ပအိၣ်ဒီးတံၤသကိးတဂၤ လၢပကပၤအံၤ ဒုးအါထီၣ် တၢ်သ့တူၢ်တၢ်ဆူးတၢ်ဆါန့ၣ်ဧါႉ ဘၢ်ကၠံနံယၤအဖၠၣ်စိမိၤ အပှၤဃိထံတၢ်တဖၣ် မၤကွၢ် တၢ်လီၤသးစဲတမံၤ ဘၣ်ဃးဒီး တၢ်သံကွၢ်အံၤလီၤႉ ဖဲတၢ်ဆူးတၢ်ဆါပှၤအခါ ပခိၣ်နူာ်မၤတၢ်ဒ်လဲၣ်‚ ဖဲလၢပတူၢ်ဘၣ် တၢ်ဆါထဲတဂၤဧိၤအခါ ပခိၣ်နူာ်မၤတၢ်ဒ်လဲၣ် ဒီးပဟံးဃာ် ပှၤစီစၣ်တဂၤအစု မ့တမ့ၢ် ပဟံးဃာ် တံၤသကိးလၢပအဲၣ်အီၤတဂၤအစုအခါ ပခိၣ်နူာ် မၤတၢ်လီၤဆီဒ်လဲၣ်န့ၣ် အ၀ဲသ့ၣ်အဲၣ်ဒိးသ့ၣ်ညါ၀ဲဒၣ်န့ၣ်လီၤႉ ပှၤဃုထံတၢ်တဖၣ် မၤကွၢ်တၢ်တမံၤအံၤ လၢပှၤအါဂၤအကျါ ဒီးထံၣ်နှၢ်တၢ်အစၢ ဒ်သိးသိး ဖဲလၢပှၤတဂၤ ကဘၣ်ကွၢ်ဆၢၣ်မဲာ် တၢ်ကီတၢ်ခဲအခါ မ့ၢ်အိၣ်ထဲတဂၤဧိၤ မ့တမ့ၢ် မ့ၢ်ဟံးဃာ် ပှၤစီစၣ်တဂၤအစုတခီအခါန့ၣ် ခိၣ်နူာ်အက၀ီၤ လၢအဘၣ်ဃးဒီး တၢ်လီၤပျံၤဘၣ်ယိၣ်ဘၣ်ဘီန့ၣ် ကပီၤထီၣ် ၀ဲလီၤႉ ဘၣ်ဆၣ် ဖဲအဟံးဃာ်ပှၤလၢအနာ်၀ဲတဂၤအစုန့ၣ် ခိၣ်နူာ်အိၣ်လီၤကဆှၣ်၀ဲလီၤႉ တံၤသကိးတဂၤအတၢ်အိၣ်ဆိးဒီးမၤမုာ်သးအံၤ ဒုးအါထီၣ် တၢ်သ့တူၢ်တၢ်ဆါလီၤႉ
ဖဲလၢကစၢ်ခရၠာစးံာ်ဘါထုကဖၣ် တၢ်လၢက့ၤသစ့ၤမနၤတၤသၣ်လီၢ်ပူၤအခါ အ၀ဲလိၣ်ဘၣ် တၢ်မၤမုာ်အီၤလီၤႉ အ၀ဲသ့ၣ်ညါ၀ဲဒၣ် လၢဘူးဒီးအကဘၣ်ကွၢ်ဆၢၣ်မဲာ် တၢ်ဟ့ၣ်လီၤအီၤ တၢ်စၢဃာ်ဖီၣ်ဃာ်အီၤ‚ ဒီးတၢ်သံန့ၣ်လီၤႉ အ၀ဲမၢအတံၤသကိး လၢအဘူးကတၢၢ်ဒီးအီၤတဖၣ် ဒ်သိးကဆိးသီဒီးဘါထုကဖၣ်သကိးဒီးအီၤ ဒီးတဲဘၣ် အ၀ဲသ့ၣ်လၢ ‘‘တၢ်သးအုးအိၣ်၀းတရၠာစးံးယၤ တုၤယကသံတ့ၢ်လီၤ’’ (မး ၂၆း၃၈) ႉ ဘၣ်ဆၣ် စီၤပ့းတ့ှူး‚ စီၤယၤကိာ်ဒီး စီၤယိၤဟၣ်တဖၣ် မံသပ့ၤဘၣ်ဒၣ်အသးလီၤႉ
ကစၢ်ခရၠာစးံာ်ကွၢ်ဆၢၣ်မဲာ် တၢ်တူၢ်ဘၣ်နးနးကလဲာ်လၢ တၤသၣ်လီၢ်အပူၤ‚ တအိၣ်ဒီး စုလၢကဟံးဃာ် မၤမုာ်အီၤဘၣ်ႉ ဘၣ်ဆၣ် မ့ၢ်လၢအ၀ဲတူၢ်တ့ၢ် တၢ်နးတၢ်ဆါအဃိ ပနာ်ကျၢၤမုဆှုသ့ လၢကစၢ်တလဲၤသဒၣ် ဒီးစူးကွံာ်ညိကွံာ်ပှၤ နီတဘျီဘၣ် န့ၣ်လီၤ (ဧ့ၤ့ဘံၤ ၁၃း၅) ႉ
ကစၢ်ခရၠာစးံာ်တူၢ်တ့ၢ်တၢ်အဃိ ပတလဲၤခီဖျိဘၣ် တၢ်လီၤဖးဒီးယွၤအတၢ်အဲၣ် လၢၤဘၣ်န့ၣ်လီၤ (ရၠာစးိမ့ၤ ၈း၃၂) ႉ ကစၢ်ခရၠာစးံာ် အတၢ်အိၣ်ဘူးဒီးပှၤအံၤ မၤစၢၤပှၤလၢ ပတူၢ်တၢ်ကန့ၢ်အဂီၢ်လီၤႉ