အပူၤကွံာ်အနံၣ်သ့ၣ်တဖၣ်န့ၣ် လၢယဟံၣ်ဖိဃီဖိအပူၤ ပှၤခံဂၤဘၣ်ကွၢ်ဆၢၣ်မဲာ်ဒီး တၢ်ဆါအၢတဖၣ် လၢပယၢၤထီၣ်အမံၤတသ့/ တၢ်ဆါအၢအဂ့ၢ် လီၤတံၢ်လီၤဆဲး ပတသ့ၣ်ညါဘၣ်အဃိ လၢတၢ်ဆီၣ်ထွဲမၤစၢၤအ၀ဲသ့ၣ်အဂီၢ် မ့ၢ်တၢ်ကီခဲတမံၤ/ ယဆၢနၢ်ဟူဘၣ် တၢ်ဆါအဂ့ၢ် လီၤတံၢ်လီၤဆဲး လၢကသံၣ်သရၠာစးၣ်အအိၣ်/ ဘၣ်ဆၣ်ဒီး တချုးသ့ၣ်ညါဘၣ် တၢ်ဂ့ၢ်လီၤတံၢ်လီၤဆဲး ပဘၣ်အိၣ်ခိး၀ဲဒၣ်လီၤႉ
လၢတၢ်တလီၤတံၢ်အပူၤ ပဘၣ်ယိၣ်တၢ်လၢ တၢ်မနုၤသ့ၣ်တဖၣ် ကဟဲအိၣ်ထီၣ်သးဒီးတၢ်အံၤန့ၣ် မ့ၢ် တၢ်၀ံဃၢတမံၤလၢ ပဘၣ်တူၢ်ကီကီခဲခဲ/ တချုး တၢ်သံထုးဖးကွံာ်ပှၤ မ့ၢ်ပကဘၣ်အိၣ်ခိး တနွံ‚ တလါ‚ တနံၣ်‚ အနံၣ်တဆံနှၣ်ဧါႉ ဘၣ်ဆၣ်ဒီး မ့တမ့ၢ် လၢတၢ်ဆူးတၢ်ဆါဒၣ်လဲာ် မုၢ်တနံၤ ပ၀ဲကိးဂၤဒဲး ပကဘၣ်သံ၀ဲ/ တၢ်ဆါအၢ ဒ်သိးခဲစၢၣ်တဖၣ် ဒုးဖုးသံနီၣ်ထီၣ်ပှၤ လၢပမ့ၢ်ပှၤလၢအသံသ့သ့ၣ်တဖၣ် အဂ့ၢ်/
သ့ၣ်နီၣ်ထီၣ်က့ၤ ပမ့ၢ်ပှၤလၢအသံသ့ဒီး ဒ်သိးပကအိၣ်ဂၢၢ်အိၣ်ကျၢၤလၢ တၢ်အံၤ အဂီၢ်‚ ယဃ့ထုကဖၣ် ဒ်စီၤမိၤဒီးထုကဖၣ်တၢ်အသိး/ ထါစံးထီၣ်ပ့တၢၤ ၉၀ ပာ်ဖျါ ပမုၢ်နံၤသ့ၣ်တဖၣ် မ့ၢ်ဒ်နီၣ်ဧိၤမံၤဧိၤ လၢဃ့ထီကွံာ်၀ဲ (း၅-၆) ‚ ဘၣ်ဆၣ်ဒီး ကစၢ်ယွၤမ့ၢ် တၢ်အိၣ်တၢ်ဆိးအလီၢ်လၢပဂီၢ် အစိၤစိၤအဃၣ်ဃၣ်လီၤ (း၁) ႉ ဒ်စီၤမိၤဒီး အသိး ပဘၣ်ဃ့ယွၤ လၢကနဲၣ်လိပှၤ ဒ်သိးပကဂံၢ် ပမုၢ်နံၤတဖၣ်ဒီး ပကနှၢ်ဘၣ် သးလၢအကူၣ်တၢ်သ့အဂီၢ်န့ၣ်လီၤ (း၁၂) ႉ တၢ်လၢပမၤလၢပစု ဒုးအိၣ်ဂၢၢ်ဆိးကျၢၤ အီၤတက့ၢ် (း၁၇) ႉ ပှၤကွဲးလံာ်ထါစံးထီၣ်ပ့တၢၤတဂၤ ဟ့ၣ်ပလီၢ်ပှၤ လၢပတၢ်မုၢ်လၢ်တအိၣ်၀ဲဒၣ်လၢ ကသံၣ်သရၠာစးၣ်အတၢ်ပာ်ဖျါအပူၤနှၣ်ဘၣ်‚ ပတၢ်မုၢ်လၢ်အိၣ်၀ဲဒၣ်ထဲလၢ ယွၤကစၢ်လၢ အိၣ်မူ၀ဲအစိၤစိၤအဃၣ်ဃၣ်တဂၤအအိၣ်န့ၣ်လီၤႉ