်‚ သနာ်က့ တၢ်မၤအံၤကတဲာ်ကတီၤအီၤ လၢကဒုးစီၤကၤလယးဒီး လၢခံတဆီဘၣ်တဆီ ကဲထီၣ် ပှၤအံၣ်စရၠာစး့လးဖိတဖၣ် အစီၤပၤဖးဒိၣ်န့ၣ်လီိၤႉ ပ၀ဲဒၣ်ပကအိၣ်လၢတၢ်ကီတၢ်ခဲ အကတီၢ်သ့ၣ်သ့ၣ်လီၤႉ ဘၣ်ဆၣ်ခီဖျိလၢတၢ်တဖၣ်အံၤ‚ ကစၢ်ယွၤကတဲာ်ကတီၤပှၤ လၢတၢ်ဂ့ၤန့ၢ်တၢ်အဂီၢ်န့ၣ်လီၤႉ