တၢ်မုာ်ဘၣ်ယသး ဖဲလၢယလဲၤဆူထံလီၤဆူဆူၣ်အပူၤ‚ အဆိကတၢၢ်တဘျီအခါ တချုးဒံးဘၣ် ဖဲယနၢ်ဟူတၢ်သီၣ်ဖးဒိၣ်အခါန့ၣ်လီၤႉ ဖဲလၢယနၢ်ဟူတၢ်ကလုၢ်သီၣ် ဖးဒိၣ်အခါန့ၣ် ယသးပူၤတဂၢၢ်တကျၢၤလၢၤဘၣ်ႉ ပျံၤတၢ်ဖုးတၢ်တဘျီဃီဖဲန့ၣ်လီၤႉ တၢ်အံၤ မ့ၢ်၀ဲ ယတၢ်လဲၤဟးဒီးထံလီၤဆှူ၀ါ အဆိကတၢၢ်တဘျီ အတၢ်လဲၤခီဖျိန့ၣ်လီၤႉ တယံာ်ဘၣ်ဒီး၀ံၤ၀ဲလီၤႉ ပှၤပၢၤတၢ်အိၣ်လၢပလီၢ်ခံ ဒီးနဲၣ်ပှၤ လၢပတၢ်ဒီးထံလီၤဆူ၀ါအံၤ ဒီတကတီၢ်ညါန့ၣ်လီၤႉ ယလဲၤခီဖျိ တၢ်အံၤဂ့ၤဂ့ၤ ဘၣ်ဘၣ်လီၤႉ
တဘျီတခီၣ် လၢပတၢ်အိၣ်မူတၢ်လဲၤခီဖျိအံၤန့ၣ် လီၤဂာ်ဒ်ပဒိးထံလီၤဆူ၀ါအသိးန့ၣ်လီၤႉ လၢပတၢ်အိၣ်မူ တၢ်လဲၤခီဖျိ အထီၣ်အလီၤအပူၤ ဒ်အမ့ၢ်၀ဲပဃုတၢ်မၤ အဂၤ‚ အိၣ်သကိးဃုာ်ဒီးမိၢ်ပၢ်ဆူ ဘၣ်အိၣ်ထဲတဂၤ‚ မ့တမ့ၢ် ဃုာ်ဒီး ပသးသမူတံၤသကိး‚ ပအိၣ်ဒီးပတၢ်မၤဆူ ပဟံးန့ၢ် တၢ်အိၣ်ဘှံး‚ သးစၢ်ဆူသးပှၢ်‚ တၢ်သ့ၣ်တဖၣ်အံၤ ဒုးကဲထီၣ်ပှၤ တၢ်တလီၤတံၢ်လီၤဆဲး ဘၣ်ဒီးတၢ်တဘံၣ်တဘၢဘၣ် တဖၣ်န့ၣ်လီၤႉ
လၢလံာ်စီဆှံအလီၢ်လံၤအပူၤ တၢ်ဆီတလဲ မၤအသးတဘျီ ဖဲလၢစီၤ့ှှလိၤမိၤ ထီၣ်နီလၢအပၢ်အလီၢ် အခါန့ၣ်လီၤႉ ယနာ်လၢစီၤ့ှှလိၤမိၤအသးပူၤ ကအိၣ်ဒီး တၢ်တလီၤတံၢ်လီၤဆဲး ဘၣ်လၢအ၀ဲအတၢ်အိၣ်မူဆူညါ အဂီၢ်န့ၣ်လီၤႉ ဒီးအပၢ်ဟ့ၣ်ဂံၢ်ဟ့ၣ်ဘါအီၤ ဒီးစံး‚ ‘‘ပာ်ဆူၣ် နသးဒီးတံးတဟီၣ်တက့ၢ်ႉ ဒီးမၤတၢ်တက့ၢ်ႉႉႉ ကစၢ်ယွၤ ယကစၢ်ကအိၣ်ဒီးနၤလီၤ’’ ( ၁ ကွဲးနီၣ် ၂၈း၂၀) ႉ
လၢပတၢ်အိၣ်မူအံၤ ပကအိၣ်ဒီး ပတၢ်လဲၤခီဖိျ လၢအဆီတလဲအသးလီၤႉ ဘၣ်ဆၣ် ဒီးကစၢ်ယွၤအိၣ်ဒီးပှၤအဃိ ပအိၣ်ထဲတဂၤ ဧိၤဘၣ်ႉ ကွၢ်ထီၣ်တၢ်ဆူ ပှၤလၢအနဲၣ်ပှၤတဂၤ အအိၣ်လၢအဟ့ၣ်ပှၤတၢ်သးခုဒီးတၢ်ဘံၣ်တၢ်ဘၢအအိၣ်န့ၣ်တက့ၢ်ႉ